ୱାଟର ପାର୍କରେ ସ୍ଲାଇଡିଂର ମଜା ନେଉଥିବା ବେଳେ ଟଳିପଡିଲେ ଯୁବକ
1 min read
ୱାଟର ପାର୍କରେ ଖେଳିବାକୁ ସମସ୍ତେ ପସନ୍ଦ କରିଥାନ୍ତି | ସେଠାରେ ଥିବା ସ୍ଲାଇଡ ଆଉ ଭିନ୍ନ ଭିନ୍ନ ପ୍ରକାର ଗେମ ଖେଳିବାକୁ ସମସ୍ତଙ୍କୁ ପସନ୍ଦ ଥାଏ | ବିଶେଷ କରି ବଡ ବଡ ସ୍ଲାଇଡର | ତେବେ ଏହି ସ୍ଲାଇଡରରେ ସ୍ଲାଇଡିଂ କରି ଜଣଙ୍କ ଚାଲିଯାଇଛି ଜୀବନ | ତେବେ ବ୍ୟକ୍ତି ଜଣକ ହେଉଛନ୍ତି ୨୫ ବର୍ଷୀୟ ଧନଞ୍ଜୟ ମହେଶ୍ୱରୀ | ହଠାତ ସ୍ଲାଇଡିଂ କରୁ କରୁ ତଳି ପଡ଼ିଥିଲେ | ତୁରନ୍ତ ଡାକ୍ତରଖାନାକୁ ନେଲା ବେଳେ ସେଠାରେ ଡାକ୍ତର ତାଙ୍କୁ କରିଥିଲେ ମୃତ ଘୋଷଣା |
ତେବେ ସୂଚନା ମୁତାବକ, ନୋଏଡା ସେକ୍ଟର-୩୯ ଥାନା ଅଞ୍ଚଳର ସେକ୍ଟର-୩୮(ଏ) ସ୍ଥିତ ଜିଆଇପି ମଲର ଓ୍ୱାଟର ପାର୍କକୁ ରବିବାର ଦିନ ଧନଞ୍ଜୟ ତାଙ୍କ4 ଜଣ ସାଙ୍ଗ ସହ ଯାଇଥିଲେ | ସେଠାରେ ସେ ନିଜ ସାଙ୍ଗମାନଙ୍କ ସହ ମଜା ନେଉଥିଲେ | ସେମାନେ କଷ୍ଟ୍ୟୁମ ପିନ୍ଧି ନିଜ ଜିନିଷ ଲକରରେ ରଖିବା ପରେ ସେମାନେ ସସିଧା ସ୍ଲାଇଡିଂ କରିବାକୁ ଯାଇଥିଲେ | ସେଠାରେ ଜଣେ ପରେ ଜଣେ ସ୍ଲାଇଡିଂ କରିବାକୁ ଲଗିଥିଲେ | ସେହି ସମୟରେ ଧନଞ୍ଜୟକୁ ହଠାତ ନିଶ୍ୱାସ ପ୍ରଶ୍ଵାସ ନେବାରେ ଅସୁବିଧା ହୋଇଥିଲା | ପରେ ସେ ହଠାତ ବେହୋସ ହୋଇପଡିଥିଲେ | ଏବଂ ତାଙ୍କୁ ଜିପି ମଲ୍ କର୍ତ୍ତୃପକ୍ଷ ଆମ୍ବୁଲାନ୍ସ ଯୋଗେ ନିକଟସ୍ଥ ହସ୍ପିଟାଲକୁ ନିଆଯାଇଥିଲେ। ସେଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ।
ଧନଞ୍ଜୟ ଦିଲ୍ଲୀର ଆଦର୍ଶ ନାଗ, ଶିବାଜୀ ରୋଡ଼ ଏକ୍ସଟେନ୍ସନରେ ରହୁଥିଲେ। ମୃତ୍ୟୁ ଖବର ମିଳିବା ପରେ ଧନଞ୍ଜୟଙ୍କ ପରିବାର ଲୋକେ ନୋଏଡାରେ ପହଞ୍ଚିଥିଲେ | ତେବେ ପରିବାର ଲୋକ ଏବେ ଅଭିଯୋଗ କରିଛନ୍ତି ଯେ, ତାଙ୍କ ପୁଅ ଗୋଆ ଏବଂ ଅଣ୍ଟାରେ ଘଟ ଲାଗିଛି | ଏହି ସବୁ ଜିନିଷକୁ ଆଖି ଆଗରେ ରଖି ପୋଲିସ ତଦନ୍ତ ଆରମ୍ଭ କରିଛି |
