ସାରା ନୁହେଁ ଏବେ ଏହି ଅଭିନେତ୍ରୀଙ୍କୁ ନେଇ ଲଣ୍ଡନ ବୁଲୁଛନ୍ତି କ୍ରିକେଟର ଶୁଭମନ ଗିଲ!
ଟିମ୍ ଇଣ୍ଡିଆର ଷ୍ଟାର ବ୍ୟାଟର୍ ଶୁଭମନ ଗିଲ୍ ଏବଂ କ୍ରିକେଟ୍ କିମ୍ବଦନ୍ତୀ ସଚିନ ତେନ୍ଦୁଲକରଙ୍କ ଝିଅ ସାରା ତେନ୍ଦୁଲକରଙ୍କ ସମ୍ପର୍କକୁ ନେଇ ଚର୍ଚ୍ଚା ହେଉଥିଲା । କେତେବେଳେ ସାରାଙ୍କ ସହ ଗିଲ୍ ନଜର ଆସୁଛନ୍ତି ତ ଆଉ କେତେବେଳେ ବ୍ରେକ୍ଅପ୍ କୁ ନେଇ । ଆଉ ଏହାକୁ ନେଇ ମୁହଁ ଖୋଲିଥିଲେ ସାରା ତେନ୍ଦୁଲକର । କାରଣ ଖୋଲାଖୋଲି ଭାବେ ତାଙ୍କ ନାଁ ରେ ଏକ ଅବିକଳ ଆକାଉଣ୍ଟ ଖୋଲାଯାଇ ଗିଲ୍ଙ୍କ ସହ ତାଙ୍କୁ ଯୋଡାଯାଇଥିଲା । ଏବେ କିନ୍ତୁ ଲଣ୍ଡନରେ ସମୟ ବିତାଉଛନ୍ତି ଶୁଭମନ ଗିଲ୍ । ବିଶ୍ୱକପ୍ ପରାଜୟ ପରେ ଲଣ୍ଡନରେ ଅଛନ୍ତି ଗିଲ୍ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ସାରାଙ୍କୁ ଛାଡି ଅନ୍ୟ ଜଣେ ଅଭିନେତ୍ରୀଙ୍କ ସହିତ ନଜର ଆସିଛନ୍ତି ଶୁଭମନ୍ ଗିଲ୍ । ଅଭିନେତ୍ରୀ ଅଭନୀତ କୌରଙ୍କ ସହ ଶୁଭମନଙ୍କ ଫଟୋ ଏବେ ଇଣ୍ଟରନେଟରେ ବେଶ୍ ଭାଇରାଲ ହେବାରେ ଲାଗିଛି । ଅତୀତରେ ଶୁଭମନ୍ ସାରା ତେନ୍ଦୁଲକରଙ୍କୁ ଡେଟ୍ କରୁଥିବା ନେଇ ଗୁଜବ ଥିଲା । କିନ୍ତୁ ଏ ନେଇ ଦୁହେଁ କେବେ ଖୁଲାସା କରିନଥିଲେ । ଏବେ ଅଭିନେତ୍ରୀଙ୍କ ସହ ନଜର ଆସିବା ପରେ ସାରାଙ୍କ ସହ ବ୍ରେକ୍ଅପ୍ ଚର୍ଚ୍ଚାକୁ ଆହୁରି ବଢାଇ ଦେଇଛି ।
