ଦୋକାନରେ ବିକ୍ରି ହେଉଛି ପୁଷ୍ଟିକର ଝାଡୁ ! ଭାଇରାଲ ହେଉଛି ଫଟୋ , ଲାଗିଛି କ୍ୟାଲୋରୀ ଚାର୍ଟ …

ନୂଆଦିଲ୍ଲୀ ; ନିକଟରେ ସୋସିଆଲ ମିଡିଆରେ ଏକ ଝାଡୁର ଫଟୋ ଲୋକଙ୍କୁ ଆଶ୍ଚର୍ଯ୍ୟ କରାଇଛି । କାରଣ ଆମେ ଦୋକାନରୁ କୌଣସି ଖାଦ୍ୟ ସାମଗ୍ରୀ କିଣିବା ସମୟରେ ପ୍ୟାକେଟ୍ ଉପରେ ଲେଖାଯାଇଥିବା କ୍ୟାଲୋରୀ ଚାର୍ଟ ଦେଖି କିଣିଥାଉ । ଖାଦ୍ୟରେ କେତେ ପରିମାଣରେ ପ୍ରୋଟିନ୍ , ସୁଗାର,ଭିଟାମିନ ,ଫ୍ୟାଟ୍ ଇତ୍ୟାଦି ଦେଖି ଖାଦ୍ୟ ଜିନିଷ କିଣିଥାଉ । କିନ୍ତୁ ଆପଣଙ୍କୁ ଆମେ ଯଦି କହିବୁ ବର୍ତ୍ତମାନ ଝାଡୁ କିଣିବା ସମୟରେ ଆପଣମାନେ ମଧ୍ୟ ଏହି କ୍ୟାଲୋରୀ ଚାର୍ଟ ଦେଖି କିଣନ୍ତୁ ! କଣ ଆପଣ ବିଶ୍ୱାସ କରିବେ ।

ନିକଟରେ ସୋସିଆଲ ମିଡିଆରେ ଝାଡୁର କିଛି ଏଭଳି ଫଟୋ ଭାଇରାଲ ହେଉଛି ଯାହାକୁ ଆପଣମାନେ ଆଖିରେ ଦେଖିଲେ ହିଁ ବିଶ୍ୱାସ କରିବେ । କାରଣ ଆପଣ ମାନେ ଝାଡୁକୁ ସଫା କାମରେ ଲଗାଇବେ କି ଖାଦ୍ୟରେ ତାହା ଆପଣଙ୍କୁ ଆଶ୍ଚର୍ଯ୍ୟ କରିବ । ଝାଡୁ ଖୋଳରେ କ୍ୟଲୋରୀ ସହ ସୋଡିଅମ୍‌,ପ୍ରୋଟିନ୍‌, ଫ୍ୟାଟ୍ ଏବଂ ସୁଗାରର ଚାର୍ଟ ଲେଖାଯାଇଛି । ଏହି ଫଟୋଟିକୁ ସୋସିଆଲ ମିଡିଆରେ ଜଣେ ବ୍ୟକ୍ତି ପୋଷ୍ଟ କରି ଲେଖିଛନ୍ତି ଯେ ଯଦି କେବେ ଝାଡୁ ଖାଇବାକୁ ଇଛା ହୁଏ ତେବେ ସ୍ନାକ୍ସ ଭାବି ଖାଇପାରିବେ ।