ଫସିଲେ ଅଭିନେତ୍ରୀ ରିୟା ଓ ସ୍ବାମୀ ସୁନିଲ୍ , ବର୍ଷାଙ୍କ ଭଉଣୀ ଆଣିଲେ ସଙ୍ଗୀନ ଅଭିଯୋଗ।
1 min read
ଦିନକୁ ଦିନ ବଢୁଛି ଅଭିନେତ୍ରୀ ରିୟା ଦେଙ୍କ ଅଡୁଆ । ଘରୋଇ ସହାୟିକାର ନିର୍ଯାତନା ଅଭିଯୋଗ ପରେ ଫିଟୁଛି ଗୁମର । ଆଜି ନିର୍ଯାତିତ ଯୁବତୀଙ୍କ ଭଉଣୀ ଏନେଇ ମୁହଁ ଫିଟାଇଛନ୍ତି । ପୂର୍ବରୁ ମଧ୍ୟ ରିୟା ଏବଂ ତାଙ୍କ ସ୍ୱାମୀ ଯୁବତୀଙ୍କୁ ନିର୍ଯାତିତ କରିଥିବା ଅଭିଯୋଗ କରିଛନ୍ତି ପରିବାର ।
କଟକ ବିଡ଼ାନାସୀ ଥାନା ଅଞ୍ଚଳରେ ରହୁଛନ୍ତି ରିୟା ଦେ’ ଓ ତାଙ୍କ ସ୍ୱାମୀ। ତାଙ୍କ ଘରେ ଦେଢ଼ ବର୍ଷ ହେଲା କେୟାରଟେକର ଭାବେ ରହୁଥିଲେ ଭୁବନେଶ୍ୱର ଚନ୍ଦ୍ରଶେଖରପୁର ଅଞ୍ଚଳର ଜଣେ ଯୁବତୀ। ଅଭିଯୋଗ ଅନୁସାରେ ରିୟା ଓ ତାଙ୍କ ସ୍ୱାମୀ ଅନେକ ସମୟରେ ଯୁବତୀଙ୍କୁ ଅକଥନୀୟ ମାଡ଼ ମାରୁଥିଲେ। ନିଶାରେ ବିୟର ବୋତଲରେ ରିୟା ପିଟୁଥିବା ଅଭିଯୋଗ କରିଥିଲେ। ଯେଉଁଥିପାଇଁ ସେ ଠିକ୍ରେ ଚାଲି ପାରୁନଥିବା ପୀଡ଼ିତା କହିଛନ୍ତି। ଅନେକ ସମୟରେ ସିଗାରେଟ୍ ଆଣିବା ପାଇଁ ବଜାରକୁ ପଠାଉଥିଲେ। କୌଣସି କାମରେ ବାହାରକୁ ଗଲେ ଘରେ ପୂରାଇ ତାଲା ପକାଇ ଦେଉଥିଲେ। ଦିନ, ଦୁଇ ଦିନ ପର୍ଯ୍ୟନ୍ତ ବନ୍ଦ ଘରେ ବିତାଇବାକୁ ପଡ଼ୁଥିଲା ବୋଲି ପୀଡ଼ିତା କହିଥିଲେ।
ଖବର ପାଇ କିଛି ସମାଜସେବୀ ବନ୍ଦ ଘରୁ ପୀଡ଼ିତାଙ୍କୁ ଉଦ୍ଧାର କରିଥିଲେ। ପୀଡ଼ିତା ଏନେଇ ଚନ୍ଦ୍ରଶେଖରପୁର ଥାନାରେ ଲିଖିତ ଅଭିଯୋଗ କରିଥିଲେ। ଘଟଣାଟି କଟକ ଟାଉନ୍ ଅଞ୍ଚଳରେ ଘଟିଥିବାରୁ ଚନ୍ଦ୍ରଶେଖରପୁର ଥାନା ପୁଲିସ୍ ମାମଲାକୁ ବିଡାନାସୀ ଥାନାକୁ ଟ୍ରାନ୍ସଫର କରିଥିଲା।
