ଭୟଙ୍କର ସିକିମ ବନ୍ୟାରେ ଓଡିଆ ଯବାନ ନିଖୋଜ ; ପରିବାର ଆଖିରୁ ହଜିଯାଇଛି ନିଦ …
1 min read
ଢେଙ୍କାନାଳ ; ପ୍ରଳୟଙ୍କାରୀ ସିକିମ ବନ୍ୟାରେ ୨୩ ଜଣ ଯବାନ ନିଖୋଜ ହୋଇଯାଇଛନ୍ତି । ତେବେ ନିଖୋଜ ଯବାନଙ୍କ ମଧ୍ୟରେ ଅଛନ୍ତି ଜଣେ ଓଡ଼ିଆ ଯବାନ । ନିଖୋଜ ଏକମାତ୍ର ଓଡିଆ ଯବାନ ହେଲେ ଢେଙ୍କାନାଳ ଜିଲ୍ଲା ଭୁବନ ବ୍ଲକ ଅନ୍ତର୍ଗତ ଦିଘି ପଞ୍ଚାୟତ କେନ୍ଦୁଢିପ ଗାଁର ସରୋଜ କୁମାର ଦାସ ।
ସରୋଜ ଦାସ ସେନାରେ ହାବିଲଦାର ଭାବେ କାର୍ଯ୍ୟ କରୁଥିଲେ । ତେବେ ସରୋଜଙ୍କର ସାତମାସ ତଳେ ବିବାହ ହୋଇଥିବା ବେଳେ ଗତ ଦୁଇମାସ ତଳେ ସିଏ ଗାଁକୁ ଆସିଥିଲେ। ସରୋଜଙ୍କ ସାନଭାଇ ମନୋଜ ଦାସଙ୍କ କହିବା ଅନୁଯାଇ ମଙ୍ଗଳବାର ରାତି ସୂଚନା ଆସିଥିଲେ ମଧ୍ୟ ବୁଧବାର ଦିନ ୧୧ – ୩୦ ରେ ସରୋଜଙ୍କ ୟୁନିଟରୁ ନିଖୋଜ ଥିବା ଫୋନ ଆସିଥିଲା। ରେସ୍କ୍ୟୁ ଅପରେସନ ଚାଲିଛି,ଖୁବଶିଘ୍ର ସୂଚନା ଦିଆଯିବ ବୋଲି ମଧ୍ୟ ଜଣାଯାଇଥିଲା।
ତେବେ ପରିବାର ଲୋକମାନଙ୍କ କହିବା ଅନୁଯାଇ ସରୋଜ ପ୍ରମୋସନରେ ୧୫ ଦିନ ପାଇଁ ଟ୍ରେନିଂରେ ଯାଇଥିଲେ ଓ ପରେ ସିକିମକୁ ଫେରି ଆସିଥି୍ଲେ। ବର୍ତ୍ତମାନ ସରୋଜ ଭାସିଯାଇଥିବା ଖବର ପାଇବା ପରେ ତାଙ୍କ ପରିବାର ଚିନ୍ତିତ ଅଛନ୍ତି।ସରୋଜଙ୍କ ବାପା, ମାଆ, ଭାଇ ଓ ନବବିବାହିତା ପତ୍ନୀଙ୍କ ଆଖିରୁ ନିଦ ହଜିଯାଇଛି। ଏହା ସହ ପୁରା ଗାଁ ଦୁଃଖରେ ସ୍ତବ୍ଦ ହୋଇଯାଇଥିବା ସହ ଅଞ୍ଚଳବାସୀଙ୍କ ଆଖିରୁ ନିଦ ହଜିଯାଇଛି।
