ଓଡ଼ିଶା ପୋଲିସ ଡ୍ରାଇଭର ନିଯୁକ୍ତି ପାଇଁ ବଢ଼ିଲା ଆବେଦନ ତାରିଖ…
1 min read
ଓଡ଼ିଶା ପୋଲିସ ଡ୍ରାଇଭର ନିଯୁକ୍ତି କୁ ନେଇ ଆସିଛି ବଡ଼ ଖବର ।ଗତ ମାସରେ ୪୦୫ଟି ଡ୍ରାଇଭର ପଦ ପୂରଣ ପାଇଁ ବିଜ୍ଞପ୍ତି ପ୍ରକାଶ ପାଇଥିଲା । ଯେଉଁଥିପାଇଁ ଆବେଦନର ସମୟ ସୀମା ଥିଲା ଅକ୍ଟୋବର ୧୧ରୁ ୩୧ ତାରିଖ ।ପ୍ରାର୍ଥୀମାନେ ଅନଲାଇନରେ ଆବେଦନ କରିପାରିବେ ବୋଲି ଦିନ ଧାର୍ଯ୍ୟ ହୋଇଥିଲା । ତେବେ ଏହା ମଧ୍ୟରେ ଆବେଦନର ଅନ୍ତିମ ତାରିଖ ବୃଦ୍ଧି କରାଯାଇଛି । ପ୍ରାର୍ଥୀମାନେ ଏବେ ନଭେମ୍ବର ୧୫ ତାରିଖ ସୁଦ୍ଧା ଆବେଦନ କରିପାରିବେ । ଏନେଇ ଓଡ଼ିଶା ପୋଲିସ ପକ୍ଷରୁ ଏକ ବିଜ୍ଞପ୍ତି ଜାରି କରି ସୂଚିତ କରାଯାଇଛି ।
ମୋଟ ୪୦୫ଟି ଖାଲି ପଦ ମଧ୍ୟରୁ ଅଣସଂରକ୍ଷିତ ବର୍ଗ ପାଇଁ ୨୧୬ଟି, ଅନୁସୂଚିତ ଜାତି (ଏସସି) ପାଇଁ ୫୧ଟି, ଅନୁସୂଚିତ ଜନଜାତି (ଏସଟି) ପାଇଁ ୧୩୮ଟି ପଦ ଖାଲି ରହିଛି । ଶିକ୍ଷା ଓ ସାମାଜିକ କ୍ଷେତ୍ରରେ ପଛୁଆ ଶ୍ରେଣୀ (ଏସଇବିସି) ବର୍ଗର ପ୍ରାର୍ଥୀଙ୍କ ପାଇଁ କୌଣସି ପଦ ସଂରକ୍ଷିତ ନାହିଁ । ତେଣୁ ଏହି ବର୍ଗର ପ୍ରାର୍ଥୀମାନେ ୟୁଆର ବର୍ଗରେ ଆବେଦନ କରିପାରିବେ । ଆସନ୍ତା ୧୧ ତାରିଖରେ ସମ୍ପୂର୍ଣ୍ଣ ବିଜ୍ଞପ୍ତି ଜାରି ହେବା ପରେ ପ୍ରାର୍ଥୀମାନେ ବୟସ ଯୋଗ୍ୟତା, ଆବେଦନ ଫିସ୍, ବେତନ ହାର, ନିଯୁକ୍ତି ସମ୍ବନ୍ଧୀୟ ସବିଶେଷ ତଥ୍ୟ ପାଇ ପାରିବେ ।ଆଶାୟୀମାନେ ଅଧିକ ସୂଚନା ପାଇଁ ଅଫିସିଆଲ ୱେବସାଇଟ https://opdriver.cbexams.com ଯାଇ ଯାଞ୍ଚ କରିପାରିବେ।
