(ଭିଡିଓ) ପୁଣି ଏକାଠି ହେବ ଓଲିଉଡ ଜଗତ! ଫୋନ କଲେ କୁନା ତ୍ରିପାଠୀ ସମାଧାନର ବାଟ ବତାଇଲେ ମନୋଜ ମିଶ୍ର..
1 min read
ଓଲିଉଡରେ ଶେଷ ହେଲା ଛକାପଞ୍ଝାର ଖେଳ । ଆଉ ଅଭିନେତାଙ୍କ ଭିତରେ ଚାଲିଥିବା ବିବାଦରେ ପଡିଗଲା ପୂର୍ଣ୍ଣଚ୍ଛେଦ । ଖୁବଶୀଘ୍ର ସମାଧାନ ହୋଇଯିବ ଓଲିଉଡର କଳି । ତେବେ ଏକଥା ଆମେ କହୁନୁ ଏକଥା ଖୋଦ ଅଭିନେତା ମନୋଜ ମିଶ୍ର କହିଛନ୍ତି । ସେ ଫେସବୁକରେ ଏକ ଲେଖା ପୋଷ୍ଟ କରିଛନ୍ତି, ଯେଉଁଥିରେ ସେ କହିଛନ୍ତି OFDC ର ଚେୟାରମ୍ୟାନ କୁନା ତ୍ରିପାଠୀ ତାଙ୍କୁ ଫୋନ କରିଥିଲେ ।
ଯେଉଁଥିରେ ମନୋଜ ମିଶ୍ର କୁନା ତ୍ରିପାଠୀଙ୍କୁ ସମସ୍ତ ସମସ୍ୟାର ସମାଧାନର ବାଟ କହିଛନ୍ତି । କିଛି ଦିନ ହେଲାଣି ଓଲିଉଡରେ ଲାଗିଛି କଳି । କଥା ଏତେ ବଢି ଯାଇଥିଲା ଯେ ପୂର୍ବ ଓଡିଶା ଏବଂ ପଶ୍ଚିମ ଓଡିଶା ଭାଗ ଭାଗ ହୋଇ ଯିବା ପର୍ଯ୍ୟନ୍ତ ପଳାଇଥିଲା । ତେବେ ଏହାର ସମାଧାନ କରିବା ପାଇଁ ଓଏଫଡିସିର ଚେୟାରମ୍ୟାନ ତଥା ଅଭିନେତା କୁନା ତ୍ରିପାଠୀ ମନୋଜ ମିଶ୍ରଙ୍କୁ ଫୋନ କରିଥିଲେ । ଆଉ ସମସ୍ତ ସମସ୍ୟାର ସମାଧାନ ବିଷୟରେ ଉଭୟଙ୍କ ଭିତରେ ଆଲୋଚନା ହୋଇଛି । ଖୁବ ଶୀଘ୍ର ଏହାର ସାମଧାନ ହୋଇଯିବ ବୋଲି ମନୋଜ ମିଶ୍ର ଆଶା କରିଛନ୍ତି ।
Advertisement
