ରାତିରେ ଜଗିଥିଲେ ଧାନ,ବୃଦ୍ଧଙ୍କୁ ଦଳିଦେଲା ଦନ୍ତାହାତୀ..

କେନ୍ଦୁଝର : ବଢି ଚାଲିଛି ଦନ୍ତାଙ୍କ ଉତ୍ପାତ । ପୁଣି ଦନ୍ତାହାତୀ ଆକ୍ରମଣରେ ଆଖିବୁଜିଲେ ବୃଦ୍ଧ । କେନ୍ଦୁଝର ଜିଲ୍ଲା ଭୂୟାଁ ଜୁଆଙ୍ଗ ପୀଢ଼ ରେଞ୍ଜ ଅନ୍ତର୍ଗତ ଭେଜଡ଼ିହି ଗାଁରେ ଜମିରେ ଧାନ ଜଗିଥିବା ବେଳେ ବୃଦ୍ଧଙ୍କ ଉପରକୁ ହାତୀ ଆକ୍ରମଣ କରିଥିଲା । ମୃତକ ଜଣକ ହେଲେ ବନମାଳୀ ମୁଣ୍ଡା ମୃତ । ସୂଚନା ଅନୁଯାୟୀ, ଗତକାଲି ରାତିରେ ବନମାଳୀ ନିଜ ବିଲ ନିକଟ ଏକ ଚାଳଘରେ ଧାନ ଜଗିଥିବା ବେଳେ, ଗୋଠଛଡ଼ା ଦନ୍ତାହାତୀ ଆକ୍ରମଣ କରିଥିଲା । ଘଟଣାସ୍ଥଳରେ ହିଁ ବନମାଳୀଙ୍କର ପ୍ରାଣବାୟୁ ଉଡି ଯାଇଥିଲା । ଖବର ପାଇ ବନ ବିଭାଗ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟ ପଠାଇଛି ।

Advertisement