ବୋରୱେଲରୁ ଉଦ୍ଧାର ହେଲେ ବୃଦ୍ଧା ….
1 min read
ସୁବର୍ଣ୍ଣପୁର ; ବୋରୱେଲରୁ ଉଦ୍ଧାର ହେଲେ ବୃଦ୍ଧା । ସୋନପୁର-ବୁର୍ଡା ରାସ୍ତାର କଇଁଫୁଲ ନିକଟ ଏକ ବୋରୱେଲରେ ି ସକାଳେ ଖସିପଡିଥିଲେ ୮୦ ବର୍ଷିୟ ବୃଦ୍ଧା ଦୁଃଖୀ ନାୟକ। ସେ ନିଜ ଝିଅ ଘରକୁ ବୁଲିଯାଇଥିବା ବେଳେ ଝାଡ଼ୁ ତିଆରି ପାଇଁ ବେଣା ଆଣିବା ପାଇଁ ଯାଇଥିଲେ । କିନ୍ତୁ ଅସାବଧାନତା ଯୋଗୁ ସେ ବୋରୱେଲକୁ ଖସିପଡିଥିଲେ । ଏହା ପରେ ତୁରନ୍ତ ଅଗ୍ନିଶମ ବିଭାଗ ସେଠାରେ ପହଞ୍ଚି ଉଦ୍ଧାର କାର୍ଯ୍ୟ ଚଳାଇଥିଲା । ଏବଂ ଦୀର୍ଘ ଦେଢ ଘଣ୍ଟାର ପରିଶ୍ରମ ପରେ ଟିମ୍ ବୋରୱେଲ ପାଖରେ ଏକ ସମାନ୍ତରାଲ ଗାତ ଖୋଳି ବୃଦ୍ଧାଙ୍କୁ ଉଦ୍ଧାର କରିଛି ।
ଉଦ୍ଧାର ପରେ ବୃଦ୍ଧାଙ୍କୁ ବର୍ତ୍ତମାନ ଆମ୍ବୁଲାନ୍ସ ଯୋଗେ ହସ୍ପିଟାଲ ନିଆଯାଉଛି । ବୃଦ୍ଧାଙ୍କ ସ୍ବାସ୍ଥ୍ୟାବସ୍ଥା କିଭଳି ଅଛି ସ୍ପଷ୍ଟ ଜଣାପଡ଼ିନି । ତେବେ ବୋରୱେଲରୁ ବୃଦ୍ଧାଙ୍କ ସହ ଏକ ବିଷଧର ସାପ ମଧ୍ୟ ବାହାରିଛି । କିନ୍ତୁ ତାହା ବୃଦ୍ଧାଙ୍କୁ କାମୁଡି ନଥିବା ଅଗ୍ନିଶମବାହିନୀ ଅନୁମାନ କରିଛନ୍ତି ।
Advertisement
