କାର୍କୁ ସାମ୍ନା ପଟୁ ଧକ୍କା ଦେଲା ବାଇକ୍ , ଚାଲିଗଲା ଜୀବନ ..
1 min read
ଗଜପତି : ଗଜପତି ଜିଲ୍ଲା ଅଡବା ଥାନା ଅନ୍ତର୍ଗତ ଶିଆଳିଲଟି ନିକଟରେ କାର ବାଇକ ମୁଁହାମୁଁହି ଧକ୍କା ହେବା ଫଳରେ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଛି । ମୃତକ ଜଣକ ହେଲେ ଅଡବା ଥାନା ଅନ୍ତର୍ଗତ କାମପଦର ଗ୍ରାମର ବସନ୍ତ ବୀର ।
ବସନ୍ତ ନିଜ ଗ୍ରାମ କାମପଦରରୁ ଚୁଡଙ୍ଗପୂର ଅଭିମୁଖେ ଏକ ବାଇକ ଯୋଗେ ଯାଉଥିବା ବେଳେ ଅପର ପାର୍ଶ୍ଵରୁ ଆସୁଥିବା ଏକ କାର ସହିତ ବାଇକର ମୁହାଁମୁହିଁ ଧକ୍କା ହୋଇଥିଲା । ଫଳରେ ବାଇକ ଚାଳକ ବସନ୍ତ ଗୁରୁତର ହୋଇଥିଲେ । ବସନ୍ତ କୁ ଏକ କାର ଯୋଗେ ସ୍ଥାନୀୟ ଲୋକେ ଉଦ୍ଧାର କରି ମୋହନା ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ର ଆଣିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଘଟଣା ସ୍ଥଳରୁ କାର ଡ୍ରାଇଭର ଫେରାର ଥିବାବେଳେ, ଖବର ପାଇ ଅଡବା ପୋଲିସ ଘଟଣା ସ୍ଥଳରେ ପହଞ୍ଚି ଉଭୟ ଗାଡିକୁ ଜବତ କରି ତଦନ୍ତ ଆରମ୍ଭ କରିଛି ।
Advertisement
