ଝାଳବୁହା ଧନ ସଞ୍ଚିତ କରି ଅର୍ଡର କରିଥିଲେ ଆଇଫୋନ ହେଲେ ଫୋନ ବଦଳରେ ପାର୍ସଲରେ ଆସିଲା ଏଭଳି ଜିନିଷ ଆଶ୍ଚର୍ଯ୍ୟ ହୋଇଗଲା ଗ୍ରାହକ

ନବରାତ୍ରୀ ପାଇଁ ଆଜିକାଲି ଇ-କମର୍ସ ପ୍ଲାଟଫର୍ମରେ ଏକ ବମ୍ପର ବିକ୍ରି ଚାଲିଛି । ଏଥିରେ ସମସ୍ତେ ଅଧାରୁ କମ୍ ମୂଲ୍ୟରେ ପ୍ରିମିୟମ୍ ସାମଗ୍ରୀ ପାଇଥାନ୍ତିି । ଅଫର ଆରମ୍ଭ ହେଲା ମାତ୍ରେ ପ୍ରତ୍ୟେକ ବ୍ୟକ୍ତି ନିଜ ପସନ୍ଦର ଜିନିଷ ଅର୍ଡର କରିବାକୁ ଚାହାଁନ୍ତି । କିନ୍ତୁ ଏହି ସମସ୍ତ କାର୍ଯ୍ୟ ଅନଲାଇନରେ କରାଯାଇଥାଏ ଏବଂ ଏହିପରି କାର୍ଯ୍ୟରେ ଘୋଟାଲା ହେବାର ଭୟ ମଧ୍ୟ ରହିଛି । ଯଦି କିଛି ମାମଲାକୁ ଦେଖିବା ତେବେ ଅନେକ ଲୋକ ଅଫର ସମୟରେ ଶସ୍ତା ଆଇଫୋନ୍ ବିକ୍ରି ହେଉଥିବା ବେଳେ ତାକୁ କିଣିବାକୁ ଅର୍ଡର କରିଥିଲେ କିନ୍ତୁ ଯେତେବେଳେ ପାର୍ସଲ ମିଳିବା ବେଳେ ଖୋଲିଥାନ୍ତି ଫୋନ ବଦଳରେ ଅଲଗା ଜିନିଷ ତାଙ୍କୁ ମିଳି ଥାଏ ।ଏଭଳି ଏକ ଘଟଣା ଏବେ ସାମ୍ନାକୁ ଆସିଛି । ଜଣେ ବ୍ୟକ୍ତି ଏହି ଅଫରରେ ଲାଭ ଉଠାଇବାକୁ ଯାଇ ଠକାମୀର ଶିକାର ହୋଇଛନ୍ତି । ପୂଜା ଅଫର ସବୁ କମ୍ପାନୀ ଦେଉଥିବା ବେଳେ ଅନଲାଇନ ୱେସାଇଡରୁ ଦାମୀ ଫୋନ ଅର୍ଡର କରି ଫସିଲେ ଯୁବକ । ସେ କମ ମୂଲ୍ୟରେ ଆଇ ଫୋନ ପାଇବା ଆଶାରେ ଅର୍ଡର କରିଥିଲେ । ପାର୍ସଲ ଆସିବା ପରେ ସେ ଯେତେବେଳେ ଏହାକୁ ଖୋଲିଥିଲେ ସେଥିରୁ ଯାହା ବାହାରି ଥିଲା ତାକୁ ଦେଖି ଆଶ୍ଚର୍ଯ୍ୟ ହୋଇ ଯାଇଥିଲେ । ଆଇ ଫୋନ ବଦସଳରେ ପାର୍ସଲରୁ ବାହାରିଲା ସାବୁନ ଟାହାକୁ ଦେଇ ବ୍ୟକ୍ତିଙ୍କୁ ଝଟକା ଲାଗିଥିଲା । ଏନେଇ ସେ ୱେବସାେଇଟକୁ ଯାଇ ଅଭିଯୋଗ କରିଥିଲେ ସୁଧା କୌଣସି ସୁଫଳ ମିଳି ପାରିଲା ନାହିଁ ।

ଆଜିକାଲି ସମସ୍ତେ ଅନଲାଇନ ସପିଂ କରିବାକୁ ବେଶି ପସନ୍ଦ କରୁଛନ୍ତି ।ଘରେ ବସି ହାତ ପାଖରେ ସବୁ ଜିନିଷ ଉଚିତ ମୂଲ୍ୟ ମିଳି ଯାଉଥିବାରୁ ଆହୁରି ସୁବିଧା ହୋଇ ଯାଇଛି । କିନ୍ତୁ ଏହି ଅନଲାଇନ ସିପିଂ ବେଳେ ବେଳେ ଆପଣଙ୍କୁ କ୍ଷତି କରାଯାଇ ଦେଇଥାଏ । ତ କେବେ ପୁଣି ଆପଣ ଏଥିରେ ଠକାମୀର ଶିକାର ହୋଇଥାନ୍ତି । ବେଳେ ବେଳେ ବଡ ଅନଲାଇନ ୱେବସାଇଟ ମଧ୍ୟ ଭୁଲ ଜିନିଷ ଦେଇ ଦେଇଥାନ୍ତି । ତେବେଏଥିରୁ ବର୍ତ୍ତିବା ପାଇଁ ଆପଣଙ୍କୁ ଆମେ ଆଜି କିଛି ଟିପ୍ସ ଦେବୁ । ତେବେ ଆପଣ ଅର୍ଡର କରୁଥିବା ଆଇଟମ୍ ବଦଳରେ ଆପଣଙ୍କୁ ଯଦି କିଛି ଭୁଲରେ ସାମଗ୍ରୀ ଆସୁଛି କିମ୍ବା ଆପଣ ଆଣି ଥିବା ଆଇଟମକୁ ଫେରସ୍ତ କରିବାକୁ ଚାହୁଁଛନ୍ତି, ତେବେ ଆପଣଙ୍କୁ କିଛି ପ୍ରକ୍ରିୟା ଅନୁସରଣ କରିବାକୁ ପଡିବ ।

ଯଦି ଏକ ଭୁଲ କିମ୍ବା ଖାଲି ପାର୍ସଲ ଆପଣଙ୍କୁ ପ୍ରଦାନ କରାଯାଇଛି, ତେବେ ଆପଣଙ୍କୁ ଅଧିକ ଚିନ୍ତା କରିବାର ଆବଶ୍ୟକତା ନାହିଁ । ଏଥିପାଇଁ ଆପଣଙ୍କୁ କେବଳ ସେହି ଭୁଲ ପାର୍ସଲ ଫେରାଇବାକୁ ପଡିବ । ଏକ ରିଟର୍ନ କରିବାକୁ, ଆପଣ ଯେକୌଣସି ପ୍ଲାଟଫର୍ମରୁ ଅର୍ଡର କରିଥିବେ ଅର୍ଡର ବିବରଣୀ ବିକଳ୍ପକୁ ଯାଆନ୍ତୁ । ଆପଣଙ୍କୁ ରିଟର୍ନ ଆଇଟମ୍ ବିକଳ୍ପ ଚୟନ କରିବାକୁ ଏବଂ ଜିନିଷକୁ ଫେରାଇବାକୁ ପଡିବ । କିନ୍ତୁ ବେଳେବେଳେ ଆପଣଙ୍କ ପାଖରେ ଆଇଟମ ଫେରସ୍ତ କରିବାର ବିକଳ୍ପ ନଥାଏ । ଏଭଳି ପରିସ୍ଥିତିରେ, ଆପଣ ଜିନିଷ ଫେରସ୍ତ କରିବାକୁ ଚାହାଁନ୍ତି, ତେବେ ଆପଣଙ୍କୁ ସରକାରୀ ପୃଷ୍ଠାରେ ଗ୍ରାହକ ସହାୟତା ବିଭାଗରେ ଆପଣଙ୍କର ଅଭିଯୋଗ ଦାଖଲ କରିବାକୁ ପଡିବ । ଏଠାରେ ଅର୍ଡରର ସବିଶେଷ ତଥ୍ୟ ଏବଂ ଦିଆଯାଇଥିବା ଜିନିଷ ସବିଶେଷ ତଥ୍ୟ ଯୋଡି ଏବଂ ସେହି ଭୁଲ ପାର୍ସଲର ଫଟୋ କ୍ଲିକ୍ କରି ସେଥିରେ ପଠାଇବେ । ଏହି ସବୁଚୁ ଭଲ ଭାବେ ମେଲ୍ କରିବାକୁ ପଡିବ ।

ଅର୍ଡର କରିବା ସମୟରେ ଏହି ଜିନିଷଗୁଡ଼ିକୁ ଧ୍ୟାନରେ ରଖନ୍ତୁ :
ଯଦି ଆପଣ ଅନ୍ଲାଇନ୍ ସପିଂ କରନ୍ତି ତେବେ ମନେରଖନ୍ତୁ ଯେ ସର୍ବଦା କେବଳ ଅଫିସିଆଲ୍ ଏବଂ ଯାଞ୍ଚ ହୋଇଥିବା ପ୍ଲାଟଫର୍ମରୁ ସପିଂ କରନ୍ତୁ । କେବଳ ଲୋକପ୍ରିୟ ଏବଂ ବିଶ୍ୱସ୍ତ ଅନ୍ଲାଇନ୍ ଖୁଚୁରା ବ୍ୟବସାୟୀଙ୍କଠାରୁ କିଣିବାକୁ ଚେଷ୍ଟା କରନ୍ତୁ ।
ଏହା ବ୍ୟତୀତ, ଆଇଟମ ତଳେ ଦିଆଯାଇଥିବା ଗ୍ରାହକଙ୍କ ସମୀକ୍ଷା ଏବଂ ମତାମତ ପଢନ୍ତୁ । ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ହେଉଛି ୱେବସାଇଟ୍ ର ସଂଯୋଗ ସୁରକ୍ଷିତ କି ନୁହେଁ ତାହା ଯାଞ୍ଚ କରନ୍ତୁ । ଅର୍ଡର କରିବାବେଳେ, ସର୍ବଦା ରିଟର୍ନ ବିକଳ୍ପ ଚୟନ କରନ୍ତୁ ଏବଂ ଆଇଟମ ଫେରାଇବାକୁ କେତେ ଦିନ ଅନୁମତି ଦିଆଯିବ ତାହା ମଧ୍ୟ ଯାଞ୍ଚ କରନ୍ତୁ । ପ୍ରତ୍ୟେକ ଜିନିଷ ପାଇଁ ଫେରସ୍ତ ସମୟ ଅଲଗା ଅଟେ ।
ଦୟାକରି ୱେବସାଇଟରେ ଜାଲିଆତି ରିପୋର୍ଟ କରନ୍ତୁ ଏବଂ ସମୀକ୍ଷା କିମ୍ବା ମତାମତ ଯୋଗ କରନ୍ତୁ । ପାର୍ସଲ ଖୋଲିବାବେଳେ ସର୍ବଦା ଡେଲିଭରି ବୟ ସାମ୍ନାରେ ଏକ ଭିଡିଓ ପ୍ରସ୍ତୁତ କରନ୍ତୁ । ଏହା ସହିତ, ଯଦି ଆପଣଙ୍କର ପାର୍ସଲ ନଷ୍ଟ ହୋଇଯାଇଛି କିମ୍ବା ଭୁଲ ହୋଇଯାଏ, ତେବେ ଆପଣଙ୍କର ଏହାର ପ୍ରମାଣ ରହିବ ।