ଗ୍ଲେନ ମ୍ୟାକ୍ସୱେଲଙ୍କୁ ନେଇ ମିଲିୟନ ଡଲାର ବାଲା ରିଆକ୍ସନ ଦେଲେ କିଙ୍ଗ କୋହଲି, କହିଦେଲେ ଏଭଳି..
1 min read
ଅଷ୍ଟ୍ରେଲିଆର ଷ୍ଟାର ବ୍ୟାଟର ଗ୍ଲେନ ମ୍ୟାକ୍ସୱେଲ ଗତକାଲି କରିଥିବା ଦମଦାର ବ୍ୟାଟିଂ ସାରା ବିଶ୍ୱକୁ ପାଗଳ କରିଦେଇଛି । ଚଳିତ ବିଶ୍ୱକପରେ ୱାଙ୍ଖଡେ ଷ୍ଟାଡିୟମରେ ଏକ ନୂଆ ଇତିହାସ ରଚିଦେଇଥିଲେ । ଗ୍ଲେନ୍ ମ୍ୟାକ୍ସୱେଲ କ୍ରିକେଟ୍ ବିଶ୍ୱକପକୁ ଓଲଟପାଲଟ କରିଦେଇଥିଲେ କାରଣ ସେ ଆଫଗାନିସ୍ତାନ ବିପକ୍ଷରେ ଅପରାଜିତ ୨୦୧ ରନ୍ କରି କ୍ରିକେଟ୍ ବିଶ୍ୱକପ୍ ୨୦୨୩ ସେମିଫାଇନାଲରେ ପ୍ରବେଶ କରିଥିଲେ ।
ଯେଉଁଠି ଅଷ୍ଟ୍ରେଲିଆ ଆଫଗାନିସ୍ତାନ ସହ ମୁକାବିଲା କରି ମାତ୍ର ୯୧ ରନ କରି ୭ ୱିକେଟ ହରାଇ ବସିଥିଲା ସେଠି ମ୍ୟାକ୍ସୱେଲ ଏକାକୀ ୨୦୧ ରନ କରି ଦଳକୁ ଜିତାଇ ଦେଇଥିଲେ । ଦିନିକିଆ ଇଣ୍ଟରନ୍ୟାସନାଲ ମ୍ୟାଚରେ ସବୁଠାରୁ ଦ୍ରୁତତମ ଶତକ ରେକର୍ଡ କରି ୨ୟ ସ୍ଥାନରେ ରହିଛନ୍ତି ମ୍ୟାକ୍ସୱେଲ ।
ତେବେ ମ୍ୟାକ୍ସୱେଲଙ୍କ ଏହି ରେକର୍ଡ ପରେ ଚାରିଆଡୁ ତାଙ୍କୁ ପ୍ରଶଂସା କରାଯାଉଛି । ଏହି ତାଲିକାରେ ଭାରତର ଖେଳାଳୀ ବିରାଟ କୋହଲି ମଧ୍ୟ ସାମିଲ ହୋଇଛନ୍ତି ।
ଗ୍ଲେନ୍ ମ୍ୟାକ୍ସୱେଲ ୨୦୧ କରିବା ପରେ ତାଙ୍କୁ ଶୁଭେଚ୍ଛା ଜଣାଇବା ସହ ସୋସିଆଲ ମିଡିଆରେ ତାଙ୍କପୋଷ୍ଟ କରି ବିରାଟ ଲେଖିଛନ୍ତି ‘କେବଳ ତୁମେ ଏହା କରିପାରିବ’ । କୋହଲିଙ୍କ ଏହି ପୋଷ୍ଟ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ତେବେ ଗତକାଲିର ମ୍ୟାଚ ପରେ ଆଜି ସମସ୍ତଙ୍କୁ ଟ୍ୱିଟର ମାଧ୍ୟମରେ ଧନ୍ୟବାଦ ଜଣାଇଛନ୍ତି ମ୍ୟାକ୍ସୱେଲ ।
ସୂଚନା ମୁତାବକ ଆଇପିଏଲରେ ମ୍ୟାକ୍ସୱେଲ ବିରାଟଙ୍କ ଦଳ ଅର୍ଥାତ ରୟାଲ ଚ୍ୟାଲଞ୍ଚର ବାଙ୍ଗଲୋରର ଖେଳାଳି ଅଟନ୍ତି । ଆଇପିଏଲରେ ଦମ ଦେଖାଇଥିବା ବେଳେ ଚଳିତ ବିଶ୍ୱକପରେ କାଲି ସାରା ଦେଶ ଦେଖିଲା ତାଙ୍କ ବ୍ୟାଟିଂରୁ ଜଲୱା ।
