୨୪ଘଣ୍ଟା ଭିତରେ ଭାରତ ଛାଡିବ ପାକିସ୍ତାନ, ଗୋଟେ କଏନ ବଦଳାଇ ଦେବ କି ବାବର ଟିମ୍ର ଭାଗ୍ୟ ?
1 min read
ନଭେମ୍ବର ୧୧ ଅର୍ଥାତ ଶନିବାର ଦିନ ଚଳିତ ବିଶ୍ୱକପ ଲିଗ ପର୍ଯ୍ୟାୟର ୪୪ତମ ମ୍ୟାଚରେ ଦେଖିବାକୁ ମିଳିବ ହାଇଭୋଲ୍ଟେଜ ଲଢେଇ । ଜଣେ ସମ୍ମାନ ବଂଚାଇବା ପାଇଁ ମୈଦାନକୁ ଓହ୍ଲାଇବ ଆଉ ଜଣେ ସେମିଫାଇନାଲକୁ ଯିବାକୁ ସଂଘର୍ଷ କରିବ । ତେବେ ଆଜିର ବିଶ୍ୱକପରେ ୨ଟି ମ୍ୟାଚ ଥିବା ବେଳେ ଅଷ୍ଟ୍ରେଲିଆ ସହ ବାଂଲାଦେଶ ମୈଦାନକୁ ଓହ୍ଲାଇଛି । ସେହିପରି ଅପରାହ୍ନରେ ମୁହାଁମୁହିଁ ହେବେ ପାକିସ୍ତାନ ସହ ଇଂଲଣ୍ଡ । କୋଲକାତାର ଇଡେନ ଗାର୍ଡେନ ଷ୍ଟାଡିୟମରେ ପରସ୍ପରକୁ ଭେଟିବେ । ରାସ୍ତା କଠିନ ଥିବା ବେଳେ ଆଜିର ମ୍ୟାଚ ତାଙ୍କୁ ସେମିଫାଇନାଲର ବାଟ ଦେଖାଇବ । ସେହିପରି ଆଇସିସି ପୁରୁଷ ବିଶ୍ୱକପ ୨୦୨୩ରେ ଇଂଲଣ୍ଡ ପ୍ରଦର୍ଶନ ନୈରାଶ୍ୟଜନକ ରହିଛି ।
ଲିଗ ମ୍ୟାଚରେ ଭଲ ପ୍ରଦର୍ଶନ କରିନ ପାରି ସେମିଫାଇନାଲ ରେସରୁ ବାଦ ପଡିଛି ଇଂଲଣ୍ଡ । କିନ୍ତୁ ଆଜି ମ୍ୟାଚରେ ବିଜୟୀ ହୋଇ ଦଳ ବିଶ୍ୱକପରେ ଅଭିଯାନ ଶେଷ କରିବାକୁ ଲକ୍ଷ୍ୟ ରଖିଛି । ପଏଣ୍ଟ ଟେବୁଲର ୭ମ ସ୍ଥାନରେ ରହିଛି ଇଂଲଣ୍ଡ । ବିଶ୍ୱକପ୍ ୨୦୨୩ ର ୪୪ତମ ଲିଗ୍ ମ୍ୟାଚ୍ ରେ ପାକିସ୍ତାନ ଇଂଲଣ୍ଡ ସହିତ ମୁହାଁମୁହିଁ ହେବ ଏବଂ ଏହା ସହିତ ବିଶ୍ୱକପରେ ପାକିସ୍ତାନର ଯାତ୍ରା ଶେଷ ହେବାକୁ ଯାଉଛି । ଶ୍ରୀଲଙ୍କା ବିପକ୍ଷରେ ନ୍ୟୁଜିଲାଣ୍ଡର ସହଜ ବିଜୟ ସହ ସେମିଫାଇନାଲରେ ପାକିସ୍ତାନର ଦ୍ୱାର ପ୍ରାୟତଃ ବନ୍ଦ ହୋଇଯାଇଛି । ଆଉ ଯାହା କିଛି ଆଶା ଅଛି ତାହା ଆଜି ଶନିବାର ଦିନ ୧.୩୦ ରେ କୋଲକାତାରେ ସମ୍ପୂର୍ଣ୍ଣ ବନ୍ଦ ହୋଇଯାଇପାରେ । ଏଥିସହ ୨୪ ଘଣ୍ଟା ମଧ୍ୟରେ ପାକିସ୍ତାନୀ ଦଳ ଦୁବାଇ ଦେଇ ନିଜ ଦେଶକୁ ଫେରିଯିବେ ।
ଯେତେବେଳେ ପାକିସ୍ତାନୀ ଦଳ ଇଡେନ୍ ଗାର୍ଡେନ୍ସ ପଡ଼ିଆକୁ ଯିବ ସେତେବେଳେ ସେମାନଙ୍କୁ ଏକ ସୁଯୋଗ ମିଳିବ । ତେବେ ଏହି ସୁଯୋଗ ମଧ୍ୟ ଏପରି ଯେ ପାକିସ୍ତାନକୁ ସର୍ବୋତ୍ତମ କ୍ରିକେଟ୍ ଖେଳିବାକୁ ପଡିବ ଏବଂ ଇଂଲଣ୍ଡକୁ ସବୁଠାରୁ ଖରାପ କ୍ରିକେଟ୍ ଖେଳିବାକୁ ପଡିବ । ଯେହେତୁ ବାବର ଆଜାମ ମ୍ୟାଚର ଗୋଟିଏ ଦିନ ପୂର୍ବରୁ କହିଥିଲେ ଯେ କ୍ରିକେଟରେ କିଛି ବି ହୋଇପାରେ, କେବଳ ସେହି ଶେଷ ଆଶା ସହିତ ପାକିସ୍ତାନୀ ଦଳ ପଡ଼ିଆକୁ ଆଜି ଯିବେ । ନ୍ୟୁଜିଲାଣ୍ଡକୁ ପଛରେ ପକାଇବାକୁ ହେଲେ ଇଂଲଣ୍ଡକୁ ୨୮୦ ରୁ ଅଧିକ ବ୍ୟବଧାନରେ ପରାସ୍ତ କରିବାକୁ ପଡିବ । ବସ କିଛି ଘଣ୍ଟାର ଅପେକ୍ଷା ଆଉ ତା ପରେ ଟସ ପଡିବାକୁ ଅପେକ୍ଷା ।
ପାକିସ୍ତାନ ପାଇଁ ଟସ୍ ଜିତିବା କାହିଁକି ଗୁରୁତ୍ୱପୂର୍ଣ୍ଣ?
ଚହିବାକୁ ଗଲେ ପାକିସ୍ତାର ପାଇଁ ଏହା ଶେଷ ସୁଯୋଗ । ଟସ ଜିତି ପାକିସ୍ତାନକୁ ପ୍ରଥମେ ବ୍ୟାଟିଂ କରିବାକୁ ପଡିବ । ଯଦି ଇଂଲଣ୍ଡ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥାଏ, ତେବେ ପାକିସ୍ତାନର ଯାତ୍ରା ଶେଷ ହେବ । ଏହାର କାରଣ ହେଉଛି ପାକିସ୍ତାନର ରନ୍ ପଛରେ ସେମିଫାଇନାଲରେ ପ୍ରବେଶ କରିବାର କୌଣସି ସୁଯୋଗ ନାହିଁ । ଦୁଇ ନମ୍ବରରେ ବ୍ୟାଟିଂ କରି ପାକିସ୍ତାନକୁ ୩-୪ ଓଭର ମଧ୍ୟରେ କୌଣସି ଲକ୍ଷ୍ୟ ହାସଲ କରିବାକୁ ପଡିବ, ଯାହା ସମ୍ଭବ ନୁହେଁ । ଏଥିରୁ ସ୍ପଷ୍ଟ ହୋଇଛି ଯେ ଯଦି ପାକିସ୍ତାନକୁ ସେମିଫାଇନାଲ ପାଇଁ ଶେଷ ପ୍ରୟାସ କରିବାକୁ ପଡିବ, ତେବେ ଟସ୍ ଆକାରରେ ପ୍ରଥମ ପର୍ଯ୍ୟାୟ ଅତିକ୍ରମ କରିବାକୁ ପଡିବ । ଯଦି ଏହା ନହୁଏ, ତେବେ ମ୍ୟାଚ୍ ଶେଷ ହେବା ପରେ ପାକିସ୍ତାନୀ ଦଳ ଏହାର ବ୍ୟାଗ ପ୍ୟାକ୍ କରି ଦେଶକୁ ଫେରିବା ପାଇଁ ପ୍ରସ୍ତୁତ ହେବେ । ଏହାର ଅର୍ଥ ଏହା ସ୍ପଷ୍ଟ ଯେ ପାକିସ୍ତାନୀ ଦଳ ଆସନ୍ତା ୨୪ ଘଣ୍ଟା ମଧ୍ୟରେ ଦେଶ ଛାଡିବେ ।ଆଉ ଚଳିତ ବିଶ୍ୱକପର ଆଶା ହରାଇ ବସିବେ ।
