ଏସିଆ କପ୍ ୨୦୨୩ ; ଆରମ୍ଭରୁ ପାକିସ୍ତାନର କୀର୍ତ୍ତିମାନ ବିଜୟୀ …

ନୂଆଦିଲ୍ଲୀ : ଆରମ୍ଭରୁ ବାଜି ମାରିଲା ପାକିସ୍ତାନ । ନେପାଳକୁ ୨୩୮ ରନ୍ ରେ ହରାଇ ଏସିଆ କପ୍‌ରେ ଦମଦାର ଆରମ୍ଭ କରିଛି । ଗତକାଲି ମୁଲତାନ କ୍ରିକେଟ ଷ୍ଟାଡିୟମ୍‌ରେ ଘରୋଇ ଦଳ ପାକିସ୍ତାନ ୩୪୨/୬ ସ୍କୋର କରିବା ପରେ ନେପାଳ ୨୩.୪ ଓଭର ସୁଦ୍ଧା ସମସ୍ତ ୱିକେଟ୍ ହରାଇ ୧୦୪ ରନ୍ କରିପାରିଥିଲା ।

ତେବେ ପ୍ରଥମେ ବଡ ଅସୁବିଧାରେ ପଡିଥିଲା ପାକ୍ । ଯେତେବେଳେ ପାକ୍ ୧୨୪ ରନରେ ୪ ୱିକେଟ୍ ହରାଇ ଥିଲା । କିନ୍ତୁ ପରେ ଅଧିନାୟକ ବାବର ଓ ଇଫତିକାର ଅହମ୍ମଦ ଶତକ ମାରିବା ସହ ଦଳକୁ ବଡ଼ ସ୍କୋରରେ ପହଞ୍ଚାଇଥିଲେ । ବାବର ୧୩୧ ବଲରେ କରିଥିଲେ ୧୫୧ ରନ୍ । ସେହିପରି ମାତ୍ର ୭୧ ବଲରେ ୧୦୯ ରନର ବିସ୍ଫୋରକ ଇନିଂସ ଖେଳିଥିଲେ ଇଫତିକାର । ସେହିଭଳି ବୋଲିଂରେ ସଦାବ ଖାନ ସର୍ବାଧିକ ୪ ୱିକେଟ୍ ନେଇଥିଲେ । ସେହିଭଳି ଆଜି ପଡିଆରେ ୨ୟ ମୁକାବିଲାରେ ଶ୍ରୀଲଙ୍କାକୁ ଭେଟିବ ବାଂଲାଦେଶ ।

Advertisement