ଭାରତକୁ ହରାଇଲେ ବାଂଲାଦେଶୀଙ୍କ ସହ ଡିନର ଡେଟ୍ରେ ଯିବେ ଅଭିନେତ୍ରୀ.. ତାସହ ଦେଲେ ଆହୁରି ଅଫର..
1 min read
ଭାରତ ଠାରୁ ପାକିସ୍ତାନ ହାରିବା ପରେ ସହଜରେ ଗ୍ରହଣ କରି ପାରୁ ନାହାନ୍ତି ପାକିସ୍ତାନବାସୀ । ଭାରତ ଉପରେ ରାଗି ସୋଶିଆଲ ମିଡିଆରେ ବାହାର କରୁଛନ୍ତି ନିଜର ଭଡାସ । କେତେବେଳେ ଭାରତୀୟଙ୍କୁ ବଦନାମ କରୁଛନ୍ତି ତ ପୁଣି କେବେ ଅନ୍ୟ ଦଳର ଖେଳାଳଙ୍କୁ ଭାରତକୁ ପରାସ୍ତ କରିବାକୁ ଦେଉଛନ୍ତି ଅନେକ ଅଫର । ଆଜ୍ଞା ହଁ ଭାରତ ବିରୋଧରେ ବିଷ ଓଗାଳୁଛନ୍ତି ପାକିସ୍ତାନୀ ଲୋକ । ଯାହାର ଏକ ଉଦାହରଣ ପୁଣି ସୋଶିଆଲ ମିଡିଆରେ ଦେଖିବାକୁ ମିଳିଛି । ଆଜି ଭାରତ ତାର ୪ର୍ଥ ମ୍ୟାଚ ବାଂଲାଦେଶ ବିପକ୍ଷରେ ଖେଳିବାକୁ ଯାଉଛି । ତା ପୂର୍ବରୁ ଭାରତୀୟ ଖେଳାଳୀଙ୍କ ବିରୋଧରେ ଷଡଯନ୍ତ୍ର କରୁଛି ପାକିସ୍ତାନ ।
ଭାରତକୁ ହରାଇବାକୁ ବାଲଂଦେଶୀ ଖେଳାଳିଙ୍କୁ ଖୋଲ ଅଫର ଦେଖିଛନ୍ତି ପାକିସ୍ତାନୀ ଅଭିନେତ୍ରୀ । ପାକିସ୍ତାନ ଭାରତକୁ ହରାଇ ପାରି ନଥିବା ବେଳେ ଅଭିନେତ୍ରୀ ଜଣକ ବାଲଂଦେଶ ଉପରେ ସବୁ ଭରସା କରିଛନ୍ତି । ବାଂଲାଦେଶ ବିଶ୍ୱକପରେ ଭାରତ ଠାରୁ ପାକିସ୍ତାନର ପ୍ରତିଶୋଧ ନେଉ ବୋଲି ଅଭିନେତ୍ରୀ ସେହର ଶିନୱାରି ଆଶା କରିଛନ୍ତି । ନିକଟରେ ହୋଇଥିବା ଆଇସିସି ପୁରୁଷ କ୍ରିକେଟ୍ ବିଶ୍ୱକପ୍ ୨୦୨୩ ମୁକାବିଲାରେ ଅକ୍ଟୋବର ୧୪ (ଶନିବାର), ରୋହିତ ଶର୍ମାଙ୍କ ଦଳ ୭ ୱିକେଟ୍ ବିଜୟ ହାସଲ କରିଥିବାରୁ ଭାରତ ସାମ୍ନାରେ ପାକିସ୍ତାନ ଏକ ଲଜ୍ଜାଜନକ ପରାଜୟର ସମ୍ମୁଖୀନ ହୋଇଥିଲା ।
ଯାହା ପରେ ପାକିସ୍ତାନୀ ଅଭିନେତ୍ରୀ ସେହର ସୋସିଆଲ ମିଡିଆ ପ୍ଲାଟଫର୍ମ ଏକ୍ସ (ପୂର୍ବରୁ ଟ୍ୱିଟର) କୁ ନେଇ ପ୍ରତିଶ୍ରୁତି ଦେଇଥିଲେ ଯେ ଯଦି ସେମାନଙ୍କ ଦଳ ଭାରତକୁ ପରାସ୍ତ କରିବାରେ ସଫଳ ହୁଏ ତେବେ ସେ ବାଂଲାଦେଶୀ କ୍ରିକେଟରଙ୍କ ସହ ଡେଟ୍ରେ ଯିବେ । ତାଙ୍କ ପୋଷ୍ଟରେ କହିଛନ୍ତି, “ଇନସାଆଲ୍ଲା,ମୋର ବଙ୍ଗାଳୀ ବାନ୍ଧୁ ପରବର୍ତ୍ତୀ ମ୍ୟାଚରେ ଆମର ପ୍ରତିଶୋଧ ନେବେ । ଯଦି ସେମାନଙ୍କ ଦଳ ଭାରତକୁ ପରାସ୍ତ କରିବାରେ ସଫଳ ହୁଏ ତାହା ହେଲେ ମୁଁ ଢାକାରେ ଯାଇ ପହଁଞ୍ଚିବି । ଏଥିସହ ବାଲାଂଦେଶୀ ଖେଳାଳିଙ୍କ ସହ ରାତ୍ରୀ ଭୋଜନରେ ଯିବି ।ଯେଉଁଠି ଆମେ ମିଶି ମାଛ ଖାଇବା ।
ଏହା ପ୍ରଥମ ଥର ନୁହେଁ ଯେ ଶିନୱାରୀ ତାଙ୍କ କଥାରେ ସୋସିଆଲ ମିଡିଆକୁ ଉତ୍ସାହିତ କରିଛନ୍ତି । ସେପ୍ଟେମ୍ବର ମାସରେ, ଏସିଆ କପ୍ ୨୦୨୩ ରେ ଭାରତ ହାତରେ ପାକିସ୍ତାନର ଲଜ୍ଜାଜନକ ପରାଜୟ ପରେ ସେ ଏକ୍ସ(ପୁର୍ବରୁ ଟ୍ୱିଟର) ରେ ପୋଷ୍ଟ କରି କହିଛନ୍ତି ଯେ ସେ ନିଜ ପ୍ରଶଂସକଙ୍କ ଭାବନା ସହିତ ଖେଳିଥିବାରୁ ବାବର ଆଜାମ ଏବଂ ତାଙ୍କ ପୁରୁଷଙ୍କ ବିରୋଧରେ ଏଫଆଇଆର ଦାଖଲ କରିବାକୁ ଯାଉଛନ୍ତି ।
