ଏହି ପାକିସ୍ତାନୀ ହିରୋଇନ ସହ ଫିଲ୍ମ କରିବେ ପ୍ରଭାସ ..
1 min read
କଲ୍କିରେ ସଫଳତା ପାଇବା ପରେ ଏବେ ପାକିସ୍ତାନୀ ଅଭିନେତ୍ରୀଙ୍କ ସିନେମା କରିବାକୁ ପ୍ରସ୍ତୁତ ଅଛନ୍ତି ସୁପରଷ୍ଟାର ପ୍ରଭାସ । ପ୍ରଭାସ ନିକଟରେ ଏକ ନୂଆ ଫିଲ୍ମ ପାଇଁ ସାଇନ କରିଥିବା କୁହାଯାଉଛି । ଯେଉଁଥିରେ ସେ ଜଣେ ପାକିସ୍ତାନୀ ଅଭିନେତ୍ରୀଙ୍କ ସହ ରୋମାନ୍ସ କରୁଥିବା ନଜର ଆସିବାକୁ ଯାଉଛନ୍ତି । ଯଦିଓ ଏହି ଫିଲ୍ମର ନାମ କି ଏହା ସହ ଜଡିତ ଅଧିକ ତଥ୍ୟ ସାମନାକୁ ଆସିନାହିଁ, କିନ୍ତୁ ପାକିସ୍ତାନୀ ଅଭିନେତ୍ରୀ ସଜଲ ଅଲ୍ଲିଙ୍କ ସହ ସେ ଅଭିନୟ କରିବେ ବୋଲି ଚର୍ଚ୍ଚା ହେଉଛି । କହିରଖୁଛୁ ଯେ, ସଜଲ ଅଲ୍ଲି ୨୦୧୭ ମସିହାରେ ଫିଲ୍ମ ‘ମମ’ରେ ଏକ ପ୍ରମୁଖ ଭୂମିକାରେ ଅଭିନୟ କରିଥିଲେ ।
ସେ ଭେଟେରାନ ଅଭିନେତ୍ରୀ ଶ୍ରୀଦେବୀଙ୍କ ଝିଅ ଭୂମିକାରେ ତାଙ୍କୁ ଦେଖିବାକୁ ମିଳିଥିଲା । ଗତ ବର୍ଷ ଜଣେ ଅବସରପ୍ରାପ୍ତ ଭାରତୀୟ ସେନା ଅଧିକାରୀ ସଜଲଙ୍କ ନାଁରେ ହନି ଟ୍ରାପ୍ ଅଭିଯୋଗ ଆଣିଥିଲେ । ସେ କହିଥିଲେ ଯେ, ପାକିସ୍ତାନ ସେନା ହନି ଟ୍ରାପିଂ ପାଇଁ ଯେଉଁ ଅଭିନେତ୍ରୀମାନଙ୍କୁ ବ୍ୟବହାର କରେ ସେମାନଙ୍କ ଭିତରୁ ଅନ୍ୟତମ ହେଉଛନ୍ତି ସଜଲ । ଏହି ଅଭିଯୋଗକୁ ଖଣ୍ଡନ କରିଥିଲେ ସଜଲ । ଏହି ପାକିସ୍ତାନୀ ଅଭିନେତ୍ରୀଙ୍କ ଭାରତରେ ମଧ୍ୟ ଅନେକ ଫ୍ୟାନ ଫଲୋଅର୍ସ ରହିଛନ୍ତି । ତେଣୁ ପ୍ରଭାସଙ୍କ ସହ ସେ ଅଭିନୟ କରିବା ଖବର ଯଦି ସତ ହୁଏ, ତେବେ ଫ୍ୟାନ୍ସଙ୍କ ପାଇଁ ଏହା ହେବ ଖୁସି ଖବର ।
