ବଢିଲା ରୋହିତ ଶର୍ମାଙ୍କ ଚିନ୍ତା,ବିଶ୍ୱକପରୁ ବିଦା ହେଲେ ହାର୍ଦ୍ଦିକ ପାଣ୍ଡ୍ୟା..

ଚଳିତ ବିଶ୍ୱକପର ସେମି ଫାଇନାଲ ଆରମ୍ଭ ନ ହେଉଣୁ ଟିମ୍ ଇଣ୍ଡିଆକୁ ମିଳିଲା ବଡ ଝଟକା । କାରଣ ଭାରତର ଅଲରାଉଣ୍ଡକୁ ଆଉ ବିଶ୍ୱକପରେ ଖେଳୁଥିବା ଦେଖିବାକୁ ମିଳିବନି । ଚଳିତ ବିଶ୍ୱକପରୁ ବାଦ ପଡିଲେ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା । ଆହତ କାରଣରୁ ସେ ଦଳରୁ ବାଦ ପଡିଛନ୍ତି । ତାଙ୍କ ବଦଳରେ ନୂଆ କରି ସ୍ଥାନ ପାଇଲେ ପ୍ରସିଦ୍ଧ କ୍ରିଷ୍ଣା । ତେବେ ବାଂଲାଦେଶ ବିପକ୍ଷ ସଂଘର୍ଷରେ ଷ୍ଟାର ଇଣ୍ଡିଆନ୍ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ୨୦୨୩ କ୍ରିକେଟ୍ ବିଶ୍ୱକପରୁ ବାଦ ପଡିଛନ୍ତି । ପାଣ୍ଡ୍ୟା ପରବର୍ତ୍ତୀ ସମସ୍ତ ଖେଳରୁ ବଞ୍ଚିତ ହୋଇଥିଲେ କିନ୍ତୁ ତାଙ୍କ ଫ୍ୟାନ୍ସଙ୍କ ବିଶ୍ୱାସ ଥିଲା ଯେ ଅଲରାଉଣ୍ଡର ଠିକ୍ ସମୟରେ ଫିଟ୍ ହୋଇପାରିବେ । ହେଲେ ଏବେ ଯେଉଁ ଖବର ସାମ୍ନାକୁ ଆସିଛି ତାକୁ ଶୁଣି ଭାରତୀୟଙ୍କୁ ବି ବଡ ଝଟକା ଲାଗିଛି ।

ହାର୍ଦ୍ଦିକ ବଦଳରେ ଦଳରେ ପ୍ରସାଦ କ୍ରିଷ୍ଣାଙ୍କ ସ୍ଥାନ ଦିଆଯାଇଛି ଏବଂ ଏହି ପରିବର୍ତ୍ତନକୁ ଶନିବାର ବିଶ୍ୱକପ୍‌ର ଇଭେଣ୍ଟ ବୈଷୟିକ କମିଟି ଅନୁମୋଦନ କରିଛି ବୋଲି ଆନ୍ତର୍ଜାତୀୟ କ୍ରିକେଟ୍ ପରିଷଦ ଏକ ପ୍ରେସ ରିଲିଜରେ କହିଛି ।

ବିଶ୍ୱକପ ସମୟରେ ୧୫ ଜଣିଆ ଦଳରେ ଯେ କୌଣସି ପରିବର୍ତ୍ତନ ଇଭେଣ୍ଟ ବୈଷୟିକ କମିଟିର ଅନୁମୋଦନ ଆବଶ୍ୟକ କରେ ଯାହା ପରେ ନୂତନ ଖେଳାଳି ଆନୁଷ୍ଠାନିକ ଭାବରେ ଯୋଡି ହୁଅନ୍ତି । ତେବେ ହାର୍ଦ୍ଦିକଙ୍କ ଚକିିତ୍ସା ଚାଲିଥିବା ବେଳେ ବର୍ତ୍ତମାନ ସୁଧା ସେ ସୁସ୍ଥ ହୋଇ ନାହାନ୍ତି । ଆଉ ଚିକିତ୍ସା ଲାଗି ସେ ବାଙ୍ଗାଲୋରରେ ଅଛନ୍ତି । ଲଗାତାର ଭାବେ ଡାକ୍ତରୀ ଟିମ ତାଙ୍କଉପରେ ନଜର ରଖିଛନ୍ତି । ତେବେ ସେ କୋଲକାତାରେ ଦକ୍ଷିଣ ଆଫ୍ରିକା ମ୍ୟାଚରେ ଫେରିବେ ବୋଲି ଶୁଣିବାକୁ ମିଳିଥିଲା । ହେଲେ ଏଥିରେ ପୂର୍ଣ୍ଣଚ୍ଛେଦ ପକେଇ ଦେଇଛି । ତାଙ୍କ ସ୍ଥାନରେ ବିଶ୍ୱକପରେ ଏବେ ଦେଖିବାକୁ ମିଳିବେ ପ୍ରସିଦ୍ଧ କ୍ରିଷ୍ଣା । ସେ ଟିମ ପାଇଁ କେତେ ଫାଇଦା ହେବେ ତାହା ଦେଖିବାକୁ ବାକି ରହିଲା ।

ଏହାକୁ ପଢନ୍ତୁ https://www.pratidintv.com/hardik-pandya-out-of-dharamsala-match/

ଆଇସିସି ପୁରୁଷ କ୍ରିକେଟ୍ ବିଶ୍ୱକପ୍ ୨୦୨୩ ର ମ୍ୟାଚର ଟେକ୍ନିକାଲ୍ କମିଟିରେ ୱାସିମ୍ ଖାନ୍ (ଆଇସିସି ଜେନେରାଲ୍ ମ୍ୟାନେଜର – କ୍ରିକେଟ୍ ଏବଂ ଇଟିସି ଚେୟାର), କ୍ରିସ୍ ଟେଟଲି (ଆଇସିସି ହେଡ୍ ଅଫ୍ ଇଭେଣ୍ଟସ), ହେମାଙ୍ଗ ଆମିନ (କାର୍ଯ୍ୟକାରୀ ସିଇଓ – ବିସିସିଆଇ), ଗ ବଙ୍କକ୍ସ ରବ ସାକ୍ସେନା (ଜେନେରାଲ ମ୍ୟାନେଜର) ଅଛନ୍ତି । – ଅପରେସନ୍ସ, ବିସିସିଆଇ), ରସେଲ ଆର୍ନୋଲ୍ଡ ଏବଂ ସାଇମନ୍ ଡଲ୍‌(ସ୍ୱାଧୀନ ପ୍ରତିନିଧୀ) ଅଟନ୍ତି ।