ବିଦେଶରେ ରହିବି ଗଣେଶ ଚତୁର୍ଥୀ ପାଳନ କଲେ ପ୍ରିୟଙ୍କା, ସୋସିଆଲ ମିଡିଆରେ ସେୟାର କଲେ ଫଟୋ…
1 min read
ନୂଆଦିଲ୍ଲୀ: ସେପ୍ଟେମ୍ବର ୧୯ରେ ସାରା ଦେଶରେ ବହୁ ଧୁମାଧାମରେ ପାଳିତ ହୋଇଥିଲା ଗଣେଶ ପୂଜା । ଗାଁ ଗହଳି ଠାରୁ ଆରମ୍ଭ କରି ସହରର ଗଳି କନ୍ଦିରେ ପୁଜା ଉତ୍ସବକୁ ଖୁସିର ସହକାରେ ପାଳନ କରିଥିଲେ ସମସ୍ତେ । କେବଳ ସାଧାରଣ ଲୋକ ନୁହଁନ୍ତି ବହୁ ସେଲିବ୍ରଟି ମାନଙ୍କ ଠାରୁ ଆରମ୍ଭ କରି ବଲିଉଡ ତାରକା ମାନେ ମଧ୍ୟ ଗଣେଶ ପୂଜା ପାଳନ କରିଥିଲେ । ଆଉ ସୋସିଆଲ ମଡିଆରେ ବିଭିନ୍ନ ପ୍ରକାରର ଫଟୋ ଭିଡିଓ ପୋଷ୍ଟ କରିଥିଲେ । ସମସ୍ତେ ଗଣପତି ବାପାଙ୍କ ମୂର୍ତ୍ତୀ ସହ ଫଟୋ ସେୟାର କରି ସେମାନଙ୍କର ଫ୍ୟାନ୍ସ ମାନଙ୍କୁ ଅଭିନ୍ଦନ ଜଣାଇଛନ୍ତି । ତେବେ କେବଳ ଦେଶରେ ନୁହେଁ ବିଦେଶରେ ମଧ୍ୟ ଗଣେଶ ଚର୍ତୁଥୀର କ୍ରେଜ ଦେଖିବାକୁ ମିଳିଛି । ସେହିପରି ବିଲଉଡର ଚର୍ଚ୍ଚିତ ଅଭିନେତ୍ରୀ ପ୍ରିୟଙ୍କା ଚୋପ୍ରା ଆମେରିକାର ଲସ୍ ଏଞ୍ଜେଲ୍ସରେ ଝିଅ ମାଳତୀଙ୍କ ସହ ଗଣେଶ ପୂଜା ପାଳନ କରିଛନ୍ତି । ଯାହାର ଅନେକ ଗୁଡିଏ ସୁନ୍ଦର ଫଟୋକୁ ସେ ନିଜର ସୋସିଆଲ ମିଡିଆ ଆକାଉଣ୍ଟରେ ପୋଷ୍ଟ କରିଥବା ଦେଖିବାକୁ ମିଳିଛି । ଏହାର ଗୋଟିଏ ଫଟୋରେ ପ୍ରିୟଙ୍କା ଚୋପ୍ରାଙ୍କ ଝିଅ ମାଳତୀ ମେରି ଜୋନାସ୍ ଗଣେଶଙ୍କର ଏକ ଛୋଟ ଫଟୋ ସହ ନଜର ଆସିଛନ୍ତି । ସେ ଗଣପଡିଙ୍କ ଖେଳନା ଖେଳୁଥିବାର ନଜର ଆସିଛନ୍ତି । ଅନ୍ୟ ଏକ ଫଟୋରେ ସେ ଘରର ମନ୍ଦିର ସାମ୍ନାରେ ବସିଥିବାର ଦେଖାଯାଇଛି । ତେବେ ପ୍ରିୟଙ୍କା ଏହି ଫଟୋ ଗୁଡିକ ସେୟାର କରି କ୍ୟାପ୍ସନରେ ଲେଖିଛନ୍ତି ଯେ ଝିଅ ଏବଂ ତାଙ୍କ ଗଣପତି । ଏବଂ ଆମେ ଯୁଆଡେ ଯାଉ ସବୁବେଳେ ସେ ଆମ ସହ ରହିଛନ୍ତି ।
ତେବେ ବିଦେଶରେ ଥାଇ ମଧ୍ୟ ପ୍ରିୟଙ୍କା ଚୋପ୍ରା ନିଜର ପୂଜା ପର୍ବାଣିକୁ ଜାବୁଡି ରଖିଛନ୍ତି ଯାହାର ଉଦାହରଣ ଏହି ଫଟୋରେ ଦେଖିବାକୁ ମିଳିଛି । ସ୍ୱାମୀ ନିକ ଜୋନାସ ଙ୍କୁ ବିବାହ କରିବା ପରେ ପ୍ରିୟଙ୍କା କାଲିଫର୍ନିଆ ଲସ୍ ଆଞ୍ଜେଲ୍ସ ରେ ରହି ଆସୁଛନ୍ତି । ତଥାପି ଭାରତୀୟ ସଂସ୍କୃତି ଓ ପରମ୍ପରାକୁ ଭୁଲି ନାହାନ୍ତି ସେ । କେବଳ ନିଜେ ନୁହେଁ ଝିଅ ମାଳତୀ ମେରି ଜୋନାସଙ୍କୁ ମଧ୍ୟ ପ୍ରତ୍ୟେକ ପୂଜା ପର୍ବରେ ସାମିଲ କରିଛନ୍ତି ।
