ଭୁବନେଶ୍ୱରରେ ପହଞ୍ଚିଲେ ଖେଳାଳି: ଝଲକ ପାଇବା ପାଇଁ ଫ୍ୟାନଙ୍କ ମଧ୍ୟରେ ଉତ୍କଣ୍ଠା

ଭୁବନେଶ୍ୱର : ଆସନ୍ତା ୧୨ ତାରିଖରେ ବାରବାଟୀରେ ହେବାକୁ ଥିବା ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ହେବାକୁ ଥିବା ଟି-ଟ୍ୱେଣ୍ଟି ମ୍ୟାଚ୍ ପାଇଁ ସମସ୍ତ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି । ଆଜି ଭୁବନେଶ୍ୱର ବିଜୁ ପଟ୍ଟନାୟକ ବିମାନ ବନ୍ଦରରେ ଦୁଇ ଦଳର ଖେଳାଳି ମାନେ ପହଞ୍ଚିଛନ୍ତି । ଖେଳାଳି ମାନେ ପହଂଚିବା ପରେ ତାଙ୍କୁ ବିମାନବନ୍ଦରରେ ସ୍ୱାଗତ କରାଯାଇଛି । ଏହାପରେ ଖେଳାଳି ମାନେ ସ୍ୱତନ୍ତ୍ର ବସ୍ ଯୋଗେ ମେ ଫେୟାର ହୋଟେଲକୁ ଯାଇଛନ୍ତି । ମେ ଫେୟାରରେ ଭବ୍ୟ ସମ୍ବର୍ଦ୍ଧନା କରାଯିବ ସହ ସେମାନଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । କମସନରେଟ ପୋଲିସ୍ ପକ୍ଷରୁ ସୁରକ୍ଷାବ୍ୟବସ୍ଥା କଡାକଡି କରାଯାଇଥିଲା । ନିଜ ପ୍ରିୟ ଖେଳାଳି ମାନଙ୍କୁ ଦେଖିବା ପାଇଁ ମେଫେୟାର ହୋଟେଲ ଆଗରେ କ୍ରିକେଟ୍ ପ୍ରେମୀଙ୍କ ଭିଡ ଲାଗିଥିଲା । 

ମେ ଫେୟାରରେ ଖେଳାଳି ମାନଙ୍କୁ ସ୍ୱାଗତ ପାଇଁ ଘୋଡାନାଚର ଆୟୋଜନ କରାଯାଇଥିଲା । ଖେଳାଳି ମାନେ ବସରୁ ଓହ୍ଲାଇବା ପରେ ଫୁଲ ତୋଡା ଓ ଉତ୍ତରୀୟ ଦିଆଯାଇ ସ୍ୱାଗତ କରାଯାଇଥିଲା । 

Advertisement