ଗଞ୍ଜେଇ ଚାଲାଣ ନେଇ ଚାଲିଥିଲା ସର୍ଚ୍ଚ , ମିଳିଲା ୩୨ ଲକ୍ଷ ଟଙ୍କାରେ ଭର୍ତ୍ତି ହୋଇଥିବା ବ୍ୟାଗ୍
1 min read
ଭୁବନେଶ୍ୱର : ବ୍ରହ୍ମପୁରରେ ଆଜି ଜଣେ ବସ୍ ଯାତ୍ରୀଙ୍କଠାରୁ ମିଳିଛି ବ୍ୟାଗ୍ ଭର୍ତ୍ତି ଟଙ୍କା । ସୁଚନା ଅନୁଯାୟୀ ବ୍ରହ୍ମପୁର ଲାଞ୍ଜିପଲ୍ଲୀ ବାଇପାସ୍ ନିକଟରେ ଏକ ଘରୋଇ ବସରୁ ଜବତ ହୋଇଛି ବିପୁଳ ପରିମାଣର ଟଙ୍କା । ଯାହା ଏବେ ଅବକାରୀ ବିଭାଗ ଦ୍ୱାରା ଗଣାଚାଲିଛି ।
ବସ୍ରେ ଗଞ୍ଜେଇ ଚାଲାଣ ଖବର ପାଇ ଯାଞ୍ଜ ଚଲେଇଥିବା ବେଳେ , ଜଣେ ବ୍ୟକ୍ତିଙ୍କ ବ୍ୟାଗ୍ରୁ ମିଳିଥିଲା ବିପୁଳ ପରିମାଣର ଟଙ୍କା । ତେବେ ବସଟି ଯାତ୍ରୀଙ୍କୁ ନେଇ ବ୍ରହ୍ମପୁରରୁ କଟକ ଯାଉଥିଲା । ଏଥିରେ ଗଞ୍ଜେଇ ବଦଲରେ ଏତେ ପରିମାଣର ଟଙ୍କା ଜବତ କରି ପୋଲିସ ଅଭିଯୁକ୍ତ ଜଣଙ୍କୁ ବୈଦନାଥ ଥାନାରେ ଅଟକ ରଖି ଉକ୍ତ ଟଙ୍କାକୁ ଗଣାଯିବା ସହ ବ୍ୟକ୍ତି ଜଣଙ୍କୁ ପଚରା ଉଚରା ଚଲାଇଛି ଟିମ୍ ।
ଏତେ ପରିମାନର ଟଙ୍କା ବସ୍ରେ କାହିଂକି ନେଇକି ଯାଉଥିଲା? ଏ ଟଙ୍କା ଗୁଆଡେ ନେଉଥିଲା ? ଜବତ କରାଯାଇଥିବା ଟଙ୍କା କାହାର ? ଏବଂ ଏହି ଟଙ୍କା କୁଆଡେ ନେଇକି ଯାଉଥିଲା ବୋଲି ଅନେକ ପ୍ରଶ୍ନ ପଚାରିଛି ଟିମ । ସେହି ବ୍ୟାଗ୍ରେ ୩୨ ଲକ୍ଷ ଟଙ୍କା ଥିବା ନେଇ ସୁଚନା ଦେଇଛି ଅବକାରୀ ବିଭାଗ ।
