ମିଳିଲା ବଡ ସଫଳତା , ୨୪ ଘଣ୍ଟାରେ ବିପୁଳ ପରିମାଣରେ ଚୋରୀ ସାମଗ୍ରୀ ଜବତ କଲା ପୋଲିସ ..

ରାୟଗଡା ଜିଲ୍ଲା ଚାନ୍ଦିଲି ପୋଲିସ କୁ ମିଳିଛି ବଡ ସଫଳତା । ଚୋରୀ ଘଟଣା ର ୨୪ ଘଣ୍ଟା ଭିତରେ ପୋଲିସ ଚୋରୀ ହୋଇଥିବା ସମସ୍ତ ଜିନିଷ ଟଙ୍କା ସୁନା ଅଲଙ୍କାର , ବାଇକ ଉଦ୍ଧାର କରିବା ସହିତ ଚୋରକୁ କାବୁ କରିଛି । ଜେକେ ପୁର ଦେବାଙ୍ଗ ସାହିର ଲୋକନାଥ ଶବର ଙ୍କ ଘରୁ ଗତ ୨୮ ତାରିଖ ଦିନ ଦେଢଲକ୍ଷ ଟଙ୍କା ସମେତ ସୁନା ଅଳଙ୍କାର ଚୋରୀ ହୋଇଥିବା ନେଇ ଅଭିଯୋଗ ହୋଇଥିଲା ।

ଏହି ଘଟଣାରେ ଚାନ୍ଦିଲି ପୋଲିସ ଦେଢଲକ୍ଷ ଟଙ୍କା , ଦୁଇଗୋଟି ବାଇକ, ସୁନାଗହଣା, ରୂପା ଗହଣା ଜବତ କରିଛି । ଏହା ସହିତ ପୋଲିସ ଅଭିଯୁକ୍ତ ପ୍ରଦୀପ ଜେନା କୁ ଗିରଫ କରି କୋର୍ଟ ଚାଲାଣ କରିଛି । ଅନ୍ୟ ଜଣେ ଅଭିଯୁକ୍ତ ଫେରାର ଅଛି । ଏ ସଂକ୍ରାନ୍ତରେ ରାୟଗଡା ଏସ.ଡି.ପି.ଓ ରଶ୍ମି ରଂଜନ ସେନାପତି ଏକ ସାମ୍ୱାଦିକ ସମ୍ମିଳନୀ କରି ସୂଚନା ଦେଇଛନ୍ତି ।

Advertisement