ବିଜେପିରେ ସାମିଲ ହେବେ ଚର୍ଚ୍ଚିତ ୟୁଟ୍ୟୁବର ମନୀଷ କଶ୍ୟପ…
1 min read
ବିଜେପିରେ ସାମିଲ ହେବେ ଚର୍ଚ୍ଚିତ ୟୁଟ୍ୟୁବର ମନୀଷ କଶ୍ୟପ | ବିହାରର ଚର୍ଚ୍ଚିତ ୟୁଟ୍ୟୁବର ଭାରତୀୟ ଜନତା ପାର୍ଟିରେ ସାମିଲ ହେବ ନେଇ ସାମ୍ନାକୁ ଆସିଲା ତଥ୍ୟ | ଦିଲ୍ଲୀସ୍ଥିତ କାର୍ଯ୍ୟାଳୟରେ ପଦ୍ମ ଧରିବେ ହେଲେ ଲଢ଼ିବେନି ନିର୍ବାଚନ | ତେବେ ସେ ପୂର୍ବରୁ ପଶ୍ଚିମ ଚମ୍ପାରଣ ସିଟରୁ ନିର୍ବାଚନ ଲଢିବେ ବୋଲି ଘୋଷଣା କରିଥିଲେ | କିନ୍ତୁ ଏବେ ମନୀଷ ନିର୍ବାଚନ ଲଢିବେ ନାହିଁ ବୋଲି ନିଷ୍ପତ୍ତି ନେଇଛନ୍ତି ।
ପୂର୍ବରୁ ନିଜକୁ ବିହାର ମାଟିର ପୁଅ ବୋଲି କହି ପଶ୍ଚିମ ଚମ୍ପାରଣ ସିଟରେ ନିର୍ବାଚନ ପ୍ରଚାର ଆରମ୍ଭ କରିଥିଲେ ମନୀଷ କଶ୍ୟପ | ସେ ସ୍ୱାଧୀନ ପ୍ରାର୍ଥୀ ଭାବେ ନିର୍ବାଚନ ଲଢିବେ ବୋଲି କହିଆସୁଥିଲେ । କିନ୍ତୁ ଏହାପରେ ସେ ବିଜେପିରେ ସାମିଲ ହେବେ ବୋଲି ସୂଚନା ମିଳିଥିଲା | ତେବେ ସୂଚନା ଅନୁସାରେ, ହା ପୂର୍ବରୁ ସେ ବିହାରର ଚନପଟିଆ ବିଧାନସଭା ଆସନରୁ ସ୍ୱାଧୀନ ପ୍ରାର୍ଥୀ ଭାବେ ନିର୍ବାଚନ ଲଢିସାରିଛନ୍ତି । ଯେଉଁଥିରେ ସେ ପରାଜୟର ସାମ୍ନା କରିଥିଲେ |
ତେବେ ମନୀଷ କଶ୍ୟପ ହେଉଛନ୍ତି ଜଣେ ଲୋକପ୍ରିୟ ୟୁଟ୍ୟୁବର | ତାଙ୍କ ଚ୍ୟାନେଲର ପାଖାପାଖି ୮.୭୫ ମିଲିୟନ୍ ସବସ୍କ୍ରାଇବର ଅଛନ୍ତି । ବିଶେଷକରି ସାମାଜିକ ମୁଦ୍ଦା ଉପରେ ସେ ଭିଡିଓ ବନାଉଥିବାବେଳେ, ତାଙ୍କର ଅନେକ ଭିଡିଓ ସୋସିଆଲ୍ ମିଡିଆରେ ବେଶ ଭାଇରାଲ ହେଇଥାଏ ।
