ଗର୍ଭବତୀଙ୍କ ସହ କୁକର୍ମ କରି ପେଟ୍ରୋଲ ପକାଇ ଜାଳିଦେଲେ
1 min read
ଗଣଦୁଷ୍କର୍ମ ପରେ ପୋଡିଦେଲେ | ଏପରି କିଛି ଲଜ୍ୟାଜନକ ଘଟଣା ସାମ୍ନାକୁ ଆସିଛି | ୩ ଜଣ ଯୁବକ ଜଣେ ଗର୍ଭବତୀ ମହିଳାଙ୍କୁ କରିଛନ୍ତ୍ତି ଗଣଦୁଷ୍କର୍ମ | ସୂଚନା ଅନୁସାରେ, ମଧ୍ୟପ୍ରଦେଶର ଜଣେ ୩୪ ବର୍ଷ ବୟସ୍କା ଗର୍ଭବତୀ ମହିଳାଙ୍କୁ ତିନିଜଣ ପୁରୁଷ ଦୁଷ୍କର୍ମ କରିବା ନିଆଁ ଲଗାଇ ଜାଳି ଦେଇଥିବା ଅଭିଯୋଗ ହୋଇଛି । ପୀଡିତା ଜଣକ ଡାକ୍ତରଖାନାରେ ଜୀବନ ଓ ମରଣ ସହ ଲଢ଼ୁଛନ୍ତି ।ପୋଲିସ ଅଧିକାରୀଙ୍କ କହିବା ଅନୁଯାୟୀ, ମହିଳା ଜଣକ ୮0 ପ୍ରତିଶତ ଜଳିଯାଇଥିବାର ଯାନେପଡିଛି | ସେ ଗ୍ୱାଲିଅରରେ ଚିକିତ୍ସିତ ହେଉଛନ୍ତି ।
ପୋଲିସ ସୂଚନା ଅନୁଯାୟୀ, ମଧ୍ୟପ୍ରଦେଶର ଅମ୍ବା ସହରଠାରୁ ପ୍ରାୟ ତିନି କିଲୋମିଟର ଦୂରରେ ଥିବା ଚାନ୍ଦକାପୁର ଗ୍ରାମରେ ପୀଡିତା ଜଣକ ସେହି ଗାଁର ଜଣେ ମହିଳାଙ୍କ ପାଖକୁ କିଛି ଘଟଣାର ସମାଧାନ ପାଇଁ ଯାଇଥିଲେ | ସେଠାରେ ଥିବା ସେହି ମହିଳାଙ୍କ ସ୍ୱାମୀ ଓ ସେଠାରେ ଉପସ୍ଥିତ ଥିବା ଅନ୍ୟ ଯୁବକ ପୀଡିତା ମହିଳାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି |
ପୋଲିସ କହିବାନୁସାରେ, ଆମ୍ବୁଲାନ୍ସରେ ପୀଡିତା ମହିଳା ତାଙ୍କ ସ୍ୱାମୀଙ୍କୁ ମନ୍ତବ୍ୟ ଦେଇ କହିଛନ୍ତି ଯେ ତାଙ୍କୁ ଚନ୍ଦକାପୁର ଗାଁର ୩ ଜଣ ବ୍ୟକ୍ତି ଦୁଷ୍କର୍ମ କରିଛନ୍ତି | ଯେତେବେଳେ ସେ ଦୌଡ଼ି ପଳାଇବାକୁ ଚେଷ୍ଟା କରିଥିଲେ, ତାଙ୍କ ସହିତ ଥିବା ମହିଳା ଓ ଅନ୍ୟ ଲୋକମାନେ ତାଙ୍କ ଉପରେ ପେଟ୍ରୋଲ ଢାଳି ପୋଡ଼ି ଦେଇଥିଲେ । ସେ କହୁଥିବା ସମୟର ଭିଡିଓ ମଧ୍ୟ ସାମ୍ନାକୁ ଆସିଛି ।’
ସ୍ୱାମୀ କରିଥିବା ଭିଡ଼ିଓରେ ସ୍ତ୍ରୀଙ୍କ ବୟାନକୁ ସେ ପୋଲିସକୁ ଦେଇଥିଲେ | ପୋଲିସ କହିଛନ୍ତି ଯେ, ପୀଡିତା ମହିଳାଙ୍କ ବୟାନକୁ ମାଜିଷ୍ଟ୍ରେଟଙ୍କ ନିକଟରେ ରେକର୍ଡ କରାଯାଇଛି | କିନ୍ତୁ ପୋଲିସ ଏପର୍ଯ୍ୟନ୍ତ ବୟାନକୁ ରେକର୍ଡ କରିନାହିଁ |ପୋଲିସ ଏହି ଘଟଣାର ଅଧିକ ଯାଞ୍ଚ କରୁଛି |
