ଆଜି ଝାଡ଼ଖଣ୍ଡରେ ରୋଡ଼ ଶୋ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

1 min read

3 days ago Niyati Das

Prime Minister Narendra Modi will have a road show in Jharkhand today

ଝାଡ଼ଖଣ୍ଡ ନିର୍ବାଚନ ଆଉ କିଛି ଦିନ ବାକି ରହିଲା | ଦିନ କେଇଟା ପରେ ଆରମ୍ଭ ହେବ ନିର୍ବାଚନ | ଏନେଇ କଂଗ୍ରେସ, ବିଜେପି ଜୋରସୋରରେ ପ୍ରସ୍ତୁତି ଚଳାଇଛନ୍ତି | ତେବେ ରବିବାର ଅର୍ଥାତ ଆଜି ଝାଡ଼ଖଣ୍ଡରେ ରୋଡ଼ ଶୋ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି | ଦୁଇଟି ନିର୍ବାଚନ ସମାବେଶରେ କରିବେ ସମ୍ବୋଧିତ । ଗୋଟେ ସପ୍ତାହ ମଧ୍ୟରେ ୨ୟ ଥର ପାଇଁ ପ୍ରଧାନମନ୍ତ୍ରୀ ଝାଡ଼ଖଣ୍ଡ ଯାଉଛନ୍ତି |

ତେବେ ଏନେଇ ସୂଚନା ଦେଇଛନ୍ତି ହେମନ୍ତ ବିଶ୍ବଶର୍ମା | ସେ କହିଛନ୍ତି, ମୋଦି ଆଜି ଝାରଖଣ୍ଡରେ ୩ କିମି ଐତିହାସିକ ରୋଡ ଶୋ’ କରି ଝାରଖଣ୍ଡବାସୀଙ୍କୁ ସମ୍ବୋଧିତ କରିବେ । ଏଥିସହିତ ବିଜେପିର ଅନେକ ବରିଷ୍ଠ ନେତା ମଧ୍ୟ ଏଥିରେ ଯୋଗ ଦେବେ । ଝାଡ଼ଖଣ୍ଡରେ ରୋଡ଼ ଶୋ ଶେଷ ହେବାପରେ ସ୍ୱତନ୍ତ୍ର ବିମାନ ଯୋଗେ ସନ୍ଧ୍ୟାରେ ରାଞ୍ଚିରୁ ଦିଲ୍ଲୀ ଅଭିମୁଖେ ଯାତ୍ରା କରିବେ | ସୂଚନା ଅନୁଯାୟୀ, ୮୧ ସଦସ୍ୟ ବିଶିଷ୍ଟ ଝାଡ଼ଖଣ୍ଡ ବିଧାନସଭା ପାଇଁ ଭୋଟ ନଭେମ୍ବର ୧୩ ଏବଂ ନଭେମ୍ବର ୨0 ରେ ହେବ | ଏହାପରେ ଭୋଟ ଗଣତି ନଭେମ୍ବର ୨୩ ରେ ହେବ |