(ଭିଡିଓ)BCCI ସେୟାର କଲା କ୍ରିକେଟର୍ ମହମ୍ମଦ ସିରାଜଙ୍କ ମା’ଙ୍କ ଭିଡିଓ , କହିଲେ ମୋ ପୁଅ ଆଗକୁ ୱାଲର୍ଡକପ୍ ..
1 min read
ହାଇଦ୍ରାବାଦ୍ : ମ୍ୟାଚ ଦେଖିବା ପାଇଁ ମହମ୍ମଦ ସିରାଜଙ୍କ ପରିବାର । ମାଆ କହିଲେ, ମୁଁ ଚାହୁଁଛି ମୋ ପୁଅ ଭାରତ ପାଇଁ ଭଲ ପ୍ରଦର୍ଶନ କରୁ । ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଦିନିକିଆରେ ମହମ୍ମଦ ସିରାଜ ଚମତ୍କାର ପ୍ରଦର୍ଶନ କରିଥିଲେ । ସେ ତାଙ୍କ ବୋଲିଂ ସହିତ ସମସ୍ତଙ୍କ ହୃଦୟ ଜିତିଥିଲେ । ସିରାଜ ତାଙ୍କ ଶେଷ ଓଭରରେ ୨ ୱିକେଟ୍ ନେଇ ମ୍ୟାଚକୁ ଭାରତ ସପକ୍ଷରେ ପରିଣତ କରିଥିଲେ, ଯେଉଁଥିପାଇଁ ଟିମ୍ ଇଣ୍ଡିଆ ଏହି ମ୍ୟାଚ୍ ଜିତିବାରେ ସକ୍ଷମ ହୋଇଥିଲା ।
ହାଇଦ୍ରାବାଦ ହେଉଛି ସିରାଜଙ୍କ ଘର । ନ୍ୟୁଜିଲ୍ୟାଣ୍ଡ ବିପକ୍ଷ ପ୍ରଥମ ଦିନିକିଆ ଦେଖିବା ପାଇଁ ତାଙ୍କ ପରିବାର ମଧ୍ୟ ଷ୍ଟାଡିୟମରେ ପହଂଚିଥିଲେ । ଏବେ ଏହାର ଏକ ଚିତ୍ର ଭାଇରାଲ ହେବାରେ ଲାଗିଛି । ଏଥି ସହିତ ସିରାଜଙ୍କ ମା ତାଙ୍କ ପୁଅ ପାଇଁ ଏକ ବଡ କଥା କହିଛନ୍ତି ।
ମହମ୍ମଦ ସିରାଜ ଏକ ଗରିବ ପରିବାରର ଥିଲେ, କିନ୍ତୁ ସେ ନିଜ ଶକ୍ତିରେ ଦେଶ ପାଇଁ ଖେଳିବାର ସ୍ୱପ୍ନକୁ ପୂରଣ କରିଥିଲେ । ସିରାଜଙ୍କ ପିତା ଜଣେ ଅଟୋ ଡ୍ରାଇଭର ଥିଲେ ଏବଂ ଏହା ସତ୍ୱେ ସେ ପ୍ରଥମେ ନିଜ ଯୋଗ୍ୟତା ଅନୁଯାୟୀ ଆଇପିଏଲ୍ ଖେଳିଥିଲେ ଏବଂ ବର୍ତମାନ ଟିମ୍ ଇଣ୍ଡିଆ ପାଇଁ କ୍ରିକେଟ୍ ଖେଳୁଛନ୍ତି । ତାଙ୍କ ପୁରା ପରିବାର ନ୍ୟୁଜିଲ୍ୟାଣ୍ଡ ବିପକ୍ଷ ପ୍ରଥମ ଦିନିକିଆ ଦେଖିବା ପାଇଁ ପହଂଚିଥିଲେ । ସମସ୍ତେ ବହୁତ ଖୁସି ଦେଖାଯାଉଥିଲେ ।
ପ୍ରଥମ ଦିନିକିଆ ସମୟରେ ମହମ୍ମଦ ସିରାଜଙ୍କ ମାଆ ଦ୍ରୁତ ବୋଲରଙ୍କ ପାଇଁ ପ୍ରାର୍ଥନା କରୁଥିବା ଦେଖିବାକୁ ମିଳିଥିଲା । ମ୍ୟାଚ୍ ପରେ ବିସିସିଆଇ ମହମ୍ମଦ ସିରାଜଙ୍କ ମା’ଙ୍କ ଏକ ଭିଡିଓ ସେୟାର କରିଛି । ଯେଉଁଥିରେ ସେ କହୁଛନ୍ତି, ମୁଁ ଚାହୁଁଛି ମୋ ପୁଅ ଭାରତ ପାଇଁ ଭଲ ପ୍ରଦର୍ଶନ ଜାରି ରଖନ୍ତୁ ଏବଂ ବିଶ୍ୱକପରେ ମଧ୍ୟ ଖେଳନ୍ତୁ ।
