ଜନସମ୍ପର୍କ କାର୍ଯ୍ୟକ୍ରମରେ ବଢୁଛି ଜନ ସମର୍ଥନ…..ପ୍ରଣବ ପ୍ରକାଶଙ୍କ ନେତୃତ୍ୱରେ ସୁଦୃଢ ହେବ ସମ୍ବଲପୁର ସଂସଦୀୟ କ୍ଷେତ୍ର
1 min read
ବିଜୁ ଜନତା ଦଳର ସାଂଗଠନିକ ସମ୍ପାଦକ ତଥା ସମ୍ୱଲପୁର ଲୋକସଭା ପ୍ରାର୍ଥୀ ପ୍ରଣବ ପ୍ରକାଶ ଦାସ ସୋମବାର ସନ୍ଧ୍ୟାରେ ଦେବଗଡ ଗସ୍ତ କରିଥିଲେ । ଆଠମଲ୍ଲିକ ଓ ଅନ୍ୟାନ୍ୟ ଅଞ୍ଚଳ ଗସ୍ତ କରି ପ୍ରଚାର କାର୍ଯ୍ୟକ୍ରମ କରିବା ପରେ ଦେବଗଡରେ ପହଞ୍ଚିଥିଲେ । ସ୍ଥାନୀୟ ସେଣ୍ଟର ଫର କଲଚର ଠାରେ ଦେବଗଡ଼ ପୌରାଞ୍ଚଳର ବିଭିନ୍ନ ସଂଗଠନର କର୍ମକର୍ତ୍ତାଙ୍କୁ ଭେଟି ତାଙ୍କ ସହିତ ଭାବ ବିନିମୟ କରିଥିଲେ । ଦେବଗଡ ଜିଲ୍ଲା ଓକିଲ ସଙ୍ଘ, ଜିଲ୍ଲା ସାମ୍ୱାଦିକ ସଙ୍ଘ ସମେତ ଅନେକ ସଂଗଠନର କର୍ମକର୍ତ୍ତାଙ୍କ ସହ ସାକ୍ଷାତ କରି ବିଭିନ୍ନ ବିଷୟରେ ଆଲୋଚନା କରିଥିଲେ । ଦେବଗଡର ସର୍ବାଙ୍ଗୀନ ବିକାଶ କରିବାକୁ ହେଲେ ଦୁଇଥର ଶଙ୍ଖ ଚିହ୍ନରେ ଭୋଟ ଦେବାକୁ ନିବେଦନ କରିଥିଲେ ।
ପ୍ରଣବ ପ୍ରକାଶଙ୍କ ଭଳି ଜଣେ ଦକ୍ଷ ନେତୃତ୍ୱଙ୍କ ଦ୍ୱାରା ଦେବଗଡର ବିକାଶ ହୋଇପାରିବ ବୋଲି କହି ସଂଗଠନର କର୍ମକର୍ତ୍ତାମାନେ ତାଙ୍କୁ ସମର୍ଥନ କରିବୁ ବୋଲି କହିଥିଲେ । ଏହାପରେ ସେ ବଣିଆସାହି ଠାରେ ଆୟୋଜିତ ଅଷ୍ଟପ୍ରହର ନାମଯଜ୍ଞ ସ୍ଥଳରେ ପହଞ୍ଚି ଈଶ୍ୱର କୃପା ଲାଭ କରିଥିଲେ । ଅଷ୍ଟପ୍ରହରୀ ସ୍ଥଳରେ ପ୍ରଣବ ପ୍ରକାଶଙ୍କୁ ପାଇ ଗ୍ରାମବାସୀ ବେଶ ଉତ୍ସାହିତ ହୋଇଥିଲେ । ଏହାପରେ ବାରକୋଟ ବ୍ଲକ କଲା ଗ୍ରାମରେ ଅନୁଷ୍ଠିତ ହେଉଥିବା ଚନ୍ଦନ ଯାତ୍ରାରେ ଯୋଗଦେଇଥିଲେ । ଏହି ଅବସରରେ ବିଭିନ୍ନ ସଂଗଠନ ପକ୍ଷରୁ ପ୍ରଣବଙ୍କୁ ସ୍ୱାଗତ କରାଯାଇଥିଲା । ପ୍ରଣବ ପ୍ରକାଶଙ୍କ ମାରାଥନ ପ୍ରଚାର କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଦେବଗଡ଼ ବିଧାୟକ ପ୍ରାର୍ଥୀ ରୋମାଞ୍ଚ ରଞ୍ଜନ ବିଶ୍ୱାଳ ଓ ଅନ୍ୟମାନେ ଉପସ୍ଥିତ ଥିଲେ ।
