ମୁଁ ବଞ୍ଚିଛି କହି ପୁନମ୍ ପାଣ୍ଡେ ଛାଡ଼ିଲେ ଭିଡ଼ିଓ।
1 min read
ଶୁକ୍ରବାର ମଡେଲ୍ ତଥା ଅଭିନେତ୍ରୀ ପୁନମ ପାଣ୍ଡେଙ୍କ ମୃତ୍ୟୁ ଖବର ସାରା ଦେଶରେ ହଇଚଇ ସୃଷ୍ଟି କରିଦେଇଥିଲା । ଗତକାଲି ପୁନମ ପାଣ୍ଡେଙ୍କ ମ୍ୟାନେଜର ସୋସିଆଲ ମିଡିଆରେ ତାଙ୍କ ମୃତ୍ୟୁ ସୂଚନା ଦେଇଥିଲେ । ସେ ଏକ ପୋଷ୍ଟରେ ଲେଖିଥିଲେ ଯେ ଗର୍ଭାଶୟ କର୍କଟ ଯୋଗୁ ପୁନମ୍ ପାଣ୍ଡେଙ୍କର ମୃତ୍ୟୁ ଘଟିଛି । ତେବେ ଏହି ଖବରଟି ପୁରା ବଲିଉଡ୍ରେ ଚହଳ ପକାଇଦେଇଥିଲା । କାରଣ ୨ ଦିନ ପୂର୍ବରୁ ପୁନମ ଏକ ଇଭେଣ୍ଟ ରେ ନଜର ଆସିଥିଲେ ଆଉ ସେ ସମ୍ପୂର୍ଣ୍ଣ ସୁସ୍ଥ ଥିଲେ । ତେବେ ହଠାତ୍ କିପରି ତାଙ୍କ ମୃତ୍ୟୁ ହେଲା । ଏସବୁ ସସ୍ପେନ୍ସନ ଭିତରେ ଆଜି ଚମକାଇଦେଲା ଭଳି ଟୁଇଷ୍ଟ ସାମ୍ନାକୁ ଆସିଛି ।
ପୁନମ ପାଣ୍ଡେ ନିଜେ ଏକ ଭିଡିଓ ପୋଷ୍ଟ କରି ସେ ଜୀଭିତ ଥିବା କହିଛନ୍ତି । ଏମିତିରେ ସେ ନିଜ ଉତ୍ପଟାଙ୍ଗ୍ କାମରେ ଦର୍ଶକଙ୍କୁ ଚମକାଇଥାନ୍ତି । କିନ୍ତୁ ସେ ଆଜି ଭିଡିଓ ପୋଷ୍ଟ କରି କହିଛନ୍ତି ଯେ “ମୁଁ ଜୀବିତ ଅଛି। ମୁଁ ଗର୍ଭାଶୟ କର୍କଟରେ ମରି ନାହିଁ। ଦୁର୍ଭାଗ୍ୟବଶତ ,, ମୁଁ କହିପାରିବି ନାହିଁ ଯେ ସେହି ଶହ ଶହ ହଜାର ମହିଳା ଗର୍ଭାଶୟ କର୍କଟ କାରଣରୁ ଜୀବନ ହରାଇଛନ୍ତି।” ସେ ଏହି ରୋଗ ବିଷୟରେ କହିବାକୁ ଗଲେ। ଭିଡିଓ ସେୟାର କରି ପୁଣମ୍ ଲେଖିଛନ୍ତି, “ମୁଁ ତୁମ ସମସ୍ତଙ୍କ ସହ କିଛି ମହତ୍ୱପୂର୍ଣ୍ଣ କଥା ବାଣ୍ଟିବାକୁ ଯାଉଛି – ମୁଁ ଏଠାରେ ଜୀବିତ ଅଛି। ଗର୍ଭାଶୟ କର୍କଟ ରେ ମୋ ମୃତ୍ୟୁ ହୋଇନାହିଁ ନାହିଁ, କିନ୍ତୁ ଦୁଖର ବିଷୟ ଏହା ହଜାରେ ରୁ ଅଧିକ ମହିଳାଙ୍କ ଜୀବନ ନେଇଛି। ଏହି ରୋଗର ମୁକାବିଲା ପାଇଁ ଆମ ପାଖରେ ଜ୍ଞାନର ଅଭାବ ରହୁଛି ।” ସେ ଆହୁରି ମଧ୍ୟ କହିଛନ୍ତି, “ଅନ୍ୟ କେତେକ କର୍କଟ ଭଳି, ଗର୍ଭାଶୟ କର୍କଟ ସଂପୂର୍ଣ୍ଣ ରୂପେ ପ୍ରତିରୋଧଯୋଗ୍ୟ । ମୁଖ୍ୟଟି ହେଉଛି HPV ଟୀକା ଏବଂ ପ୍ରାରମ୍ଭିକ ଚିହ୍ନଟ ପରୀକ୍ଷଣ । ଆମର ଏହି ଉପାୟ ଅଛି ଯେ ଏହି ରୋଗରେ କେହି ଜୀବନ ହରାଇବ ନାହିଁ । ଏବଂ ନିଶ୍ଚିତ ହୁଅନ୍ତୁ ଯେ ପ୍ରତ୍ୟେକ ମହିଳାଙ୍କୁ ପଦକ୍ଷେପ ଗ୍ରହଣ କରିବାକୁ ଅବଗତ କରାଯାଇଛି। ବାୟୋରେ ଥିବା ଲିଙ୍କକୁ ପରିଦର୍ଶନ କରନ୍ତୁ ଯାହା କରାଯାଇପାରିବ ସେ ବିଷୟରେ ଅଧିକ ଗଭୀର ଭାବରେ ଜାଣିବା ପାଇଁ। ଆସନ୍ତୁ, ଆସନ୍ତୁ ଏହି ରୋଗର ଭୟଙ୍କର ପ୍ରଭାବକୁ ଦୂର କରିବା ଏବଂ #DeathToCervicalCancer ଆଣିବା ପାଇଁ ଚେଷ୍ଟା କରିବା। ” ବୋଲି ପୁନମ୍ ନିଜ ସୋସିଆଲ ମିଡିଆରେ ଏକ ପୋଷ୍ଟରେ କହିଛନ୍ତି ।
ଅନ୍ୟ ଏକ କ୍ଲିପ୍ ରେ ସେ କହିଛନ୍ତି, ହଁ, ମୁଁ ମୋର ମୃତ୍ୟୁକୁ ଜାଲିଆତି କରିଥିଲି, ମୁଁ ଜାଣେ ଚରମ, କିନ୍ତୁ ହଠାତ୍ ଆମେ ସମସ୍ତେ ଗର୍ଭାଶୟ କର୍କଟ ବିଷୟରେ କହୁଛୁ, ନୁହେଁ କି? ଏହା ଏକ ରୋଗ ଯାହା ଚୁପଚାପ୍ ଆପଣଙ୍କ ଜୀବନ ନେଇଥାଏ । ଏବଂ ଏହି ରୋଗର ଆବଶ୍ୟକତା ଥିଲା । ମୋର ମୃତ୍ୟୁ ଖବର ଯାହା ହାସଲ କରିବାରେ ସକ୍ଷମ ହୋଇଛି ସେଥିପାଇଁ ମୁଁ ଗର୍ବିତ। ଏବଂ ଯେଉଁମାନଙ୍କ ପାଇଁ ମୋ ପାଇଁ ପ୍ରଶ୍ନ ଅଛି, ମୁଁ ଆପଣଙ୍କୁ ହାଉଟରଫ୍ଲାଇରେ ଲାଇଭ୍ ଆସିବି ଆଉ ଆପଣଙ୍କ ସମସ୍ତ ପ୍ରଶ୍ନର ଉତ୍ତର ଦେବି ।
