ହୋଟେଲରେ କରୁଥିଲି ଡିନର,ଗୁଳି ଏବଂ ଧାରୁଆ ଅସ୍ତ୍ରରେ ଦୁର୍ବୁତ୍ତମାନେ କଲେ ଆକ୍ରମଣ….ସିସିଟିଭିରେ ହେଲା କଏଦ
1 min read
ପୁନେରେ ଘଟିଛି ବିଭତ୍ସ ହତ୍ୟାକାଣ୍ଡ | ଖେଳି ଯାଇଛି ଆତଙ୍କ | ହୋଟେଲରେ ୪ ସାଙ୍ଗ ମିଶି କରୁଥିଲେ ଡିନର | ଦୂରଣୁତା ଆସି କରିଥିଲେ ଗୁଳି ମାଡ଼ ଓ ଧାରୁଆ ଅସ୍ତ୍ରରେ ଆକ୍ରମଣ | ଏଭଳି ଭୟଙ୍କର ହତ୍ୟାକାଣ୍ଡ ଘଟିଛି ମହାରାଷ୍ଟ୍ରର ପୁନେସ୍ଥିତ ଏକ ହୋଟେଲରେ | ଶୁଚମନ ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଯାଞ୍ଚ ଆରମ୍ଭ କରିଥିଲା | ଏହି ହତ୍ୟାକାଣ୍ଡର ପୁରା ଭିଡ଼ିଓ ସିସିଟିଭିରେ କଏଦ ହୋଇଥିଲା |
ସୂଚନା ଅନୁଯାୟୀ, ପୁନେର ସୋଲାପୁର ଏକ୍ସପ୍ରେସ ଓ୍ୱରେ ଥିବା ଏକ ହୋଟେଲରେ ରାତି ପ୍ରାୟ ୮ଟା ସମୟରେ ୪ ସାଙ୍ଗ ମିଶି ଡିନର କରିବା ପାଇଁ ଆସିଥିଲେ | ଠିକ ଏହି ସମୟରେ ହୋଟେଲ ଭିତରକୁ ୨ ଦୁର୍ବୁତ୍ତ ଆସି ଡିନର କରୁଥିବା ୪ ସାଙ୍ଗ ମଧ୍ୟରୁ ଜଣଙ୍କୁ ତଥା ଅବିନାଶ ବାଲୁ ଧନବେଙ୍କୁ ଟାର୍ଗେଟ କରି ଆଖିବୁଜି ଗୁଳି କରିଥିଲେ | ପରେ ଆଉ୬ ଜଣ ବ୍ୟକ୍ତି ଏକ କାରରେ ଆସି ଧାରୁଆ ଅସ୍ତ୍ରରେ ଅବିନାଶଙ୍କୁ ବାରମ୍ବାର ଆକ୍ରମଣ କରିଥିଲେ | ସେହି ଘଟଣାସ୍ଥଳରେ ଅବିନାଶଙ୍କ ମୃତ୍ୟୁ ହୋଇଥିଲା | ପରେ ସବୁ ଦୁର୍ବୁତ୍ତ ସେଠାରୁ ଫେରାର ହୋଇଯାଇଥିଲେ | ପୁରା ଘଟଣା ହୋଟେଲ ସିସିଟିଭିରେ କଏଦ ହୋଇଥିଲା |
ତେବେ ଅଧିକାରୀଙ୍କ କହିବାନୁସାରେ ମୃତକ ବ୍ୟକ୍ତି ହେଉଛନ୍ତି ୩୪ ବର୍ଷୀୟ ଅବିନାଶ ବାଲୁ ଧନବେ | ସେ ଜଣେ ପ୍ରପର୍ଟି ଡିଲର | ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି ଦୁଇ ଗୋଷ୍ଠୀ ମଧ୍ୟରେ ଗ୍ୟାଙ୍ଗଓ୍ୱାର ଯୋଗୁ ଏହି ହତ୍ୟାକାଣ୍ଡ ଘଟିଛି | ମାମଲାର ତଦନ୍ତ ପାଇଁ ୫ ଜଣିଆ ସଦସ୍ୟ ବିଶିଷ୍ଟ ଏକ ଟିମ୍ ଗଠନ କରିଛି ପୁଲିସ। ସିସିଟିଭି ଫୁଟେଜ ଆଧାରରେ ଅଭିଯୁକ୍ତଙ୍କୁ ଧରିବା ପାଇଁ ପୁଲିସ ଚେଷ୍ଟା ଜାରି ରହିଛି ।
