ଓଟିଟିରେ ଆସିବ ପୁନୀତ ରାଜକୁମାରଙ୍କ ଶେଷ ଫିଲ୍ମ , ଜାଣନ୍ତୁ କେବେ ?
1 min read
ହାଇଦ୍ରାବାଦ୍ : ରିଲିଜ୍ ହେବ ପୁନୀତ ରାଜକୁମାରଙ୍କ ଶେଷ ଫିଲ୍ମ । ଓଟିଟିରେ ରିଲିଜ କରାଯିବ ଫିଲ୍ମ ଗନ୍ଧାଡା ଗୁଡ଼ି । କର୍ଣ୍ଣାଟକ ଫିଲ୍ମ ଇଣ୍ଡଷ୍ଟ୍ରିର ଭେଟେରାନ କଳାକାର ପୁନୀତ ରାଜକୁମାରଙ୍କୁ କିଏ ବା ନ ଜାଣେ । ଅବଶ୍ୟ ପୁନୀତ ଆଜି ଆମ ଗହଣରେ ନାହାଁନ୍ତି । କିନ୍ତୁ ସେ ସର୍ବଦା ତାଙ୍କ ଫିଲ୍ମ ଏବଂ ଅଭିନୟ ମାଧ୍ୟମରେ ସ୍ମରଣୀୟ ହୋଇ ରହିବେ । ଇତିମଧ୍ୟରେ ପୁନୀତଙ୍କ ପ୍ରଶଂସକଙ୍କ ପାଇଁ ଏକ ଖୁସି ଖବର ସାମ୍ନାକୁ ଆସିଛି । ପୁନୀତ ରାଜକୁମାରଙ୍କ ଶେଷ ଫିଲ୍ମ ‘ଗନ୍ଧାଡା ଗୁଡ଼ି’ ଓଟିଟିରେ ରିଲିଜ ହେବା ପାଇଁ ପ୍ରସ୍ତୁତ ହୋଇସାରିଛି ।
ସୂଚନାଯୋଗ୍ୟ, ଦକ୍ଷିଣ ସୁପରଷ୍ଟାର ପୁନୀତ ରାଜକୁମାରଙ୍କ ୨୦୨୧ରେ ୪୬ ବର୍ଷ ବୟସରେ ଦେହାନ୍ତ ହୋଇଥିଲା । ରାଜକୁମାରଙ୍କ ଶେଷ ଫିଲ୍ମ ଗନ୍ଧାଡା ଗୁଡ଼ି କୁ ତାଙ୍କ ମତ୍ୟୁର ଏକ ବର୍ଷ ପରେ ସିନେମା ହଲ୍ରେ ରିଲିଜ୍ କରାଯାଇଥିଲା । ତାଙ୍କର ଏହି ଫିଲ୍ମକୁ ଦର୍ଶକ ବହୁତ ଭଲପାଇବା ଦେଇଥିବା ବେଳେ ଏହା ସୁପର ହିଟ ବୋଲି ପ୍ରମାଣିତ ହୋଇଥିଲା । ବର୍ତମାନ ଗନ୍ଧାଡା ଗୁଡି ଓଟିଟିରେ ଧମାଲ୍ କରିବାକୁ ଯାଉଛି ।
ରାଜକୁମାରଙ୍କ ୪୮ତମ ଜନ୍ମ ବାର୍ଷିକୀ ଅବସରରେ ଗନ୍ଧାଡା ଗୁଡ଼ି ଓଟିଟିରେ ମୁକ୍ତିଲାଭ କରିବ । ପପୁଲାର ଓଟିଟି ପ୍ଲାଟଫର୍ମ ଆମାଜନ ପ୍ରାଇମ୍ ଭିଡିଓରେ ମାର୍ଚ୍ଚ ୧୭ରେ ଏହାକୁ ଅନ୍ଲାଇନ ଷ୍ଟ୍ରିମିଂ କରାଯିବ । ଏବେ ଏହା ରାଜକୁମାରଙ୍କ ପ୍ରଶଂସକଙ୍କ ଉତ୍ସାହକୁ ଦ୍ୱିଗୁଣିତ କରିଛି । ଏହି ଫିଲ୍ମ ଷଡଯନ୍ତ୍ରରେ ଜଙ୍ଗଲ କାଟିବା, ଜଳ ସଂରକ୍ଷଣ, ପ୍ଲାଷ୍ଟିକର ବ୍ୟବହାର ଏବଂ ବନ୍ୟଜନ୍ତୁ ସମ୍ମୁଖୀନ ହେଉଥିବା ଅନେକ ସମସ୍ୟା ଉପରେ ଆଧାରିତ ହୋଇଛି ।
