ତିନି ନାବାଳିକାଙ୍କୁ କ୍ଷୀରରେ ବିଷଦେଇ ମାରିଲା ବାପା…
1 min read
ପଞ୍ଜାବ: ଘରବାହାରେ ରଖାଯାଇଥିଲା ବାକ୍ସ । ଆଉ ବାକ୍ସ ଭିତରୁ ମିଳିଲା ନିଖୋଜ ତିନି ଝିଅଙ୍କ ମୃତଦେହ । ଚାରି ବର୍ଷରୁ ନଅ ବର୍ଷ ମଧ୍ୟରେ ତିନି ଜଣ ଝିଅଙ୍କ ମୃତ ଦେହ ଟ୍ରଙ୍କ ଭିତରେ ପୁରାଇ କେହି ଘର ବାହାରେ ରଖିଦେଇ ଥିଲା । ଆଉ ଟ୍ରଙ୍କ ଖୋଲି ଦେଖିବାରୁ ମୃତ ଦେହ ଗୁଡିକ ପୂର୍ବରୁ ନିଖୋଜ ଥିବା ନାବାଳିକା ମାନଙ୍କର ହିଁ ଥିଲା । ଗୋଟେ ଦିନ ପୂର୍ବରୁ ନାବାବାଳିକା ମାନେ ନିଖୋଜ ହେବା ନେଇ ଥାନାରେ ଅଭିଯୋଗ ହୋଇଥିଲା । ଆଉ ପରେ ସେମାନଙ୍କର ମୃତଦେହ ଉଦ୍ଧାର କରାଯାଇଥରଲା । କିନ୍ତୁ ଏଭଲି ହତ୍ୟାକାଣ୍ଡ ଘଟାଇଥିବା ଅଭିଯୁକ୍ତ ବିଷୟରେ ଜଣିଲେ ଆପଣ ହୁଏତ ଆଶ୍ଚର୍ଯ୍ୟ ହେବେ । ଘଟଣାର ସଂପୃକ୍ତ ହତ୍ୟାକାରୀକୁ ପୋଲିସ ଗିରଫ କରିଛି । ଏଭଳି ଏକ ଦୁଃଖଦ ଘଟଣା ପଞ୍ଜାବର ଜଳନ୍ଦର ସହରରେ ନିକଟ ଏକ ଗାଁରେ ଦେଖିବାକୁ ମିଳିଛି ।
ସୂଚନା ମୁତାବକ ମୃତ ନାବାଳିକାଙ୍କ ବାପା ମା’ ସ୍ଥାନୀୟ ଅଞ୍ଚଳରେ ପ୍ରବାସୀ ଶ୍ରମିକ ଭାବେ କାମ କରନ୍ତି । ସେମାନଙ୍କର ୫ଟି ସନ୍ତାନ ଥିଲେ । ରବିବାର ବାପା ଆଉ ମା ଦୁହେଁ କାମ ସାରି ଘରକୁ ଫେରି ଦେଖିଥିଲେ ଯେ ଘରେ ଦୁଇ ଜଣ ପିଲା ଥିଲେ । ଆଉ ତିନି ଜଣ ପିଲାକୁ ପାଇନଥିଲେ । ପରେ ସେମାନେ ନିକଟସ୍ଥ ଥାନାକୁ ଯାଇ ପୋଲିସକୁ ଖବର ଦେଇଥିଲେ । କିନ୍ତୁ ଆଜି ଘର ବାହାରେ ନିଖୋଜ ତିନି ନାବାଳିକା ଝିଅଙ୍କ ମୃତଦେହ ଏକ ବାକ୍ସ ଭିତରୁ ଦେଖିବାକୁ ମିଳିଥିଲା । ପରେ ଘଟଣାଟି ଚାରିଆଡେ ପ୍ରଘଟ ହୋଇଯାଇଥିଲା । ଆଉ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଅନ୍ୟପଟେ ଏହି ଘଟଣାରେ ପୋଲିସ ପରିବାର ଲୋକଙ୍କୁ ଥାନାରେ ଅଟକ ରଖି ପଚରାଉଚରା କରିଥଲା । ପଚରାଉଚରା ବେଳେ ବାପା ମା ହିଁ ତିନି ଝିଅଙ୍କ ହତ୍ୟା କାରୀ ବୋଲି ସ୍ୱୀକାର କରିଥିଲେ । କହିଛନ୍ତି ଯେ ସେମାନଙ୍କ ଖର୍ଚ୍ଚ ବହନ କରିପାରୁ ନ ଥିବାରୁ ଅଭିଭାବକମାନେ ତିନି ଝିଅଙ୍କୁ ହତ୍ୟା କରିଥିବା ସ୍ୱୀକାର କରିଛନ୍ତି । ସେମାନେ କହିଛନ୍ତି ଯେ ସେମାନେ ରବିବାର ସକାଳେ ସେମାନଙ୍କୁ ବିଷାକ୍ତ କ୍ଷୀର ଦେଇଥିଲେ ଏବଂ ପୋଲିସକୁ ବିଭ୍ରାନ୍ତ କରିବା ପାଇଁ ନିଖୋଜ ହେବାର କାହାଣୀ ପ୍ରସ୍ତୁତ କରିଥିଲେ ।
