ରାଜନେତାଙ୍କ ପୁଅ ସାଜିଲେ ଅଭିନେତା , ପଞ୍ଜାବୀ ଫିଲ୍ମରେ ଦେଖାଉଛନ୍ତି ନିଜ ଅଭିନୟର କମାଲ …
1 min read
ସାଧାରଣତ ନେତାଙ୍କ ପୁଅ ରାଜନୀତି ହିଁ କରିଥାନ୍ତି । ହେଲେ ଏଠି ସମ୍ପୂର୍ଣ୍ଣ ଅଲଗା ଦେଖିବାକୁ ମିଳିଛି । ରାଜନୀତି ଛାଡି ନେତାଙ୍କପୁଅ କରୁଛନ୍ତି ପଞ୍ଜାବୀ ଫିଲ୍ମରେ ଧମାଲ । ମୁମ୍ବାଇର ଫ୍ୟୁଚର ଷ୍ଟୁଡିଓରେ ପଞ୍ଜାବୀ ଚଳଚ୍ଚିତ୍ର ମିୟାନ୍ ବିବି ରାଜି ଟୁ କରେଂଗେ ଭାଜିଙ୍କ ମୁହୁରତ ଉତ୍ସବ ପାଳନ କରାଯାଇଥିଲା । ତେବେ ଏହା ଏକ ପଂଜାବି କମେଡି ଚଳଚ୍ଚିତ୍ର ଅଟେ । ଏବଂ ଏହି ଚଳଚ୍ଚିତ୍ରର ମୁଖ୍ୟ ଭୂମିକାରେ ପ୍ରସିଦ୍ଧ ଗାୟକ ତଥା ରାଜନେତା ହଂସରାଜ ହନ୍ସଙ୍କ ପୁତ୍ର ଯୁବରାଜ ହାନ୍ସ ଅଭିନୟ କରୁଛନ୍ତି ।
ଅନିଲ ମେହେଟ୍ଟା ଦ୍ୱାରା ଏହି ଚଳଚ୍ଚିତ୍ର ନିର୍ମାଣ ହେଉଥିବା ବେଳେ ଏହାର ନିର୍ଦ୍ଦେଶକ ହେଉଛନ୍ତି ହ୍ୟାରି ମେହେତା । ତେବେ ଫିଲ୍ମରେ ଯବୁରାଜଙ୍କ ବିପକ୍ଷରେ ଅଭିନେତ୍ରୀ ଶେହନାଜ ନଜର ଆସିବେ । ବର୍ତ୍ତମାନ ଏହି ଫିଲ୍ମର ଗୀତର ସୁଟିଂ ଚାଲିଛି । ଦର୍ଶକଙ୍କୁ ସୁସ୍ଥ ମନୋରଞ୍ଜନ ଯୋଗାଇବା ପାଇଁ ବିଶେଷ ଧ୍ୟାନ ଦିଆଯାଇଛି । ଫିଲ୍ମର ସୁଟିଂ ଆରମ୍ଭ ହୋଇଛି, ଫିଲ୍ମଟି ଠିକ୍ ସମୟରେ ଶେଷ କରିବା ପାଇଁ ପୁରା ଟିମ୍ କାର୍ଯ୍ୟ କରୁଛନ୍ତି । ତେବେ ନିର୍ଦ୍ଦେଶକ କହିଛନ୍ତି ଏହା ଏକ ଖୁସିର ବିଷୟ ଯେ ଏହି ଚଳଚ୍ଚିତ୍ରରେ ହଂସରାଜ ହାନ୍ସଙ୍କ ପୁଅ ଯୁବରାଜ ହାନ୍ସ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛନ୍ତି । ସେ ତାଙ୍କ ପିତାଙ୍କ ପରି ଜଣେ ଦକ୍ଷ ବ୍ୟକ୍ତି ଅଟନ୍ତି । ତେବେ ତାଙ୍କ ଅଭିନୟ ଫ୍ୟାନ୍ସଙ୍କ ନିଶ୍ଚୟ ହୃଦୟ ଜିତିବ ।
