(ଭିଡିଓ)ଲକ୍ଷ୍ମୀ ମାର୍କେଟ କମ୍ଲେକ୍ସରେ ଅଗ୍ନିକାଣ୍ଡ : ଭୟଙ୍କର ନିଆଁ ଭିତରୁ ଉଦ୍ଧାର ହେଲା ଛୋଟିଆ ଜୀବନ ..
1 min read
ପୁରୀ : କଥାରେ ନାହିଁ ରଖିଲେ ହରି ମାରିବ କିଏ ? ଏଭଳି ଏକ ଚତ୍ମକାର ଘଟଣା ଦେଖିବାକୁ ମିଳିଛି ପୁରୀ । ଗତକାଲିରାତିରୁ ଦୀର୍ଘ ୧୬ ଘଣ୍ଟାଧରି ଜଳୁଥିବା ଲକ୍ଷ୍ମୀ ମାର୍କେଟ କମ୍ପେ୍ଳକ୍ସରୁ ଆସିଛି ଏଭଳି ଚତ୍ମକାର ଦୃଶ୍ୟ । ନିଆଁର ଭୟଙ୍କର ଉତ୍ତାପରେ ଲୁହା ସଟର ତରଳୁ ଥିବା ବେଳେ କାଚର ଗ୍ଲାସ ଗୁଡିକ ଭୟଙ୍କର ଶବ୍ଦରେ ଫାଟୁଥିଲା । ଏଭଳି ଯାହା ଦ୍ୱାରା ସେଠାରେ ନିଆଁ ଲିଭାଇବା କାଠିଘର ପାଠ ହୋଇପଡିଛି ଅଗ୍ନିଶମ ବାହିନୀ ଓ ଓଡ୍ରାଫ ଟିମ୍ଙ୍କ ପକ୍ଷରେ । ଭିତରର ସବୁ ଜିନିଷ ପୋଡି ପାଉଁସ ହେଉଥିବା ବେଳେ , ନିଜ ମୃତ୍ୟୁକୁ ମାତ୍ ଦେଇଛି ଛୋଟିଆ ଜୀବନ ।
ହଁ ଆଜ୍ଞା ଗୋଟିଏ ଛୋଟିଆ କଇଁଛକୁ ଭିଷଣ ଅଗ୍ନିକାଣ୍ଡରୁ ବଞ୍ଚାଇଆଣିଛନ୍ତି ଅଗ୍ନିଶମ ବାହିନୀ । ସତେକି ପ୍ରଭୁ ବିଷ୍ଣୁଙ୍କ ସ୍ୱରୂପରେ ଏଇ ଛୋଟିଆ ଜୀବନକୁ ସେଠାରୁ ଉଦ୍ଧାର କରିଛନ୍ତି ଓଡ୍ରାଫ୍ ଟିମ୍ । ଯାହାକୁ ନେଇ ବର୍ତ୍ତମାନ ସାରା ଅଞ୍ଚଳରେ ହଇଚଇ ସୃଷ୍ଟି ହୋଇଛିା ସବୁ ପୋଡି ପାଉଁ ସ ହେଉଥିବା ଦୀର୍ଘ ୧୬ ଘଣ୍ଟାର ନିଆଁରୁ କିଭଳି ତିଷ୍ଠି ରହିପାରିଲା ଏଭଳି ଛୋଟିଆ ଜୀବନ । କେହି କେହି ଏହାକୁ ଭଗବାନ ବିଷ୍ଣୁଙ୍କ ମାୟା ବୋଲି ମଧ୍ୟ କହୁଛନ୍ତି । କାରଣ ବିଷ୍ଣୁଙ୍କ ଦଶ ଅବତାର ମଧ୍ୟରୁ କଇଁଛ ବା କସ୍ୟପ ଏକ ଅବତାର ।
