ହେଲିକପ୍ଟରରେ ଗଲା ଦଶମ ଶ୍ରେଣୀ ପରୀକ୍ଷା ପାଇଁ ପ୍ରଶ୍ନପତ୍ର , ମାଓପ୍ରବଣ ଅଞ୍ଚଳରୁ ଆସିଲା ଏଭଳି ଚିତ୍ର ..
1 min read
ହେଲିକପ୍ଟରରେ ଗଲା ଦଶମ ଶ୍ରେଣୀ ପରୀକ୍ଷା ପାଇଁ ପ୍ରଶ୍ନପତ୍ର । ଘଟଣାଟି ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିଲେବି ସତ । ଏପରି ଘଟଣା ଦେଖିବାକୁ ମିଳିଛି ଓଡିଶା ସୀମାନ୍ତ ଛତିଶଗଡ ସୁକୁମା ଜିଲ୍ଲାରେ । ଆଜିଠାରୁ ଛତିଶଗଡରେ ଆରମ୍ବ ହୋଇଛି ଦଶମ ଶ୍ରେଣୀ ପରୀକ୍ଷା । ସୁକମା ଜିଲ୍ଲାର ଜାଗରକଣ୍ଡା ନକ୍ସଲ ପ୍ରବଣ ଅଂଚଳ ହୋଇଥିବାରୁ ସେଠାକୁ ହେଲିକପ୍ଟର ଯୋଗେ ପ୍ରଶ୍ନପତ୍ର ପଠାଇବା ପାଇଁ ନିଷ୍ପତ୍ତି ନିଆଯାଇଥିଲା ।
ଜାଗରକଣ୍ଡା ଜିଲ୍ଲା ନକ୍ସଲ ପ୍ରବଣ ଅଂଚଳରେ ହୋଇଥିବାରୁ ସୁରକ୍ଷା ଦୃଷ୍ଟିକୋଣରେ ଏଭଳି ପଦକ୍ଷେପ ନେଇଛି ଜିଲ୍ଲା ପ୍ରଶାସନ । ଜାଗରକଣ୍ଡା ଜିଲ୍ଲା ଦୁଇଟି ବିଦ୍ୟାଳୟର ୩୯ ଜଣ ଛାତ୍ରଛାତ୍ରୀ ପରୀକ୍ଷା ଦେଉଛନ୍ତି । ଗତ କିଛିଦିନ ହେଲାଣି ଛତିଶଗଡରେ ମାତିଛନ୍ତି ମାଓବାଦୀ । ତେବେ ସୁରକ୍ଷାକୁ ଦୃଷ୍ଟିରେ ରଖି ହେଲିକପ୍ଟରରେ ପ୍ରଶ୍ନପତ୍ର ପଠାଇବାକୁ ନିଷ୍ପତ୍ତି ନେଇଥିଲେ ଜିଲ୍ଲାପ୍ରଶାସନ । ତେବେ ଆଜି ହେଲିକପ୍ଟର ଯୋଗେ ପ୍ରଶ୍ନ ପତ୍ର ନେଇଯାଇଛନ୍ତି ଯବାନ ।
Advertisement
