କାନ୍ଥରେ ଚୂନ ମାରି ନିଆରା ଢଙ୍ଗରେ ଦୀପାବଳି ପାଳିଲେ ରାହୁଲ ଗାନ୍ଧୀ…

ନିଆରା ଢଙ୍ଗରେ ଦୀପାବଳି ପାଳିଲେ ରାହୁଲ ଗାନ୍ଧୀ ।ସମସ୍ତେ ଦୀପ ଜାଳି, ବାଣ ଫୁଟାଇ ପରିବାର ଓ ବନ୍ଧୁ ପରିଜନଙ୍କ ସହ ଦୀପାବଳି ପାଳିବା ବେଳେ ରାହୁଲ ତାଙ୍କ ୧୦ ଜନପଥ ସରକାରୀ ଘରେ କାନ୍ଥରେ ଚୂନ ଦେବା ସହ ପେଣ୍ଟରଙ୍କ ସହ ଦୁଃଖସୁଖ ହୋଇଛନ୍ତି । ଏହି ସମୟରେ ଭିଡିଓ ରାହୁଲ ସେୟାର କରିଛନ୍ତି ।କଂଗ୍ରେସ ତାର ସୋସିଆଲ ମିଡିଆ ଏକ୍ସରେ ଲେଖିଛି କି, ଜନନାୟକ ରାହୁଲ ଗାନ୍ଧୀ, ପେଣ୍ଟର ସାଥିଙ୍କ କାମରେ ସାହାଯ୍ୟ କରିବା ସହ ସେମାନଙ୍କ କାମରେ ଦେଖାଦେଉଥିବା ସମସ୍ୟା ବୁଝିଛନ୍ତି ।

ଏହି ଦକ୍ଷ ଲୋକମାନେ ଆମ ଘରକୁ ସୁନ୍ଦର କରନ୍ତି, କିନ୍ତୁ ନିଜ ଜୀବନ ସେମାନଙ୍କର ନାନା ଚ୍ୟାଲେଞ୍ଜରେ ଭରା ରହିଛି । ଏମାନଙ୍କ ଜୀବନକୁ ସୁଖଦ କରିବା ମଧ୍ୟ ଆମରେ ଦାୟିତ୍ୱ ବୋଲି ଉଲ୍ଲେଖ କରାଯିବା ସହ ରାହୁଲ ପେଣ୍ଟରଙ୍କ ସହ ମିଶି ରଙ୍ଗ ଦେଉଥିବା ଭିଡିଓ ସେୟାର ହୋଇଛି ।ତେବେ ଏହି ଭିଡିଓ ଅପଲୋଡ ପରେ ଏବେ ଜାତୀୟ ରାଜନୀତି ସରଗରମ ହୋଇ ଉଠୁଛି ।ସମସ୍ତେ ରାହୁଲଙ୍କ ଏପରି କାର୍ଯ୍ୟ କୁ ବେଶ ପ୍ରଶଂସା କରିଛନ୍ତି ।