ଏମିତି ଝିଅ ମିଳିଲେ ବିବାହ କରିବି – ‘ରାହୁଲ ଗାନ୍ଧି ’
ନୂଆଦିଲ୍ଲୀ : ବିବାହକୁ ନେଇ ଖୁଲାସା କଲେ ରାହୁଲ । କହିଲେ ଉପଯୁକ୍ତ କନ୍ୟା ମିଳିଲେ ବାହାହେବି । କଂଗ୍ରେସ ନେତା ରାହୁଲ ଗାନ୍ଧୀ ବର୍ତମାନ ଭାରତ ଯୋଡୋ ଯାତ୍ରା ଅଧୀନରେ ଜମ୍ମୁ କଶ୍ମୀରରେ ଅଛନ୍ତି । ଏହି ସମୟରେ ସେ ଏକ ସ୍ୱତନ୍ତ୍ର ସାକ୍ଷାତକାର ଦେଇଥିଲେ । କଂଗ୍ରେସ ଏହି ସାକ୍ଷାତକାରକୁ ସୋସିଆଲ ମିଡିଆରେ ଶେୟାର କରିଛି ।
ରାହୁଲ ଗାନ୍ଧୀ ତାଙ୍କ ଭାରତ ଯୋଡୋ ଯାତ୍ରା ସମୟରେ ଅନେକ ପ୍ରଶ୍ନର ସଠିକ୍ ଉତର ଦେଉଥିବାର ଶୁଣିବାକୁ ମିଳିଛି । ଏହି ଧାରାବାହିକରେ, ଏକ ସାକ୍ଷାତକାର ସମୟରେ ରାହୁଲ ଗାନ୍ଧୀ ତାଙ୍କ ବିବାହ ବିଷୟରେ ଅସ୍ପଷ୍ଟ ପ୍ରତିକ୍ରିୟା ଦେଇଛନ୍ତି । ସାକ୍ଷାତକାରରେ ରାହୁଲ ଗାନ୍ଧୀ ପ୍ରତ୍ୟେକ ବଡ ଏବଂ ଛୋଟ ଦିଗ ଉପରେ ଆଲୋଚନା କରିଥିଲେ ଏବଂ ତାଙ୍କର ବ୍ୟକ୍ତିଗତ ଜୀବନର ଅନୁଭୂତି ମଧ୍ୟ ବାଂଟିଥିଲେ । ଏହି ସାକ୍ଷାତକାରରେ ରାହୁଲ ବିବାହ ବିଷୟରେ ପଚରାଯାଇଥିଲା । ଏହାର ଜବାବ ସେ ମଜାଦାର ଢଙ୍ଗରେ ଦେଇଛନ୍ତି । ସେତେବେଳେ ସେ ହସୁଥିବା ଦେଖିବାକୁ ମିଳିଥିଲା ।
ଆପଣ କେବେ ବିବାହ କରିବେ ପ୍ରଶ୍ନରେ ରାହୁଲ କହିଛନ୍ତି, ଯେତେବେଳେ ଜଣେ ଉପଯୁକ୍ତ କନ୍ୟା ମିଳିବ, ସେ ବିବାହ କରିବେ । ଏକମାତ୍ର ସର୍ତ ହେଉଛି ଝିଅଟି ବୁଦ୍ଧିମାନ ହେବା ଉଚିତ୍ । ତାଙ୍କ ମାତାପିତାଙ୍କର ଏକ ସୁନ୍ଦର ବିବାହ ହୋଇଥିଲା । ସେଥିପାଇଁ ବିବାହକୁ ନେଇ ବହୁତ ଉଚ୍ଚ ଚିନ୍ତାଧାରା ଅଛି । ସେ ମଧ୍ୟ ଏପରି ଜୀବନ ସାଥୀ ଚାହାଁନ୍ତି ।
