ଅଚାନକ ଚପଲ ସିଲାଇ ଦୋକାନରେ ଅଟକିଲେ ରାହୁଲ ଗାନ୍ଧି; ପାଖରେ ବସି ପଚାରିଲେ ହାଲଚାଲ, ଭାଇରାଲ ହେଲା ଭିଡିଓ

ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀ ଶୁକ୍ରବାର ସୁଲତାନପୁରରେ ରାହୁଲ ଗାନ୍ଧୀ କୋର୍ଟରୁ ବାହାରିବା ସମୟରେ ଦେଖିବାକୁ ମିଳିଥିଲା ଏକ ନିଆରା ଦୃଶ୍ୟ | କୋର୍ଟରୁ ବାହାରିବା ପରେ ସିଧା ଯାଇ ନିକଟରେ ଥିବା ଏକ ଜୋତା ସିଲେଇ ଦୋକାନରେ ପହଂଚିଥିଲେ ବିରୋଧୀଦଳ ନେତା ରାହୁଲ ଗାନ୍ଧୀ । ଏହି ସମୟରେ ରାହୁଲ ଗାନ୍ଧୀଙ୍କୁ ପୁଣିଥରେ ତାଙ୍କ ପରିଚିତ ଶୈଳୀରେ ଦେଖିବାକୁ ମିଳିଥିଲା।

ରାଏବରେଲି ସାଂସଦ ତଥା ଲୋକସଭାରେ ବିରୋଧୀ ଦଳର ନେତା ରାହୁଲ ଗାନ୍ଧୀ ମାନହାନି ମାମଲାରେ ତାଙ୍କ ବିବୃତ୍ତି ରେକର୍ଡ କରିବାକୁ ଶୁକ୍ରବାର ଜୁଲାଇ 26ରେ ସୁଲତାନପୁରର ସାଂସଦ-ବିଧାୟକ କୋର୍ଟରେ ପହଞ୍ଚିଥିଲେ। କୋର୍ଟ ପ୍ରକ୍ରିୟା ଶେଷ କରିବା ପରେ ରାହୁଲ ଫେରୁଥିଲେ | ନିକଟରେ ଥିବା ଏକ ଜୋତା ସିଲେଇ ଦୋକାନରେ ପହଂଚିଥିଲେ ବିରୋଧୀଦଳ ନେତା ରାହୁଲ ଗାନ୍ଧୀ । ଦୋକାନୀଙ୍କ ସହ ଅନେକ ସମୟ କଥା ହେବା ପରେ ତାଙ୍କ ଠାରୁ ନେଇଥିଲେ ପ୍ରଶିକ୍ଷଣ ଏବଂ ଶେଷରେ ନିଜ ଜୋତା ମଧ୍ୟ ସିଲେଇ କରିଥିଲେ ରାହୁଲ ଗାନ୍ଧୀ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସେପଟେ ରାହୁଲ ଗାନ୍ଧୀଙ୍କ ସହ କଥା ହୋଇ ନିଜ ଅନୁଭୂତି ବଖାଣିଛନ୍ତି ଜୋତାଦୋକାନୀ ଜଣକ ।