ଜନ୍ମଦିନରେ ରାଣୀ କହିଲେ , କାହାକୁ ଦେବେ ଭୋଟ ସ୍ବାମୀଙ୍କୁ ନା ଦେଢ଼ସୁର ..
1 min read
ଅଭିନେତ୍ରୀ ରାଣୀ ପଣ୍ଡାଙ୍କୁ କିଏ ବା ନଜାଣେ । ଯାତ୍ରା ପେଣ୍ଡାଲର ଜଲୱା ହେଉ ବା ସମାଜସେବା ସବୁ କ୍ଷେତ୍ରରେ ରାଣୀ ପଣ୍ଡା ଚର୍ଚ୍ଚାରେ ରହିଥାନ୍ତି । ନିଜର ରୋକଠୋକ୍ ବୟାନ ପାଇଁ ହେଉ ବା ଅନ୍ୟମାନଙ୍କ ବିପଦ ସମୟରେ ସାହାଯ୍ୟକରି ହେଉ । ରାଣୀ ସର୍ବଦା ସିଧା କଥା କହିବାକୁ ପସନ୍ଦ କରିଥାନ୍ତି । ଆଜି ସାରା ଓଡିଶାବାସୀଙ୍କ ହୃଦୟରେ ରାଣୀ ହୋଇ ରହିଥିବା ରାଣୀ ପଣ୍ଡାଙ୍କ ଜନ୍ମଦିନ । ନିଜର ଅକୁହା କଷ୍ଟକୁ ଭୁଲି ରାଣୀ ଆଜି ହସ ହସ ମୁହଁରେ ମହାପ୍ରଭୁ ଲିଙ୍ଗରାଜଙ୍କୁ ଦର୍ଶନ କରିବାକୁ ଆସିଥିଲେ । ଲିଙ୍ଗରାଜଙ୍କୁ ଦର୍ଶନ କରିବା ପରେ ସେ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି ।
ଚଳିତ ବର୍ଷ ହେବାକୁ ଥିବା ମହାଶିବରାତ୍ରିରେ ଲିଙ୍ଗରାଜଙ୍କୁ ପାଞ୍ଚ ଲକ୍ଷ ଟଙ୍କା ଦାନ କରିବେ । ଏହା ସହିତ ନିର୍ବାଚନକୁ ନେଇ ମଧ୍ୟ ବଡ କଥା କହିଛନ୍ତି । ଚଳିତ ନିର୍ବାଚନରେ ସେ କାହାକୁ ଭୋଟ ଦେବେ । ଏହା ସହିତ ରାଜନୀତି ମୈଦାନରେ ଏଣ୍ଟ୍ରି କରିବାକୁ ନେଇ ଯେଉଁ ଚର୍ଚ୍ଚା ହେଉଥିଲା ତାହା ଉପରେ ପୂର୍ଣ୍ଣଚ୍ଛେଦ ପକାଇ ସେ କହିଛନ୍ତି । ସେ ବଞ୍ଚିଥିବା ପର୍ଯ୍ୟନ୍ତ ରାଜନୀତି କରିବେ ନାହିଁ । କେବଳ ରାଜନୀତି ନୁହେଁ ନିଜର ଅକୁହା କଥାକୁ ମିଡିଆ ଆଗରେ ପ୍ରକାଶ କରିଛନ୍ତି । ନିଜର ପ୍ରେମିକ ବିକ୍ରିମ କୁ ମନେ ପକାଇଥିଲେ । ତେବେ ନିଜ ଜନ୍ମଦିନ ଅବସରରେ ଶାଢୀ ସୁନା ଅଳଙ୍କାର ପିନ୍ଧିଥିବା ଦେଖିବାକୁ ମିଳିଥିଲା । ଯେଉଁଥିରେ ସେ ପୁରା ଖାଣ୍ଟି ଓଡିଆ ଝିଅ ପରି ଦେଖାଯାଉଥିଲେ ।
