ଏଥର ଟାଇଗରଙ୍କ ସହ ରୋମାନ୍ସ କରିବେ ରଶ୍ମିକା , ଆଗକୁ ନଜର ଆସିବେ ଦୁହେଁ ଏହି ଫିଲ୍ମରେ
1 min read
ନୂଆଦିଲ୍ଲୀ : ନିଜର ଆକ୍ସନ , ଡ୍ୟାନ୍ସ ଏବଂ ରିଅଲ ଷ୍ଟଣ୍ଟକୁ ନେଇ ଟାଇଗର ଶର୍ଫ ବଲିଉଡ୍ ରେ ବେଶ୍ ଚର୍ଚ୍ଚିତ ହିରୋ । ଅନେକ ତାଙ୍କୁ ବଲିଉଡ୍ର ଦ୍ୱିତୀୟ ହ୍ରିତିକ୍ ମଧ୍ୟ କହନ୍ତି । ତେବେ ଏହି ନାୟକ ଜଣଙ୍କ ବର୍ତ୍ତମାନ ସାଉଥ୍ ହିରୋଇନ ରଶ୍ମିକା ମନ୍ଦାନାଙ୍କ ସହ ନଜର ଆସିବେ । ନିର୍ଦ୍ଦେଶକ ରୋହିତ ଧାୱାନଙ୍କ ସହ ସିଦ୍ଧାର୍ଥ ଆନନ୍ଦଙ୍କ ପ୍ରଡକ୍ସନରେ ନିର୍ମାଣ ହେବାକୁ ‘ରେମ୍ବୋ’ ଫିଲ୍ମରେ ଉଭୟଙ୍କ ଦମ୍ଦାର କେମେଷ୍ଟ୍ରି ଦେଖିବାକୁ ପାଇବେ ଦର୍ଶକ ।
ସୂଚନା ଅନୁଯାୟୀ ରଶ୍ମିକା ଓ ଟାଇଗର ପ୍ରଥମେ ମୁଭି ସ୍କୃ ଢିଲାରେ କାମ କରିବାର ଥିଲା । ହେଲେ କିଛି କାରଣ ପାଇଁ ଏହା ହେଇପାରିଲା ନାହିଁ । ଏଥର କିନ୍ତୁ ଏହି ପ୍ରୋଜେକ୍ଟକୁ ନେଇ ରଶ୍ମିକା ଖୁବ ଏକ୍ସାଇଟେଡ ଥିବା କୁହାଯାଉଛି । ୨୦୨୩ରେ ଫିଲ୍ମର ଶୁଟିଂ ଆରମ୍ଭ କରାଯିବ । ଟାଇଗର ମୁଭି ‘ବଡେ ମିୟାଁ’ ଛୋଟେ ମିୟାଁର ଶୁଟିଂ ଶେଷ କରିବା ପରେ ଏହି ଫିଲ୍ମଟିର ସୁଟିଂ ଆରମ୍ଭ ହେବ ।
ସେହିଭଳି ଆଗକୁ ରଶ୍ମିକା ଟାଇଗରଙ୍କ ସହ ରେମ୍ବୋରେ ନଜର ଆସିବା ସହ ପୁଷ୍ପା-୨ ରେ ମଧ୍ୟ ନଜର ଆସିବେ । ଅନ୍ୟପଟେ ଟାଇଗର ଏବଂ ଅକ୍ଷୟ କୁମାରଙ୍କ ବଡେ ମିୟାଁ ଛୋଟେ ମିୟାଁ ୨୦୨୩ ଡିସେମ୍ବର ମାସରେ ମୁକ୍ତିଲାଭ କରିବ ବୋଲି ଖବର ମିଳୁଛି ।
