କାହିଁକି ୭୦ ବର୍ଷ ପୁରାଣ କମ୍ପାନୀକୁ ବିକିବେ ରତନ ଟାଟା? ଜାଣନ୍ତୁ କାରଣ..
1 min read
ଘରୋଇ ଉପକରଣ ବ୍ୟବସାୟରୁ ଅଲଗା ହେବ ଟାଟା ଗ୍ରୁପ । ରିପୋର୍ଟ ଅନୁଯାୟୀ ଟାଟା ଗ୍ରୁପ୍ ଏହାର ପ୍ରାୟ ୭୦ ବର୍ଷ ପୁରୁଣା କମ୍ପାନୀ ଭୋଲ୍ଟାସ୍ କୁ ବିକ୍ରି କରିବା ପାଇଁ ପ୍ରସ୍ତୁତି ଆରମ୍ଭ କରିଛି । କମ୍ପାନୀ ପରିଚାଳନା ଅନୁଭବ କରୁଛି ଯେ ବଜାର ଚାଲିଥିବା ପ୍ରତିଯୋଗୀତା ଯୋଗୁଁ ବର୍ତ୍ତମାନ ଏହି ବ୍ୟବସାୟକୁ ଆଗକୁ ନେବାରେ ଅନେକ ଅସୁବିଧାର ସମ୍ମୁଖୀନ ହେବାକୁ ପଡିପାରେ । ଏହି କାରଣ ହେଉଛି ଟାଟା ଗ୍ରୁପ୍ ର ପରିଚାଳନା ଏହି ବ୍ୟବସାୟ କରିବା ନେଇ ଆଲୋଚନା କରୁଛି । ଅନ୍ୟପକ୍ଷରେ, ଏହାର ମିଳିତ ଉଦ୍ୟୋଗ ଆର୍ସେଲିକ୍ ଏଏସ୍ କୁ ଏହି ଚୁକ୍ତିରେ ଅନ୍ତର୍ଭୁକ୍ତ କରାଯିବ କି ନାହିଁ ତାହା ଏପର୍ଯ୍ୟନ୍ତ ସ୍ଥିର କରାଯାଇ ନାହିଁ ।
ଜାଣନ୍ତୁ କମ୍ପାନୀର ବର୍ତ୍ତମାନ ମୂଲ୍ୟ କେତେ ?
ବର୍ତ୍ତମାନ ଏହାର ବିକ୍ରିକୁ ନେଇ ପ୍ରାଥମିକ ପର୍ଯ୍ୟାୟରେ ରହିଛି । ଟାଟା ଗ୍ରୁପ୍ ମଧ୍ୟ ସମ୍ପତ୍ତିକୁ ଦୀର୍ଘ ସମୟ ପାଇଁ ନିଜ ସହିତ ରଖିବାକୁ ନିଷ୍ପତ୍ତି ନେଇପାରେ । ଏ ବାବଦରେ ଟାଟା ଗ୍ରୁପରୁ ଏପର୍ଯ୍ୟନ୍ତ କୌଣସି ତଥ୍ୟ ଦେଇ ନାହିଁ । ଚଳିତ ବର୍ଷ କମ୍ପାନୀର ସେୟାରରେ ୩.୩ ପ୍ରତିଶତ ବୃଦ୍ଧି ଘଟିଛି । କମ୍ପାନୀର ମାର୍କେଟ କ୍ୟାପ୍ ପ୍ରାୟ ୨୭ ହଜାର କୋଟି ଟଙ୍କା ରହିଛି । ପ୍ରତମ ଥର ପାଇଁ୧୯୫୪ ମସିହାରେ ପ୍ରତିଷ୍ଠିତ ଭୋଲ୍ଟାସ୍ ଏୟାର କଣ୍ଡିସନର ଏବଂ ୱାଟର କୁଲର ତଥା ବ୍ୟବସାୟିକ ରେଫ୍ରିଜରେଜେସନ୍ ୟୁନିଟ୍ ଉତ୍ପାଦନ କରିଥିଲା । ଭାରତ, ମଧ୍ୟ ପୂର୍ବ, ଦକ୍ଷିଣ ପୂର୍ବ ଏସିଆ ଏବଂ ଆଫ୍ରିକାରେ ଏହି କମ୍ପାନୀ ଶାଖା ଗୁଡିକ ଉପସ୍ଥିତି ରହିଛି ।
କେତେ ବ୍ୟବସାୟ ହେଲା :
ଏହି କମ୍ପାନୀ ଭାରତରେ ଆର୍ସେଲିକ୍ ସହିତ ମିଳିତ ଉଦ୍ୟମ କରିଛି । ଘରୋଇ ବଜାରରେ ଭୋଲ୍ଟାସ୍ ବେକୋ ବ୍ରାଣ୍ଡ ଅଧୀନରେ ଅନେକ ଘରୋଇ ଉପକରଣ ମଧ୍ୟ ଲଂଚ କରିଛି । ଭୋଲ୍ଟାସ୍ ବେକୋ ଚଳିତ ଆର୍ôଥକ ବର୍ଷରେ ପ୍ରାୟ ୯୬.୭ ବିଲିୟନ ଟଙ୍କା ଆୟ କରିଛି । ଯଦି ଆମେ ଆଜି କମ୍ପାନୀର ସେୟାର ବିଷୟରେ କଥା ହେବା, ତେବେ ହ୍ରାସ ଦେଖାଯାଉଛି । ବିଏସଇ ରୁ ମିଳିଥିବା ତଥ୍ୟ ଅନୁଯାୟୀ, ଏହା ୧.୬୮ ପ୍ରତିଶତ ହ୍ରାସ ସହିତ ୮୧୩.୫୦ ଟଙ୍କାରେ କାରବାର କରୁଛି । ତେବେ ଆଜି କମ୍ପାନୀର ସେୟାର ମଧ୍ୟ ଦିନର ନିମ୍ନ ସ୍ତରରେ ୮୧୨ ଟଙ୍କା ପହଞ୍ଚି ଯାଇଛି ।
