ଦ୍ୱିତୀୟ ବିବାହ ପାଇଁ ଭଉଣୀଙ୍କ ଘରେ ପହଞ୍ଚିଲେ ଅରବାଜ ଖାନ…
1 min read
ଆଜି ମେକଅପ୍ କଳାକାର ଶୁରା ଖାନଙ୍କୁ ଦ୍ୱିତୀୟ ବିବାହ କରିବାକୁ ଯାଉଛନ୍ତି ଅରବାଜ ଖାନ । ବିବାହ ପାଇଁ ସମ୍ପୂର୍ଣ୍ଣ ପ୍ରସ୍ତୁତ । ସଲମାନ ଖାନଙ୍କ ବଡ଼ଭାଇ ୫୭ ବର୍ଷ ବର୍ଷିୟ ଅରବାଜ ଏବେ ତାଙ୍କ ଭଉଣୀ ଅର୍ପିତାଙ୍କ ଘରେ ପହଞ୍ଚିଛନ୍ତି । ସେଠାରେ ବିବାହ ଉତ୍ସବ ଅନୁଷ୍ଠିତ ହେବାକୁ ଥିବାବେଳେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ଏହି ବିବାହରେ କେବଳ ପରିବାର ଲୋକେ ଏବଂ ଖାସ୍ ଅତିଥୀମାନେ ଯୋଗଦେବେ । ଅରବାଜ ଅର୍ପିତାଙ୍କ ଘରକୁ ଯାଉଥିବାର ଏକ ଭିଡିଓ ନଜରକୁ ଆସିଛି । ଭିଡିଓରେ ଦେଖିବାକୁ ମିଳେ ଯେ ଅରବାଜ ଖାନ କାରରୁ ଓହ୍ଲାଇ ଭଉଣୀ ଅର୍ପିତାଙ୍କ ଘରକୁ ଯାଉଛନ୍ତି । ଗତକାଲି ରାତିରେ ଅରବାଜ ଖାନଙ୍କ ଏକ ଭିଡିଓ ମଧ୍ୟ ଭାଇରାଲ ହୋଇଥିଲା ଯେଉଁଥିରେ ପାପାରାଜି ଅରବାଜ ଖାନଙ୍କୁ ବିବାହ ସ୍ଥାନ ବିଷୟରେ ପଚାରୁଥିଲେ । ମୁମ୍ବାଇର ଉମାଙ୍ଗ କାର୍ଯ୍ୟକ୍ରମରେ ପାପାରାଜି ଅରବାଜଙ୍କୁ ଏହି ପ୍ରଶ୍ନ ପଚାରିଥିଲେ । ପ୍ରଶ୍ନ ଶୁଣି ଅରବାଜ ତାଙ୍କ ହସକୁ ନିୟନ୍ତ୍ରଣ କରିପାରିନଥିଲେ । ତେବେ ମଲାଇକାଙ୍କ ସହ ବିବାହ ବିଚ୍ଛେଦ ପରେ ଅରବାଜ ଖାନ ମେକଅପ ଆର୍ଟିଷ୍ଟ ଶୁରା ଖାନଙ୍କୁ ବିବାହ କରିବେ । ସେ ଫିଲ୍ମ ‘ପାଟନା ଶୁକ୍ଲା’ର ସେଟରେ ଶୁରା ଖାନଙ୍କୁ ଭେଟିଥିଲେ । ରିପୋର୍ଟରୁ ଜଣାପଡିଛି ଯେ ଶୁରା ଖାନ ହେଉଛନ୍ତି ବଲିଉଡ ଅଭିନେତ୍ରୀ ରେଭେନା ଟଣ୍ଡନ ଏବଂ ତାଙ୍କ ଝିଅ ରାଶା ଥାଡାନୀଙ୍କ ମେକଅପ୍ ଆର୍ଟିଷ୍ଟ । ଉଭୟ ଦୀର୍ଘଦିନ ଧରି ଡେଟିଂ କରିଥିବାବେଳେ ଏବେ ବିବାହ ପାଇଁ ନିଷ୍ପତ୍ତି ନେଇଛନ୍ତି ।
