ଚଳିତ ନିର୍ବାଚନର ସବୁଠୁ ଧନୀ ପ୍ରାର୍ଥୀ , ସମ୍ପତ୍ତି ଜାଣିଲେ ଆପଣବି ହୋଇଯିବେ ତାଜୁବ୍ ..
1 min read
ଆରମ୍ଭ ହୋଇସାରିଛି ଲୋକସଭା ଓ ବିଧାସଭା ନିର୍ବାଚନ । ଏବେ ସାରା ଦେଶରେ ନିର୍ବାଚନ ପାଇଁ ସବୁ ଦଲ ପ୍ରାର୍ଥୀ ଘୋଷଣା କରି ସାରିଛି । ତେବେ ଏହି ନିର୍ବାଚନରେ ପ୍ରତିଦ୍ୱନ୍ଦିତା କରୁଥିବା ପ୍ରାର୍ଥୀଙ୍କର ସାମ୍ନାକୁ ଆସିଛି ଏଡିଆର ରିପୋର୍ଟ । ଏଡିଆର ରିପୋର୍ଟ ଖୋଲିଛି କୁବେର ନେତା ମାନଙ୍କର ଚିଠା । ଏହି ରିପୋର୍ଟରେ ସବୁଠୁ ଅଧିକ ଚର୍ଚ୍ଚିତ କଥା ଏହା ହେଉଛି କି ଜଣେ ସବୁଠୁ ଅଧିକ କୋଟିପତି ନେତା । ଯାହାଙ୍କର ସମ୍ପତ୍ତି ଦେଖି ସମସ୍ତେ ତାଜୁବ ।
ଚଳିତ ଲୋକସଭା ନିର୍ବାଚନରେ ଆନ୍ଧ୍ରପ୍ରଦେଶର ଗୁଣ୍ଟୁର ଆସନରୁ ପ୍ରତିଦ୍ୱନ୍ଦ୍ୱିତା କରୁଥିବା ତେଲୁଗୁ ଦେଶମ ପାର୍ଟି (ଟିଡିପି)ର ପି.ଚନ୍ଦ୍ର ଶେଖର ସବୁଠାରୁ ଧନୀ ପ୍ରାର୍ଥୀଭାବେ ମାନ୍ୟତାଲାଭ କରିଛନ୍ତି । ସେ ଦାଖଲ କରିଥିବା ସତ୍ୟପାଠ ଅନୁଯାୟୀ ଚନ୍ଦ୍ର ଶେଖରଙ୍କ ସ୍ଥାବର ଓ ଅସ୍ଥାବର ସମ୍ପତ୍ତି ପରିମାଣ ୫୭୮୫ କୋଟି ଟଙ୍କା ବୋଲି ଜଣାପଡିଛି । ଚନ୍ଦ୍ର ଶେଖରଙ୍କ ନିକଟରେ ୨୪୪୮.୭୨ କୋଟିର ସମ୍ପତ୍ତି ଥିବାବେଳେ ପତ୍ନୀ ଶ୍ରୀରତ୍ନାଙ୍କ ସମ୍ପତ୍ତି ପରିମାଣ ୨୩୪୩.୭୮ କୋଟି ବୋଲି ସତ୍ୟପାଠରେ ଉଲ୍ଲେଖ କରାଯାଇଛି ।
ଏହାବ୍ୟତୀତ ଚନ୍ଦ୍ର ଶେଖରଙ୍କ ସନ୍ତାନଙ୍କ ନିକଟରେ ପ୍ରାୟ ୧୦୦୦ କୋଟି ଟଙ୍କାର ସମ୍ପତ୍ତି ରହିଥିବା କୁହାଯାଇଛି । ତେବେ ଚନ୍ଦ୍ର ଶେଖରଙ୍କ ପରିବାର ଉପରେ ୧୧୩୮ କୋଟି ଟଙ୍କାର ବ୍ୟାଙ୍କ ଋଣ ଥିବା ସେ ସ୍ୱୀକାର କରିଛନ୍ତି । ଡାକ୍ତରରୁ ରାଜନେତା ପାଲଟିଥିବା ଚନ୍ଦ୍ର ଶେଖର ୨୦୧୦ରୁ ଟିଡିପି ସହ ସଂପୃକ୍ତ ଅଛନ୍ତି । ସୂଚନାଯୋଗ୍ୟ ଏଡିଆର (ଆସୋସିଏସନ ର୍ଫ ଡେମୋକ୍ରାଟିକ ରିଫର୍ମସ) ତରଫରୁ ପୂର୍ବରୁ ପ୍ରକାଶିତ ରିପୋର୍ଟରେ ମଧ୍ୟପ୍ରଦେଶର ଛିନ୍ଦୱାଡା ଆସନରୁ ଲଢୁଥିବା କଂଗ୍ରେସ ପ୍ରାର୍ଥୀ ନକୁଲ ନାଥ (ପୂର୍ବତନ ମୁଖ୍ୟମନ୍ତ୍ରୀ କମଲନାଥଙ୍କ ପୁତ୍ର) ୭୧୭ କୋଟି ଟଙ୍କାର ସମ୍ପତ୍ତି ସହ ସବୁଠାରୁ ଧନୀ ପ୍ରାର୍ଥୀ ବିବେଚିତ ହୋଇଥିଲେ ।
