ରତନଗଡ଼ରୁ ଠାକୁରାଣୀ ଚୋରି , ୨ ଅଟକ
1 min read
ମୟୁରଭଞ୍ଜ ; ଶେଷରେ ଠାକୁରାଣୀଙ୍କୁ ବି ଛାଡିଲେ ନାହିଁ । ଠାକୁରମୁଣ୍ଡା ବ୍ଲକ ଜରକ ଗ୍ରାମପଞ୍ଚାୟତ ଅନ୍ତର୍ଗତ ମୁ୍ଳାପାଳ ଗଡ଼ ବା ରତନପୁର ଗଡ଼ରୁ ଠାକୁରାଣୀ ଚୋରି । ଠାକୁରାଣୀଙ୍କୁ ଚୋରୀ କରିଥିବା ୨ ଜଣ ଲୋକ ୧୩ ତାରିଖରେ ପୁନଶ୍ଚ ଆସିଥିଲେ ଠାକୁରାଣୀ ଶାଳକୁ । ଗ୍ରାମବାସୀ ଆଜି ଉଭୟଙ୍କୁ ଅଟକ ରଖି ମହୁଲଡିହା ଥାନାକୁ ଖବର ପଠାଇଥିବା ସୂଚନା ଦେଇଛନ୍ତି ।
ଘଟଣାରୁ ପ୍ରକାଶ ଯେ, ପୁର୍ବରୁ ରତନପୁର ଗଡ଼ ଏବଂ ଏବେର ମୁ୍ଳାପାଳ ରେ ରାଜା ଶାସନ ଥିଲା । ସେତେବେଳର ମୁ୍ଳାପାଳ ଗଡ଼ରୁ ମା ବାସୁଳିଙ୍କୁ ଠାକୁରମୁଣ୍ଡାର ଶାସକ ନେଇ ଆସିବା ପରେ ପ୍ରାୟ ଶହେ ବର୍ଷରୁ ଉର୍ଦ୍ଧ ହେଲା ଠାକୁରମୁଣ୍ଡାରେ ପୂଜା ପାଇ ଆସୁଛନ୍ତି । ଗତ ଶନିବାର ୨ ଜଣ ଲୋକ ପୂଜା ସ୍ଥଳୀରୁ ଠାକୁରାଣୀ ଚୋରି କରି ନେଇଛନ୍ତି । ପୁନଶ୍ଚ ମଙ୍ଗଳବାର ଠାକୁରାଣୀ ଶାଳକୁ ଆସିଥିବାବେଳେ ଲୋକ ଧରିଥିଲେ ଉଭୟଙ୍କୁ । ଜଣେ ହେଲେ ବିଦେଶୀ ନାଏକ (୬୦) ଘର ଡକେଇପାଳ ଏବଂ ଅନ୍ୟ ଜଣକ ହେଲେ ଭଦୁବେଡା ଗ୍ରାମର ଦିବାକର ନାଏକ (୭୦) କ୍ଷ ପୂଜକ କାଠୁଆନୂଆଗାଁ ର ଭଜନା ଦେହୁରୀଙ୍କୁ ପଚାରିବାରୁ ଗଡ଼ଚଣ୍ଡୀ ଏବଂ ବାବା ବାରଖଣ୍ଡାକୁ ନେଇ ଯାଇଥିବାବେଳେ ଅନ୍ୟ ଠାକୁରଙ୍କୁ ନେବାକୁ ଆସିଥିବାବେଳେ ଧରା ପଡିଛନ୍ତି ବୋଲି କହିଛନ୍ତି ।
ଖବର ପାଇ ମହୁଲଡିହା ଥାନା ଅଧିକାରୀ ପଦ୍ମଲୋଚନ ପାଣିଗ୍ରାହୀ ଏ ଏସ ଆଇ ସନ୍ତୋଷ କୁମାର ନାୟକ ଘଟଣା ସ୍ଥଳରେ ପହଂଚିଥିବାବେଳେ ଉଭୟ ଠାକୁର ଫେରେଇଲେ ପୋଲିସକୁ ହସ୍ତାନ୍ତର କରାଯିବ ବୋଲି କହିଛନ୍ତି । ଉଭୟ ଠାକୁରଙ୍କ ନିର୍ଦ୍ଦେଶରେ ସାଧନା କରି ଗୁଣି ଏବଂ କବିରାଜୀ କରିବା ପାଇଁ ନିର୍ଦ୍ଦେଶ ଥିଲା ବୋଲି ପ୍ରକାଶ କରିଛନ୍ତି । ଠାକୁରଙ୍କୁ ପୁନର୍ବାର ଫେରାଇବାକୁ ଉଭୟ ସମ୍ମତି ଦେଇଛନ୍ତି ।
