ଧୋନୀଙ୍କୁ ଟକ୍କର ଦେଲେ ରୋହିତ୍ ଶର୍ମା , ବନାଇଲେ ଏଭଳି ରେକର୍ଡ ..
1 min read
ନୂଆଦିଲ୍ଲୀ : ଶ୍ରୀଲଙ୍କା ବିପକ୍ଷରେ ସର୍ବାଧିକ ୪୫ ଛକା ମାରିଲେ ହିଟମ୍ୟାନ । ଧୋନୀଙ୍କ ସହ ସମକକ୍ଷ ହେଲେ ରୋହିତ । ରୋହିତ ଶର୍ମା ହିଟମ୍ୟାନ ଭାବରେ ଜଣାଶୁଣା । ସେ ଏପର୍ଯ୍ୟନ୍ତ ତାଙ୍କ ଅନ୍ତର୍ଜାତୀୟ କ୍ୟାରିୟରରେ ୫୦୦ରୁ ଅଧିକ ଛକା ମାରିଛନ୍ତି ।
ବର୍ତମାନ ସେ କେବଳ ୱେଷ୍ଟଇଣ୍ଡିଜ ଭେଟେରାନ ବ୍ୟାଟ୍ସମ୍ୟାନ କ୍ରିସ ଗେଲଙ୍କଠାରୁ ପଛରେ ଅଛନ୍ତି । କ୍ରିସ ଗେଲ ତାଙ୍କ ଅନ୍ତର୍ଜାତୀୟ କ୍ୟାରିୟରରେ ମୋଟ ୫୫୩ ଛକା ମାରିଛନ୍ତି । ୫୦୫ ଛକା ସହ ରୋହିତ ଶର୍ମା ଦ୍ୱିତୀୟ ସ୍ଥାନରେ ଅଛନ୍ତି । ଦିନିକିଆ କ୍ରିକେଟରେ କୌଣସି ଦଳ ବିପକ୍ଷରେ ସର୍ବାଧିକ ଛକା ମାରିବା କ୍ଷେତ୍ରରେ ରୋହିତ ଶର୍ମା ଏକ ନମ୍ବରରେ ଅଛନ୍ତି । ଅଷ୍ଟ୍ରେଲିଆ ବିପକ୍ଷ ଦିନିକିଆରେ ରୋହିତ ଶର୍ମା ସର୍ବାଧିକ ୭୬ଟି ଛକା ମାରିଛନ୍ତି । ଏହା ବ୍ୟତୀତ ସେ ଶ୍ରୀଲଙ୍କା ବିପକ୍ଷ ଦିନିକିଆରେ ୪୫ଟି ଛକା ମାରିଛନ୍ତି । ଏଥି ସହିତ ୱେଷ୍ଟଇଣ୍ଡିଜ ବିପକ୍ଷ ଦିନିକିଆରେ ତାଙ୍କ ବ୍ୟାଟରୁ ମୋଟ ୩୫ ଛକା ବାହାରିଛନ୍ତି ।
ଭାରତୀୟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ତାଙ୍କ ଦିନିକିଆ କ୍ୟାରିୟରରେ ଶ୍ରୀଲଙ୍କା ବିପକ୍ଷରେ ସର୍ବାଧିକ ୪୫ ଛକା ମାରିଛନ୍ତି । ଏହା ବ୍ୟତୀତ ଇଂଲଣ୍ଡ ବିପକ୍ଷ ଦିନିକିଆରେ ତାଙ୍କ ବ୍ୟାଟରୁ ମୋଟ ୩୪ଟି ଛକା ବାହାରିଛି । ଅଷ୍ଟ୍ରେଲିଆ ବିପକ୍ଷ ଦିନିକିଆରେ ସେ ୩୩ଟି ଛକା ମାରିଛନ୍ତି । ପୂର୍ବତନ ଭାରତୀୟ ବ୍ୟାଟ୍ସମ୍ୟାନ୍ ସଚିନ ତେନ୍ଦୁଲକର ହେଉଛନ୍ତି ବିଶ୍ୱର ମହାନ ବ୍ୟାଟ୍ସମ୍ୟାନ୍ । ସେ ଅନେକ ଦଳ ବିପକ୍ଷରେ ଅନେକ ଭଲ ଇନିଂସ ଖେଳିଛନ୍ତି । ଏଥି ସହିତ ତାଙ୍କୁ ଅଷ୍ଟ୍ରେଲିଆ ବିପକ୍ଷରେ ଅନେକ ମ୍ୟାଚ ଦେଖିବାକୁ ମିଳିଥିଲା । କଙ୍ଗାରୁ ଦଳ ବିପକ୍ଷରେ ସର୍ବାଧିକ ଛକା ତାଙ୍କ ବ୍ୟାଟରୁ ବାହାରିଛି । ସେ ଅଷ୍ଟ୍ରେଲିଆ ବିପକ୍ଷ ଦିନିକିଆରେ ମୋଟ ୩୫ ଛକା ମାରିଛନ୍ତି ।
