ମା କ୍ଷୀର ବଦଳରେ ୧ ମାସର ଶିଶୁକୁ ଖରାରେ ଶୁଖାଇଲା ବାପା , ପୁଅର ମୃତ୍ୟୁ ପରେ ବାପା ଗଲା ଜେଲ୍ …
1 min read
ଆଜି ବାପାର ପାଗଳାମୀ ପାଇଁ ଚାଲିଗଲା ନବଜଜାତ ଶିଶୁର ଜୀବନ । ଯେଉଁଥିପାଇଁ ବାପକୁ କୋର୍ଟ ୮ ବର୍ଷ କାରାଦଣ୍ଡରେ ଦଣ୍ଡିତ କରିଛନ୍ତି । କାରଣ ସେ ନିଜ ପୁଅକୁ ମା’ର କ୍ଷୀର ପିଇବାକୁ ଦେଇନଥିଲେ, ସେ କେବଳ ସୂର୍ଯ୍ୟ କିରଣ ମାଧ୍ୟମରେ ତାଙ୍କୁ ଜୀବନ୍ତ ରଖିବାକୁ ଚାହୁଁଥିଲେ । ସେ ଅନ୍ୟମାନଙ୍କ ପାଇଁ ଏକ ଉଦାହରଣ ମଧ୍ୟ ଦେବାକୁ ଚାହୁଁଥିଲେ ଯେ କେବଳ ସୂର୍ଯ୍ୟ କିରଣ ଦ୍ୱାରା ଜଣେ ବଞ୍ଚିପାରିବ । ପରେ ପୁଷ୍ଟିହୀନତା ଏବଂ ନିମୋନିଆରେ ଶିଶୁଟିର ମୃତ୍ୟୁ ହୋଇଥିଲା । ସୂଚନାଯୋଗ୍ୟ, ରୁଷିଆର ଏକ କୋର୍ଟରେ ଏକ ଅଜବ ମାମଲା ସାମ୍ନାକୁ ଆସିଛି । ଯେଉଁଥିରେ ୩.୫ ପାଉଣ୍ଡ ଓଜନ ବିଶିଷ୍ଟ ଏକ ମାସର ଶିଶୁ କୋସମୋସଙ୍କୁ ଡାକ୍ତରଖାନାରେ ମୃତ ଘୋଷଣା କରାଯାଇଥିଲା । ଡାକ୍ତରମାନେ କହିଛନ୍ତି ଯେ ସେ ପୂର୍ବରୁ ବହୁତ ଦୁର୍ବଳ ଥିଲେ ।
ତାଙ୍କ ମା ଅକ୍ସାନା ମିରୋନୋଭା ଏବଂ ପିତା ମ୍ୟାକ୍ସିମ ଲିୟୁଟିଙ୍କୁ ଗିରଫ କରାଯାଇଥିଲା । ଏହି ମାମଲାର ଶୁଣାଣି ସମୟରେ କୋସମୋସଙ୍କ ମା’ ଯାହା ପ୍ରକାଶ କରିଥିଲେ ତାହା ଶୁଣି କୋର୍ଟରେ ବସିଥିବା ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । ସେ କହିଥିଲେ ଯେ ଅଲୌକିକ ଶକ୍ତି ହାସଲ କରିବା ପାଇଁ ମ୍ୟାକ୍ସିମ ଲିୟୁଟି ତାଙ୍କ ପୁଅ ଉପରେ ଅଜବ ପରୀକ୍ଷଣ କରୁଥିଲେ । ଯେତେବେଳେ ମିରୋନୋଭାଙ୍କର ପ୍ରସବ ସମୟରେ ଡାକ୍ତରଖାନା ନିଆଯିବା କଥା, ସେ ମନା କରିଦେଇଥିଲେ । ଘରେ ମିରୋନୋଭା ଏକ ଶିଶୁ ପୁତ୍ର ପ୍ରସବ କରିଥିଲେ । ପୁତ୍ର ଜନ୍ମ ହେବା ପରେ ତାଙ୍କର ନାମ କୋସମୋସ ରଖାଗଲା । କିନ୍ତୁ ଏହାପରେ କୋସମୋସ ଏବଂ ମିରୋନୋଭାଙ୍କ ସହ ନିର୍ଯ୍ୟାତନା ଆରମ୍ଭ ହୋଇଥିଲା । ଲ୍ୟୁଟି ମିରୋନୋଭାଙ୍କୁ ଶାକାହାରୀ ଖାଦ୍ୟ ଖାଇବାକୁ ବାଧ୍ୟ କରାଗଲା, ଯେଉଁଥିରେ ବିରି ଇତ୍ୟାଦି ଅନ୍ତର୍ଭୁକ୍ତ ଥିଲା । ସେ ବିଶ୍ୱାସ କରୁଥିଲେ ଯେ ଏହା ଶରୀରରେ ଆଧ୍ୟାତ୍ମିକ ଶକ୍ତି ବିକଶିତ କରେ ।
ଏହା ପରେ ଶିଶୁଟିର ପିତା ସୀମା ଅତିକ୍ରମ କଲେ । ସେ ମିରୋନୋଭାଙ୍କୁ ଶିଶୁକୁ ସ୍ତନ୍ୟପାନ କରାଇବାକୁ ମଧ୍ୟ ବାରଣ କରିଥିଲେ । ମିରୋନୋଭାଙ୍କ ଭଉଣୀ କୋର୍ଟଙ୍କୁ କହିଛନ୍ତି ଯେ ଲ୍ୟୁଟି ବିଶ୍ୱାସ କରିଥିଲେ ଯେ ସୂର୍ଯ୍ୟ ହିଁ ଶିଶୁକୁ ସ୍ତନ୍ୟପାନ କରାଉଛନ୍ତି । ସେ କହିଥିଲେ ଯେ ମିରୋନୋଭା ବେଳେବେଳେ ଲୁଚି ଲୁଚି ନିଜ ପୁଅକୁ ସ୍ତନ୍ୟପାନ କରାନ୍ତି । କିନ୍ତୁ ସେ ସବୁବେଳେ ଭୟ କରୁଥିଲେ ଯେ ସ୍ୱାମୀ ଜାଣିପାରିବେ । ମିରୋନୋଭାଙ୍କ ଭଉଣୀ ଓଲେସିଆ କହିଛନ୍ତି ଯେ ଜଣେ ଶିଶୁ କିପରି ସୂର୍ଯ୍ୟଙ୍କ ଉପରେ ବଞ୍ଚିିପାରିବ, ତାଙ୍କୁ ମା’ର କ୍ଷୀର ଦରକାର । ମିରୋନୋଭା କହିଛନ୍ତି ଯେ ଲ୍ୟୁଟି ତାଙ୍କ ପୁଅ କସାମୋସର ଅଲୌକିକ ଶକ୍ତି ଚାହୁଁଛନ୍ତି, ସେ ମଧ୍ୟ ତାଙ୍କ ଉପରେ ଏକ ପରୀକ୍ଷଣ କରୁଛନ୍ତି । ସେ ଚାହୁଁଥିଲେ ପୁଅ କେବଳ ସୂର୍ଯ୍ୟ କିରଣ ସାହାଯ୍ୟରେ ବଞ୍ଚନ୍ତୁ । ସେ ଅସୁସ୍ଥ ଥିବାବେଳେ ତାଙ୍କୁ ଔଷଧ ଦେଇନଥିଲେ, ବରଂ ସେ କୋସମୋସକୁ ଥଣ୍ଡା ପାଣିରେ ସ୍ନାନ କରିଥିଲେ, କାରଣ ଏହା ପିଲାକୁ ଅଧିକ ଶକ୍ତିଶାଳୀ କରିବ ବୋଲି ସେ କହୁଥିଲେ ।
