ପୁରା ପରିବାର ସହ ଆସି ଭୋଟ ଦେଲେ ସଚିନ୍ ତେନ୍ଦୁଲକର..
1 min read
ମହାରାଷ୍ଟ୍ର ବିଧାନସଭା ପାଇଁ ଚାଲିଛି ଭୋଟିଂ। ପ୍ରତି ବୁଥ୍ରେ ଲମ୍ବା ଲାଇନ୍ ଲାଗିଛି। ବହୁ ସେଲିବ୍ରିଟି ଏବଂ କ୍ରିକେଟର ମଧ୍ୟ ବୁଥ୍କୁ ଆସି ମତଦାନ କରୁଛନ୍ତି। ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ମଧ୍ୟ ତାଙ୍କ ପରିବାର ସହ ପୋଲିଂ ବୁଥ୍ରେ ମତଦାନ କରିଛନ୍ତି। ସ୍ତ୍ରୀ ଅଞ୍ଜଳି ତେନ୍ଦୁଲକର, ପୁଅ ଅର୍ଜୁନ ତେନ୍ଦୁଲକରଙ୍କ ସହ ସଚିନ୍ ଭୋଟ ଦେଇଛନ୍ତି।
ଏହାର ଏକ ଭିଡିଓ ଭାଇରାଲ ହେଉଛି । ନିଜ ପରିବାର ସହିତ ଭୋଟ୍ ଦେବା ପରେ ସଚିନ ତେନ୍ଦୁଲକର ଏକ ଗୁରୁତ୍ୱପୂର୍ଣ୍ଣ କଥା କହିଥିଲେ ଏବଂ ଭୋଟ୍ ଦେବାକୁ ମଧ୍ୟ ଲୋକଙ୍କୁ ନିବେଦନ କରିଥିଲେ। ତେନ୍ଦୁଲକର କହିଛନ୍ତି, ମୁଁ କିଛି ସମୟ ପାଇଁ ନିର୍ବାଚନ ଆୟୋଗର ଆଇକନ୍ ଅଛି । ମୁଁ ସମସ୍ତଙ୍କୁ ଭୋଟ୍ ଦେବାକୁ ନିବେଦନ କରୁଛି । ଏହା ଆମର ଦାୟିତ୍ୱ। । ମୁଁ ସମସ୍ତଙ୍କୁ ଭୋଟ୍ ଦେବାକୁ ଅନୁରୋଧ କରୁଛି ।ତେନ୍ଦୁଲକରଙ୍କ ସହ ତାଙ୍କ ପତ୍ନୀ ଅଞ୍ଜଳି ଏବଂ ଝିଅ ସାରା ତେନ୍ଦୁଲକର ମଧ୍ୟ ନଜର ଆସିଥିଲେ ।
ଏହି ସମୟରେ ଗଣମାଧ୍ୟମ ସହ କଥାବାର୍ତ୍ତା ବେଳେ ତେନ୍ଦୁଲକର ନିର୍ବାଚନ ଆୟୋଗର ସୁବିଧା ବିଷୟରେ ଉଲ୍ଲେଖ କରିଥିଲେ ଏବଂ ବହୁ ସଂଖ୍ୟାରେ ଭୋଟ୍ ଦେବାକୁ ଲୋକଙ୍କୁ ନିବେଦନ କରିଥିଲେ। ସୂଚନାଯୋଗ୍ୟ ଯେ ମହାରାଷ୍ଟ୍ର ନିର୍ବାଚନର ସମସ୍ତ 288 ଟି ଆସନରେ ଆଜି ମତଦାନ ଜାରି ରହିଛି । ସନ୍ଧ୍ୟା 6 ଟା ପର୍ଯ୍ୟନ୍ତ ମତଦାନ ଜାରି ରହିବ । 23 ନଭେମ୍ବରରେ ନିର୍ବାଚନ ଫଳାଫଳ ପ୍ରକାଶ ପାଇବ । ଅନେକ ବଲିଉଡ ସେଲିବ୍ରିଟିମାନେ ମଧ୍ୟ ଭୋଟ୍ ଦେଉଥିବାର ନଜର ଆସିଛନ୍ତି ।
