ପ୍ରଶଂସକଙ୍କ ପାଇଁ ବଡ ଖବର : ଓଟିଟିରେ ରିଲିଜ୍ ହେବ ‘ପଠାନ୍’ , ଜାଣନ୍ତୁ କେବେ ?
1 min read
ମୁମ୍ବାଇ : ଶାହାରୁଖଙ୍କ ପ୍ରଶଂସକଙ୍କ ପାଇଁ ଖୁସି ଖବର । ଖୁବ୍ ଶୀଘ୍ର ଓଟିଟିରେ ରିଲିଜ ହେବ ଫିଲ୍ମ ‘ପଠାନ’ । ଯେଉଁମାନେ ନିଜର ବ୍ୟସ୍ତବହୁଳ ଜୀବନ ଭିତରୁ ସମୟ କାଢି ହଲ୍ରେ ଫିଲ୍ମ ଦେଖିବାକୁ ଯାଇପାରୁନାହନ୍ତି । ଏବେ ଆରମରେ ଘରେ ହେଉ କିମ୍ବା ବାହାରେ ଯେଉଁଠି ପାଇବେ ସେଇଠି ବସି ନିଜ ମୋବାଇଲରେ ଦେଖିପାରିବେ ସୁପରହିଟ୍ ଫିଲ୍ମ ପଠାନ୍ ।
ବଲିଉଡ ସୁପରଷ୍ଟାର ଶାହାରୁଖ ଖାନ୍ଙ୍କ ଫିଲ୍ମ ‘ପଠାନ’ ବକ୍ସ ଅଫିସରେ ରେକର୍ଡ ସଂଖ୍ୟକ ଆୟ କରିବା ପରେ ଏବେ ଓଟିଟିରେ ଧମାକା କରିବାକୁ ପ୍ରସ୍ତୁତ ହେଉଛି । କାରଣ ଶାହରୁଖ ଖାନଙ୍କ ‘ପଠାନ’OTTରେ ମୁକ୍ତିଲାଭ କରିବାକୁ ଯାଉଛି । ‘ପଠାନ’ ରିଲିଜ ହେବା ପରଠାରୁ ଦର୍ଶକ ଏହାର ଓଟିଟି ରିଲିଜ୍କୁ ଅପେକ୍ଷା କରିଛନ୍ତି । ବର୍ତମାନ ଏହି ଦର୍ଶକଙ୍କ ଅପେକ୍ଷା ଶେଷ ହେବାକୁ ଯାଉଛି । ମାର୍ଚ୍ଚ ୨୨ରେ ଫିଲ୍ମ ‘ପଠାନ’ ଓଟିଟିରେ ରିଲିଜ ହେବ । ଶାହାରୁଖ ଖାନଙ୍କ ଏହି ଚଳଚ୍ଚିତ୍ର ଟଙ୍କା ରୋଜଗାର ଦୃଷ୍ଟିରୁ ସମସ୍ତ ଚଳଚ୍ଚିତ୍ରକୁ ପଛରେ ପକାଇଛି । କେବଳ ଭାରତରେ ‘ପଠାନ’ ୫୪୦ କୋଟି ଟଙ୍କା ବ୍ୟବସାୟ କରିଛି । ଏହା ସହିତ ବିଦେଶ ବଜାରରେ ମଧ୍ୟ ଜବରଦସ୍ତ ବ୍ୟବସାୟ କରିଛି ।
ଶାହରୁଖଙ୍କ ବ୍ୟତୀତ ଦୀପିକା ପାଦୁକୋନ ଏବଂ ଜନ ଆବ୍ରହମ, ଡିମ୍ପଲ କାପାଡିଆ ଏବଂ ଆଶୁତୋଷ ରାଣା ମଧ୍ୟ ଫିଲ୍ମରେ କାମ କରିଛନ୍ତି । ଏହା ସହିତ ଫିଲ୍ମରେ ସଲମାନ ଖାନଙ୍କ ଏକ କ୍ୟାମୋ ଭୂମିକା ମଧ୍ୟ ଅଛି । ଏହି ଫିଲ୍ମ ଜାନୁଆରୀ ୨୫ ରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା ଏବଂ ୫୦ ଦିନ ପରେ ମଧ୍ୟ ବକ୍ସ ଅଫିସରେ ଫିଲ୍ମ ଭଲ ରୋଜଗାର କରୁଛି । ଅନ୍ୟପଟେ ୫୬ ଦିନ ପରେ OTT ରେ ‘ପଠାନ୍’ ରିଲିଜ୍ କରିବାର ଯୋଜନା ଅଛି ।
