ବଲିଉଡ୍କୁ ଘାରିଛି ହୃଦ୍ଘାତ : ରାଜୁ ଶ୍ରୀବାସ୍ତବଙ୍କ ପରେ ସଲମାନଙ୍କ ବଡି ଡବଲ ଗଲେ ଏହିଭଳି
1 min read
ନୂଆଦିଲ୍ଲୀ : ବଲିଉଡ୍କୁ ଯେପରି ଗ୍ରାସ କରିଛି ହୃଦ୍ଘାତ । ରାଜୁ ଶ୍ରୀବାସ୍ତଙ୍କ ମୃତ୍ୟୁ ପରେ ପୁଣି ବଲିଉଡ୍ରୁ ଏକ ଖରାପ ଖବର । ସଲମାନଙ୍କ ବଡି ଡବଲ ଅର୍ଥାତ୍ ଫିଲ୍ମରେ ଦେଖାଯାଉଥିବା ସଲମାନଙ୍କ ବଡି ବା କେଉଁ ଭିନ୍ନ ଧରଣର ସିନ୍ ରେ ସଲମାନଙ୍କ ବଡି ବଦଲରେ ନିଜ ବଡି ଦେଖାଇ କାମକରୁଥିବା ସାଗର ସଲମାନ ପାଣ୍ଡେଙ୍କର ହୃତଘାତରେ ମୃତ୍ୟୁ ହୋଇଛି । ସୂଚନା ଅନୁଯାୟୀ ଗତକାଲି ଏକ ଜିମ୍ରେ ବ୍ୟାୟାମ କରୁଥିବା ବେଳେ ତାଙ୍କୁ ହଠାତ୍ ହୃତ୍ଘାତ ଆସିଥିଲା । ତେବେ ସାଗର ଜିମ୍ର ଟ୍ରେଡମିଲରେ ଦୌଡୁଥିବା ସମୟରେ ତାଙ୍କୁ ହୃଦଘାତ ଆସିଥିଲା । ସେଠାରେ ଥିବା କର୍ମଚାରୀ ସାଗରଙ୍କୁ ତୁରନ୍ତ ଚିକିତ୍ସାଳୟ ନେଇଯାଇଥିଲେ । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ପ୍ରାୟ ୨୪ ବର୍ଷ ଧରି ସାଗର ସଲମାନଙ୍କ ବଡି ହୋଇ କାମ କରୁଥିଲେ । ସେ ସଲମାନଙ୍କ ସହ ପ୍ରାୟ ୫୦ ରୁ ଅଧିକ ଫିଲ୍ମରେ କାମ କରିଛନ୍ତି । ସଲମାନଙ୍କ ବଜରଙ୍ଗି ଭାଇଜାନ,ଟ୍ୟୁବଲାଇଟ୍,ପ୍ରେମ ରତନ ଧନ ପାୟୋ ,ଦବଙ୍ଗ,ଦବଙ୍ଗ-୨, ଏବଂ କଲର୍ସର ରିଆଲିଟି ଶୋ ବିଗ୍ବସ୍ରେ ମଧ୍ୟ ନଜର ଆସିଥିଲେ ।
ତେବେ ସାଗର ଉତ୍ତରପ୍ରଦେଶର ପ୍ରତାପଗଡର ବାସିନ୍ଦା ଅଟନ୍ତି । ନିଜର ଏକ ବଡ ସ୍ୱପ୍ନ ନେଇ ସାଗର ମୁମ୍ବାଇ ଆସିଥିଲେ । କିନ୍ତୁ ମୁମ୍ବାଇ ଆସି ତାଙ୍କ ବଡ ସ୍ୱପ୍ନ ହିରୋ ହେବାର ଆଶା ପୂରଣ ହୋଇନଥିଲା । ଫଳରେ ସେ ନିଜ ପରିବାରର ଗୁଜୁରାଣ ମେଣ୍ଟାଇବା ପାଇଁ ବଲିଉଡ୍ରେ ବଡି ଡବଲର କାମ କରିଥିଲେ । ଗତକାଲି ମାତ୍ର ୫୦ ବର୍ଷ ବୟସରେ ହଠାତ୍ ତାଙ୍କର ମୃତ୍ୟୁ ହୋଇଥିବାରୁ ତାଙ୍କ ପରିବାର ଲୋକ ଏହାକୁ ବିଶ୍ୱସ କରିପାରୁନହାନ୍ତି । ଘରର ବଡ ପୁଅ ଭାବେ ସାଗର ପରିବାରର ସବୁ ଦାୟିତ୍ୱ ବୁଝୁଥିଲେ ।
