ହୃତଘାତରେ ସଲାମାନଙ୍କ ବଡିଗାର୍ଡ ଫିଲ୍ମ ଡାଇରେକ୍ଟର ‘ସିଦ୍ଦିକି ଇସ୍ମାଇଲ’ଙ୍କ ପରଲୋକ
1 min read
ହାଇଦ୍ରବାଦ୍ : ସାଉଥ୍ ଫିଲ୍ମ ଇଣ୍ଡଷ୍ଟ୍ରିକୁ ବଡ ଝଟକା । ୬୩ ବର୍ଷ ବୟସରେ ଆଖି ବୁଜିଲେ ଚର୍ଚ୍ଚିତ ନିର୍ଦ୍ଦେଶକ ସିଦ୍ଦିକି ଇସ୍ମାଇଲ । ସାଉଥ୍ ସହ ବଲିଉଡ୍ର ଅନେକ ଫିଲ୍ମରେ ନିର୍ଦ୍ଦେଶନା ଦେଇଥିଲେ ସିଦ୍ଦିକି । ସଲମାନ ଖାନଙ୍କ ଅଭିନୀତ ଫିଲ୍ମ ‘ ବଡିଗାର୍ଡ’ ଫିଲ୍ମ ତାଙ୍କୁ ବଲିଉଡ୍ରେ ନୂଆ ପରିଚୟ ଦେଇଥିଲା ।
ଖବର ଅନୁଯାୟୀ ନିକଟରେ ସେ ନିମୋନିଆ ଓ ଲିଭର ସଂକ୍ରମଣ ଜନିତ ସମସ୍ୟା ନେଇ ଚିକିତ୍ସିତ ହେଉଥିଲେ । ସ୍ୱାସ୍ଥ୍ରାବସ୍ଥା ଅଧିକ ଖରାପ ହେବାରୁ ତାଙ୍କ କୋଚି ଅମୃତା ହସ୍ପିଟାଲରେ ଭର୍ତ୍ତି କରାଯାଇଥିଲା । ଏଠାରେ ଚିକିତ୍ସା ସମୟରେ ତାଙ୍କର ହୃଦଘାତରେ ମୃତ୍ୟୁ ହୋଇଥିବା ଜଣାପଡିଛି । ଏନେଇ ପୁରା ବଲିଉଡ୍ ଏବଂ ସାଉଥ୍ ଇଣ୍ଡଷ୍ଟ୍ରିରେ ଶୋକର ସାୟା ଖେଳିଯାଇଛି । ତେବେ ଆଜି ସନ୍ଧ୍ୟା ୬ ଟା ସମୟରେ ତାଙ୍କର ଅନ୍ତିମ ସଂସ୍କାର କରାଯିବ ବୋଲି ଜଣାପଡିଛି ।
ତେବେ ସିଦ୍ଦିକି ୧୯୮୯ରେ ମାଲାୟାଲମ୍ ଫିଲ୍ମ ‘ରାମଜୀ ରାଓ ସ୍ପିକିଙ୍ଗ’ରୁ ନିଜ କରିଅର ଆରମ୍ଭ କରିଥିଲେ । ‘ହରିହର ନଗର’ , ‘ଗଡଫାଦର’ , ‘କାବୁଲିବାଲା’, ‘ଭିଏତନାମ୍ କଲୋନୀ’, ‘ହିଟଲର’ ଭଳି ଫିଲ୍ମରେ ନିର୍ଦ୍ଦେଶନା ଦେଇ ବେଶ୍ ଆଦୃତ ହୋଇପାରିଥିଲେ । ତାଙ୍କ ଶେଷ ନିର୍ଦ୍ଦେଶନା ଥିଲା ଫିଲ୍ମ ‘ବିଗ୍ ବ୍ରଦର’ ।
