ପ୍ରଶଂସକଙ୍କ ହୃ୍‌ୟରେ ସ୍ଥାନ ପାଇଲା ଫିଲ୍ମ ସାମ ବାହାଦୁର…

ବର୍ତ୍ତମାନ ଅଧିକାଂଶ ଚାଲିଛି ବାୟୋପିକ ଚଳଚିତ୍ର । ସିନେମା,କ୍ରୀଡା ହେଉ କି ରାଜନୀତି ସମେତ ପ୍ରତ୍ୟେକ କ୍ଷେତ୍ରରେ ଲୋକପ୍ରିୟ ତଥା ପ୍ରସିଦ୍ଧ ବ୍ୟକ୍ତିତ୍ୱର କାହାଣୀ ଚଳଚ୍ଚିତ୍ର ମାଧ୍ୟମରେ ପରଦାକୁ ଆସୁଛି । ସେହିପରି ସାମ ବାହାଦୂର ଚଳଚିତ୍ର ମଧ୍ୟ ଜଣେ ନିର୍ଭିକ ଯବାନ ସାମ୍ ମାନେକ୍ସାଙ୍କ ବୟୋପିକ ଉପରେ ଆଧାରିତ ହୋଇଛି । ତେବେ ବଲିଉଡର ଅନ୍ୟତମ ଅଭିନେତା ଭିକି କୈାଶଲ ଫିଲ୍ମ ‘ସାମ୍ ବାହାଦୂର’ ପାଇଁ ପ୍ରଶଂସକଙ୍କ ହୃ୍‌ୟରେ ସ୍ଥାନ ପାଇଛନ୍ତି । ରଣବୀର କପୁରଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ଆନିମଲ ବର୍ତ୍ତମାନ ପ୍ରେକ୍ଷାଳୟରେ ମୁକ୍ତିଲାଭ କରିଛି । ଆନିମଲ ଜବରଦସ୍ତ ପ୍ରତିକ୍ରିୟା ପାଇଥିବାବେଳେ ‘ସାମ ବାହାଦୂର’କୁ ମଧ୍ୟ ବହୁତ ପ୍ରଶଂସା କରାଯାଉଛି । ସାମ ବାହାଦୂର’ରେ ବିକି କୈାଶଲଙ୍କ ଅଭିନୟ ଦର୍ଶକଙ୍କ ହୃଦୟକୁ ଛୁଇଁଛି । ବର୍ତ୍ତମାନ ଲୋକମାନେ ସୋସିଆଲ ମିଡିଆରେ ଫିଲ୍ମର ଭଲ ଭଲ ରିଭ୍ୟୁ ସେୟାର କରିଛନ୍ତି ।

ଡାଇରେକ୍ଟର ମେଘନା ଗୁଲଜାରଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ର ଦର୍ଶକଙ୍କ ଠାରୁ ଭଲ ପ୍ରତିକ୍ରିୟା ପାଇବାରେ ଲାଗିଛି । ଲୋକମାନେ ସୋସିଆଲ ମିଡିଆରେ ଏହି ଫିଲ୍ମର ପ୍ରଶଂସା କରିବା ସହ ଏହାକୁ ଏକ ବ୍ଲକବଷ୍ଟର ବୋଲି ମଧ୍ୟ କହିଛନ୍ତି । ସାମ ବାହାଦୂରଙ୍କୁ ପ୍ରଶଂସା କରି ଜଣେ ପ୍ରଶଂସକ ଲେଖିଛନ୍ତି, “ବିକି କୈାଶଲ ସାମ ବାହାଦୁରଙ୍କ ସହ ପୁରସ୍କାର ବିଜେତା ପ୍ରଦର୍ଶନ କରିଛନ୍ତି । କୁହାଯାଇଛି ଯେ ମେଘନା ଗୁଲଜାରଙ୍କ ନିର୍ଦ୍ଦେଶିତ ସାମ୍ ବାହାଦୂର ୧୯୭୧ ମସିହାର ଭାରତ-ପାକିସ୍ଥାନ ଯୁଦ୍ଧର ପୃଷ୍ଠଭୂମି ଉପରେ ଆଧାରିତ ଯେଉଁଠାରେ ସାମ୍ ମାନେକ୍ସା ଭାରତୀୟ ସେନାର ନେତୃତ୍ୱ ନେଇଥିଲେ । ଏହା ପରେ ଏକ ନୂତନ ରାଷ୍ଟ୍ର ବାଂଲାଦେଶ ଜନ୍ମ ହେଲା । ତେବେ ଏହି ଚଳଚିତ୍ରରେ ଭିକି କୈାଶଲଙ୍କ ବ୍ୟତୀତ ସାନିଆ ମାଲହୋତ୍ରା, ଫାତିମା ସାନା ଶେଖ, ଗୋବିନ୍ଦ ନାମଦେବ, ମହମ୍ମଦ ଜିଶାନ ଆୟୁବ ଏବଂ ନୀରଜ କାବି ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି ।