‘ବିଗ୍ ବସ୍ ଓଟିଟି ୩’ର ବିଜେତା ହେଲେ ସନା ମକବୁଲ, ଟ୍ରଫି ସହ ମିଳିଲା ୨୫ ଲକ୍ଷ ଟଙ୍କା
1 min read
ଦୀର୍ଘ ୬ ସପ୍ତାହର ଅପେକ୍ଷା ପରେ ଲୋକପ୍ରିୟ ରିୟାଲିଟି ଶୋ’ ବିଗ୍ ବସ୍ ଓଟିଟି-୩ ପାଇଛି ବିଜେତା । ତେବେ ସମସ୍ତଙ୍କୁ ପଛରେ ପକାଇ ବାଜି ମାରିଛନ୍ତି ଅଭିନେତ୍ରୀ ସନା ମକବୁଲ। ବିଗ୍ ବସ୍ ଓଟିଟି-୩ ଟ୍ରଫି ଏବଂ ଏଥିସହ ୨୫ ଲକ୍ଷ ଟଙ୍କା ପୁରସ୍କାର ରାଶି ସନା ନିଜ ନାଁରେ କରିଛନ୍ତି।
ସୂଚନା ଅନୁଯାୟୀ, ଶୁକ୍ରବାର ଅନୁଷ୍ଠିତ ‘ବିଗ୍ ବସ୍ ଓଟିଟି ୩’ର ଫାଇନାଲରେ ସନା ମକବୁଲ ଟ୍ରଫି ଜିତିଛନ୍ତି। ଫାଇନାଲରେ ଟପ୍-୫ ଫାଇନାଲିଷ୍ଟ ରଣବୀର ଶୋରି, ନାଜି, ସାଇ କେଟାନ ରାଓ, ସାନା ମାକବୁଲ ଏବଂ କ୍ରୁିତିକା ମଲିକ ଥିଲେ। ତେବେ ରାପର୍ ନାଜି ‘ବିଗ୍ ବସ୍ ଓଟିଟି ୩’ର ରନର୍ ଅପ ହୋଇଛନ୍ତି। ସନା ରାପର୍ ନାଜିଙ୍କୁ ପରାସ୍ତ କରି ସିଜନ ୩ର ଟ୍ରଫି ହାତେଇଛନ୍ତି। ଟ୍ରଫି ସହିତ ସନାଙ୍କୁ ମଧ୍ୟ ୨୫ ଲକ୍ଷ ଟଙ୍କା ମିଳିଛି। ‘ବିଗ୍ ବସ୍ ଓଟିଟି ୩’ର ବିଜେତା ହେବା ପରେ ସନା ବେଶ୍ ଖୁସି ଦେଖାଯାଉଥିଲେ। ଏବେ ପ୍ରଶଂସକମାନେ ତାଙ୍କୁ ସୋସିଆଲ ମିଡିଆରେ ଅଭିନନ୍ଦନ ଜଣାଉଛନ୍ତି।
ବିଗ୍ ବସ୍ ଓଟିଟି-୩ ଟ୍ରଫି ଜିତିବା ପରେ ସନା ମକବୁଲ ଭାବୁକ ହୋଇଯାଇଥିଲେ। ସେ ନିଜ ମା’ଙ୍କୁ ଆଲିଙ୍ଗନ କରି ନେଇଥିଲେ। ଟ୍ରଫି ଜିତିବା ପରେ ସନା ନିଜ ମନର କଥା ସେୟାର କରିଛନ୍ତି। ସେ କହିଛନ୍ତି, ମୁଁ ବହୁତ ଖୁସି। ଲୋକ ମେତେ ଗ୍ରହଣ କରିଥିବାରୁ ମୁଁ କୃତଜ୍ଞ। ନେଜିଙ୍କ ସହ ଶୋ’ର ଶେଷ ପର୍ଯ୍ୟାୟରେ ପହଞ୍ଚିବା ନେଇ ମୁଁ ବେଶ୍ ଖୁସି ଥିଲି। ମୋ ବଦଳରେ ନେଜି ଯଦି ଏହି ଟ୍ରଫି ଜିତି ଥାନ୍ତେ ସେତେବେଳେ ବି ମୁ ବେଶ୍ ଖୁସି ହୋଇଥାନ୍ତି।
ତେବେ ସନା ଜଣେ ପ୍ରସିଦ୍ଧ ଟିଭି ଅଭିନେତ୍ରୀ। ସେ ତେଲୁଗୁ ଏବଂ ତାମିଲ ଚଳଚ୍ଚିତ୍ରରେ ମଧ୍ୟ କାମ କରିଛନ୍ତି। ସେ ୨୦୦୯ରେ ‘MTV scotty teen diva’ରେ ଭାଗ ନେଇଥିଲେ। ୨୦୨୧ରେ ଖତରୋ କେ ଖିଲାଡି ୧୧ରେ ସନାଙ୍କୁ ମଧ୍ୟ ଦେଖିବାକୁ ମିଳିଥିଲା।
